VVIP duty ‘a kon commando 600 val anti-terror operation’a ding’a kiladoh

VVIP duty ‘a kon commando 600 val anti-terror operation’a ding’a kiladoh

201
0
SHARE

 

New Delhi, Feb 15 (PTI): National Security Guard (NSG) hon VVIP security unit’a konin commando 600 val aladoh uvin, amaho hi tu naicha’a Pathankot kibulu na thilsoh mun’a amangcha uvin, hitia akimancha nau amasapen ahi.
Tohgon hi kum ni val chepi ding’a kigong ahitan, chule thingnoi hon Pathankot mun’a um IAF base abulu nau hi black cat commando ho operation bolna masapen ahi. Elite force hon asem-u blueprint thah dungjuiya 11th Special Rangers Group (SRG) team thum lah’a team ni hi VVIP security duty ‘a kon kiladoh’a, thingnoi douna operation bolna’a primary strike unit- Special Action Group (SAG) ho kithopi ding’a tohmun kipe’a ahi.
National Security Guard (NSG) commando team hohi primary unit 5 noiya um ahi in, SAGs ni hi officer leh Army jawan ho umna hi’a chule SRG thum hi paramilitary force personnel ho umna ahi. SAG teni- 51 leh 52 hi counter-terror, counter-hijack chule hostage rescue operation dinmun ho’a natoh kipe’a chule SRG thum- 11, 12 leh 13 hi SAG hon hitobang operation abol nauva logistic support pe’a pang ahiuvin, phat sottah amaho hi VVIP ho veng’a pang ahitauve. SRG jouse’a team thum cheh um’a, chule commando 300 cheh um ahi in, unit pumpi hi personnel 1,000 vel hiding’a tahsan ahi.