ENTERTAINMENT

ENTERTAINMENT

197
0
SHARE

Group dang’a nadop sonteng Source jihdi haimil hih in

Malayalam actress khat in online a athil to thu asei jouva Kerala police hon ‘suo moto case’ sem

New Delhi: Malayalam actress minthang tah khat in achesa Thursday nikho a Kochi hypermarket mun a pasal ni in eimaiye, tin aseiyin, Instagram a vangsetna thilsoh ato thu aseiyin ahi.

“Lulu hypermarket mun a mun ong laitah khat chuleh mi alhom na mun khat a pasal ni in lampi a eimaiyin, abol mong lhon ahi. Apet pet chun bol ding kahe pon, ka lung adong lheh in ahi. Asuhkhel hiding ham tia kagel vanga adihlou um ahi”, tin athil to thu aseiyin ahi.

Akom a anaonu ding ahi in, thilsoh umchan amu jeh a actress nu henga che a naboi louvu hinam tia aga doh ahi. “Athil bol lhon kahet ahet lhon vanga ima kasei theilou jeh a kalung ahang lheh e. Pasal teni hi avel a kei leh ka naonu henga hung kit lhon a eihung hou lhon got ahi in, kanu ahung lhun phat a che doh lhon ahi”, tin actress nu in aseibe in ahi.

“Numei hi hi ahah in, inmun a kon iche doh chan a aphat tin a kiven ngai ahi. Ikun ahilouleh ikihei teng ivon kivettup angaiyin, mipi tamna lah a I op ikhut a kisel angaiyin ahi. Kanu, ka naonu chule ka loi kagol numei ho kalungkhampi e. Ajeh chu hitobang miphalou ho jeh a hinkho anopna alahmang u ahi”, ati. Hitobang a chon pasal hohi damun a umdinga kilomtah ahi, tin aseiyin chuleh numei hon abengphe abeh uva adonbut ding uva temna jong aneiyin ahi.

Alangkhat a, Kochi police leh Kerala State Women’s Commission hon actress nu in Insta a athusim asei thu hetpehna anei uva ‘suo moto case’ asem u ahitai. Police hon lim achomkhom uva mi 2 teni mat ding agot u ahi in, ahivanga actress nu hin official tah a hehna asem loulai ahi.

Xxxxxxxxxxxx

RLSP in Kangana Ranaut dona a Patna court a case sem khum

New Delhi: Kangana Ranaut thusei chunga lunglhai louva Rashtriya Lok Samta Party (RLSP) hon case ni actress nu chunga ajih khum tauvin ahi.

Kangana Ranaut thusei hi angai hilou chule national president leh Union minister anahi Upendra Kushwaha minsetna dinga thu asei ahi, tin party hon ngohna anei uvin chule Kangana thusei hi gamsung suhboi nading leh mipi lungthim a kivetda to na thei lunggel khumpeh thei ahi, tin ngohna aneibe uvin ahi.

Party in Patna khopi a Chief Judicial Magistrates’ (CJM) court leh Twitter India a IPC chule ITC Act section chom chom noiya hehna ajihlut u ahi. Case hi Legal Cell state president Advocate Shyam Bihari Singh in CJM court a ajihlut ahi. Hiche masang achesa Thursday nikho a jong Gaya mun a actress nu douna a case chom khat ana kijihlut ahi.

RLSP national general secretary leh spokesperson Fazal Imam Mallick in Kangana thusei hin alunggel ahoilou na chule minthang ding adeina avetsah ahi, tin aseibe in ahi. Achesa December nisim 3 nikho a Kangana in election meeting a Upendra Kushwaha lim kinel baotamna thei khat thu avel a anasei kit ahi. Hiche a athusei hin party president asuh minset ahi, tia RLSP in ngohna anei ahi.

Kushwaha injong hiche thu kisei December nisim 4 nikho a adeilouna thu aseiya adonbut ahi in, party election meeting lim alui kitahdoh hi actress nu in politics a aphatchompi ding ham tia alam louva aman thua thudoh jong ananei ahi.

Xxxxxxxx

94.3 Radio One International Icon Singing Talent Hunt a Shaggy ‘Mentor’ a pang ding

Radio One in International Icon kiti project lentah live a bol dinga tohgon aneiyin, ‘international digital musicial talent hunt show’ khat hiding, hiche hi music ngailu ho dinga kibol ahi.

‘One World, Your Station’ a kiphutdoh Radio One in campaign thah hondohna aneiyin ahi. International Icon in Radio One ngai ho ‘online sensation’ ahi thei nading uva phat (chance) apeh ding, athep nau vetsahna ding phat apeh ding ahi. Hiche competition achombeh ahina hi inmun a kon koi hijong leh anom nom in pan alah thei ahi.

Grammy Award sang a Pop, Reggae, Dancehall music icon Shaggy hi Radio One in campaign mentor dinga alhendoh ahitai. Hetthei khat chu Indian Singing Talent show a International artist leh Grammy Award sang khat mentor dinga akipan sah na amasapen ahi.

“Ngailutna leh tosotna tamtah India a um ka fans ho a konin kamu in Radio One in abol International Icon a ‘Face’ leh Mentor a kapan hi kei dinga kipana ahi. India gam a lasathem tah tah aume tihi kahet jing ahijeh a thanopna kaneiye. Campaign a pan nalah diuvin temna kaneiye”, tin Shaggy in akipana thu aseiyin ahi.

Shaggy hi achesa 1990s khang a dancehall/reggae music a lolhingtah anahi ahi in, hiche genre a dinga aminthang pen anahi a chule 1995 kum a release abol Boombastic leh 2000 kum a release abol multi-platinum Hot Shot hi sangtah a ana lolhing ahi. Tu naicha Shaggy in Christmas In The Islands (BMG) kiti Christmas album athah hondohna anei ahi.

Hiche album a hi Joss Stone, Ne-Yo, Bounty Killer, Beenie Man, Rayvon, Conkarah, OMI leh adang dang jong guest artist a pang a, track 15 um ahi. International Icon Campaign hi tua Radio One a live a kipe ahi.

Xxxxxxx

 ‘Steroid’ man loudinga ka trainer ho henga kasei masat pen ahi, tia Taapsee in ‘Rashmi Rocket’ a dinga akigot dan thu sei

New Delhi: Bollywood a talent neitah actress Taapsee Pannu in ‘Rashmi Rocket’ a dinga kigotna sangtah aneiyin, film thah atho na dinga training khoutah abol a chule atho ding character toh akilom thei napen dinga pan alah ahi.

Instagram a actress nu in lim thah atahdoh na a, akichuhna lim ho chule akigot dan thu aseiyin ahi. Video atahdoh na a Taapsee Pannu in, “Amasa pen a ka trainer ho henga kasei chu ‘steroid’ (tahsa hatna ding lou) manlou ding hi ahi, ajeh chu tahsan thei dinga ka lunggel kasem nom ahi”, ati. Actress nu in ama social media handle a video atahdoh in, anave uvin, tin aseiyin ahi.

Rashmi Rocket hi Akarsh Khurana in direct abol sports drama ahi in, film hi Ronnie Screwvala, Neha Anand leh Pranjal Khandhdiya in produced abol ding ahi. Film a hi actress Taapsee Pannu tilouva Priyanshu Painyuli leh Abhishek Banerjee jong pang ding ahi.

Rashmi Rocket a Taapsee in ‘sprinter’ role atho ding ahi in, thulhut dungjuiya, film hi khovei Diwali don teng leh theatre a release ding ahi.

SHARE
Previous articleENTERTAINMENT
Next article20th December, 2020 News
Editor at Eimi Times.