Vadung’a song le nel kila kikha

Vadung’a song le nel kila kikha

240
0
SHARE

Vadung’a song le nel kila kikha

                                 Mipi’n kihinsona dia abol atoh jouse kikhah tobang’a ahung um hi niseh a nikhotha kiloa kivah ho dia boina ahijeh a vadung song le nel ho govt nin ahinkha kitleh mi tamtah dia sum holna di kikhah hijeng kit ahi, Hiche jeh a Vadung song le nel loh a kivah mi tamtah in govt kom’a kiphinna ahinnei uva song le nel lahdi govt nin akha ahitahleh kivahna thei natoh ding dang neipeuvin ahintiu ahi. Vadung song le nel lah hung kikha lona bul hi Thoubal lang’a cheng mipi hon vadung song kilah jeh in vadung twi atheng thei tapon go (rain) hajuhlai jongleh vadung twi bonnang’in ahungji e ti ahi. Hiche jeh a Manipur High Court a hehna (Public Interest Litigation –PIL) hung kinei tolhon’a High Court nin tua pat anomnom’in vadung song le nel alahtheilou dia thulhahna ahinneilo ahi. High Court chu State govt tina ahijeh a hitobang kham gahna jeh a hahsatna toh hon govt nin kivahna di natoh dang khat angaito peh dia kiphinna ahinnei u ahi. Thoubal vadung lang’a nel kilahna kiti hi vadung chetna kila jong aumnan hinlah aboinapen hi thinglhang leisei kol lah a kon songtum tobang atum alhang’a kilaidoh a vadung twilah a JCB in asuhchipma akisop jeh a vadung twi hi san (red) jengji ahi. Ahileh hitobang nel kilah, kisona Thoubal lang bou kikhah hile thukhat chu Manipur pumpi a dia hung kikhah ahi. Hitobang Court thupeh um masang’a chu Sekmai lang khomi hon jong  akho kom uva Gun vadung’a koiman nel le song alahthei tahlou di ahitai tia khana ananei u ahi. Tua High Court nin ahinkha phatna Sekmai vel’a vadung nel loh hon jong kiphinna ahinnei kit uva vadung song le nel lahdi govt nin akhaleh kivahna thei di adang govt nin natoh ei ngaito peh uhen ahinti kit u ahi. Hitobang Court thupeh jeh in Sugnu lang Serou a nel loh hon jong kiphinna ahinnei u, Thoubal lang’a nel loh honjong keima keima gam cheh a nel kalah u ahibouve tia hung pang kit u ahi. High Court nin vadung nel lahdi akha hi apumkha hilou, govt nin phalna apeh hon bou abolthei di ti ahi. Hiche jeh a Moreh lang’a nel loh hon govt nin nel lah akhaleh phalna apeh loi um chu hithei ponte tia Moreh a kon phai lang’a dia nel po Truck ho achesah kitlou u ahi.

                 Tulai datmo umthim khat hi sum ahahsai akiti vang’a til’a sang’a baita, til’a mi neijou jep hon gari (Jeep) khat ham ananeileh ahat tah chu tulaija gari nei ngen hita, koima bi inn, pol inn a cheng jong umbeh talou, genthei jeh a nehding helouva puhsui a vahle kiti jong umtalou ahi. Ahin phat che dungjui leh mihem punbe dungjuija neh le chah kiholna di mun le gam hojong hahsa cheh cheh ahitah jeh a mun le gam umkham kham hi chai hemhum’a kilhagam ahitai. Thinglhang jougam hojong thingphung umgam talou, vadung’a nel le songchang songtum hojong umgam talou ahi. Govt nin jong hiche nabol sang’un adang khat bollun tia aseileji vang’a ima umthei behsehlou ahi. Tulai khantouna to inchen machalna hojeh a innsahna dileh lamlen semna di hoa song le nel ho til’a sang’a ha ngai cheh bon ahijeh in vadung song le nel akikha kitleh boina hi tamcheh di tina jong ahi. Alangkhat kitna, thingphung songphung le nel ho kisuhchaigam jeh a gojuh nisat jong kikhel kit, tukum jong Manipur a nichang sat jeh a mun tamtah a phailei bol umthei talou ahi.