Union Home Ministry in CAB thu’a kihouna nei ding’a MANPAC chule political...

Union Home Ministry in CAB thu’a kihouna nei ding’a MANPAC chule political party ho kouna nei

579
0
SHARE

Union Home Ministry in CAB thu’a kihouna nei ding’a MANPAC chule political party ho kouna nei

Imphal, Dec 2(ET): Manipur Chief Minister N. Biren Singh in Citizenship Amendment Bill, 2019 thu toh kisaiya Union Ministry in Manipur People Against Citizenship Bill (MANPAC), political party chule ‘Stakeholder’ dang dang ho kihoupi dinga kouna aneiye, tin aseiyin ahi.

Chief Minister’s Secretariat mun a Pradhan Mantri Matru Vandana Yojana (PMMVY) noiya Matru Vandana Saptah hondohna anei jouva thuso miho henga CM Biren in asei ahi. Sunday nilhah a Chief Minister in office mun a MANPAC lamkai hoto kihouna anei ahi. Hiche masanga CM in achesa November 30 nikho a Union Home Minister in CAB chungchanga ‘consultative meeting’ agon na a gamsunga kon koima kouna apehlou alungdon na thu asei ahi.

Bill a ‘clause’ kikoibe jong leh Parliament a CAB phatsah ding hi gamsung mihon asan louding ahi, ajeh chu Manipur gam a hiche hi aphatchomna umlou ding ahi, tin MANPAC Convenor Y Dilip in Chief Minister toh kihouna anei jouva aseiyin ahi.

Chief Minister in tuni a thuso miho akimupi na’a, Union Home Minister Amit Shah in December nisim 3, jan nidan 10.30 teng New Delhi khopi a gamsunga kon kalsong delegate ho akimupi ding ahi, tin aseiyin ahi. State sorkar in hiche thu a MANPAC leh political party ho hetsahna angaicha lekhathot ho apeh ahitai, tin aseibe in ahi. Union Home Minister in CAB thu a MANPAC leh NEFIP representative ho achom a kouna apeh maithei ahi, tia Sunday nikho thuso phabep a kisei ahi.

MANPAC in Home Minister toh kimuto dinga kigotna nei; CAB kiphal louding ahi, tia sei

Imphal, Dec 2(ET): Manipur People Against Citizenship Bill (MANPAC) member 9 panna team hon Tuesday nikho teng Union Home Minister Amit Shah toh kihouna neidinga Imphal khopi adalhah uva New Delhi jot dinga kigotna anei uvin ahi.

Home Minister Shah in MANPAC ho CAB thu a kihoukhompi dinga kouna apeh jou ahi. “Sunday ni a Chief Minister toh kihouna kanei uva hi hitobang kouna ima kamu louvu ahi’in, CM injong kitepna anei ahi. Ahin, meeting kichai jouva kouna kamu uve ti thu kajah u ahi’in, tuni jingkah a kouna lekha (hard copy) eipeh u ahi”, tin Yumnamcha Dilip in thuso miho henga aseiyin ahi.

“Kouna eipeh u akilamto e, ahivanga Northeast a CAB umlou ding ahi tia thumna khat kinei hi kikhel louding ahi”, ati. MANPAC team a Convenor Y. Dilip , Spokesperson Lancha Ningthouja, member Amu Kamei, Ph. Devan Sharma, Somorendro Thokchom, Kheiruddin Shiekh, L Jadumani, Mangcha Haokip leh Thiyam Saratchandra apang uvin, New Delhi khopi a jing nilhah nidan 10:30 teng Home Minister toh kihouna aneidiu ahi.

“New Delhi kajot masang uva bazar a minu chule Meira Paibi minu ho phatthei bohna jingkah nidan 10 teng Khwairamband Keithel a kakilah masat diu, hiche a kon airport kajot diu ahi”, tin Dilip in aseiyin ahi. Kipah tah a ahung kile theina dinga Dilip leh Lancha in taona ngaichatna jong anei lhonin chule hou khenna umlouva MANPAC team ho tilkhouna a lamlen pam chule temple mun jouse a thaomei vah dinga ngehna jong anei lhonin ahi.

Hetthei khat chu achesa nikho phabep sung’a chu Union Home Minister in CAB thu’a Northeast sung’ state phabep akon civil society organisation leh political party ho toh kihouna ana nei ahin hiche a chu Manipur akon  civil society organisation leh political party hon kouna anachang lou u ahi.

Congress leh CPI Manipur state council panna a Political party phabep in jong Union Home Minister toh kihouna ding’a thalheng solding a kigotna aneiyin ahi.

MPSC 2016 batch ho kikah lhata

Imphal, Dec 2(ET):  Supreme Court le Manipur High Court thupeh dungjui in MPSC  2016 batch ho kah lhah ding in thupeh ana kinei in ahi.

Hiche 2016 Batch MPSC Exam a analolhing tua kikahlha ho agomin mi 33 ahiuvin hiche lah a chu MCS mi 13, MPS mi 15 chule MSS mi 5 hiu ahi.

MPSC noi a kilah natoh na akon kah lhah a um ho chu Manipur Civil Service(MCS) Loktongbam Leander, Shenyai Leima Angom, Khwairakpam Tompok Singh,  Robert Longjam, Binita Ngangbam, Teresa Tangpua, Tongbram Bimolchand Singh, Paotinsei Kipgen, Linda Ningombam, Lianminthang Samte, Md. Gayasuddin Khan, T Khaiminlal Haokip chuleh  T. Joseph Lhungdim. Manipur Police Service James Konsam, RajkumarRoshan Singh, Sorokhaibam Sitaranjit Singh, Thokchom Heeraj Anand, Premanandi Okram, Yengkhom Jivan Singh, Arambam Geetanjali, Dayachand Soroikhaibam,  Kayenpaibam Sunderbala, Satkhogin Kilong, Hungyo Yurreikan, L Thanggoulien Khongsai, SL Lunlenmoi Vaiphei, Shonjakhup Haokip le Thingbaijam Kamaljit Singh. Manipur Secretariat Service L. Kherju, Maibam Gautam, Purbahshree Sanglakpam le Dinesh Thingom ahiuvin ahi.

ULFA le Centre kihou in achai na lam mano; Kumkit le kinoptona kisem ding ginchat um

Guwahati, Dec 2: Arabinda Rajkhuwa-Anup Chetia lamkai na United Liberation Front of Assam (ULFA) in Indian Government toh kihou na anei u achai na lam ahin mano utoh lhon in alang toni a kinoptona ho semdoh anahi in Home Ministry ang a phalpeh na ding in ana pedoh taovin ahi.

Kiloikhomna lamkai khat in thuso miho toh akihou limna a kihoukhomna achelha jing in, kinoptona jong chai theng ahi toh lhon a Home Ministry ang a kipelut draft in PMO phalpeh na ahin nei teng phondoh na hung kinei ding ahi ati.

ULFA lamkai pa chun kinoptona ho chung chang a ima ana seidoh pon ahi. Indian government in hiche kinoptona hi phalpeh na anei uva, kumkit kipat lam le phondoh na kinei ding hi kakinep na u ahi tin ULFA  general secretary, Anup Chetia in ana sei in ahi.

Hetthei khat chu ULFA hi achesa April 7, 1979 kum a Sivsagar, Assam a khangthah phabep Paresh Baruah, Arabinda Rajkhowa, Anup Chetia, Pradip Gogoi, Bhadreshwar Gohain le Budheswar Gogoi in ana phudoh u ahi. Kiloikhomna chu Assam sung socialist gam khat hisah na ding tup le doi a ana kiphut doh ahi. Achesa October 2011 kum a Bangladesh a nasatah a kiloikhomna ki suh genthei na ahung umtoh lhon a Indian Government toh kihou na ahin nei pan u ahi. ULFA in Indian Government ang a thumna ana nei chu Assam sung a chepi ding daan Indian daanpi noi a um lou phabep,  Bhutan gam a ULFA cadre amang ho chung a report semding ti ho ahi.

Hiche kihou na ahi Paresh Baruah lamkai na ULFA (Independent) in panlah na ana nei lou u ahin, BAruah in chamlhat na kipeh ding tokah a government toh kihou lou ding a hetsah na ana nei ahi tan ahi.

Chief Minister N Biren in Matru Vandana Saptah hondohna nei

Imphal, Dec 2(ET): Chief Minister N. Biren Singh in Pradhan Mantri Matru Vandana Yojana (PMMVY) noiya Matru Vandana Saptah (Maternity benefit program) Chief Minister’s Secretariat mun a tunin hondohna aneiyin ahi.

CM Biren in ahoulimna a, 2017 kum a kihongdoh scheme hi numei 1.2 crore vel in aphatchompi ahi, tin aseiyin, ahivanga scheme hi lhangsap angaijing nalaiye, ajeh chu program phatah hi ahelou numei tamtah um nalai ahi, ati. Scheme toh kisai natoh ho mopohna nei official hon phatah a atoh uva chule ‘target’ kisem molso nadinga pan alah diuvin CM in thuhilna aneiyin chule scheme phatah a akichepi vettup nadinga WhatsApp group asem diuvin jong aseiyin ahi.

Athu he a alhom jeh a thinglhang chule gamlha tah tah a scheme noiya register kibol lhom ahi, tin CM in aseiyin chule ADC member ho, Village Authority holeh Panchayati Raj institution hon hiche chungchang a pan alah u angaidan thu aseiyin ahi. Mopohna nei official hon natong hoipen district leh block ho akhol uva award apeh diuvin thuhilna aneibe in ahi.

Kin gon a pang Social Welfare Minister Nemcha Kipgen in scheme hi naovop numei leh naosen vah lai hi a numei ho sum a kithopina sorkar in apeh ahi’in, neh pha aneh nadiuva sorkar tohgon dei umtah ahi, tin aseiyin chule government official ho tilouva scheme alolhinna dinga mipin pan lentah anei ahi, ati. Pradhan Mantri Matru Vandana Yojana (PMMVY) noiya naovop numei holeh cha masapen neiya nao an vah (noichep lai) nei numei hon dangka 5000 hi installment thum a amu diu ahi. miho akimupi nauva pan alahkhom u ahi.

BJP sunga boina akichai tobang a kimu ahi’in, ahivanga political analyst hon gamsung boina chom chom aumjeh a amaho hi akipunkhom u ngai ahi, ati. COCOMI leh MANPAC in thu chom chom a kiphinna sangtah abol lou hileh BJP legislature ho hitia aumkhom nadiu dinmun lhomcha bou um ahi, tin aseibe uvin ahi.

IPS lhem khat Thoubal Police hon mandoh

Imphal, Dec 2 (ET):  Tuni chun Thoubal police hon IPS officer dan a kisei a Facebook akon nungah ho message thot jingkei Khanam Prasanta (25) S/o K. Brojen Singh, Irilbung kalika a cheng chu amandoh tauvin ahi.

Prasanta in athilbol chu police ho heng ah phondohna anei in IPS dan a kisei a kho hephalou nungah ho kom a sum alahdoh ji ahi in, ama hi 2018 kum achun Cyber crime police in SP dan a akisei a sum akilah jeh a jong ana mansau ahitai tin thulhut chun aseiye.

CM Biren in party sunga boina aphatcha kisuhlhap

Imphal, Dec 2(ET): Chief Minister N Biren Singh lamkaina a BJP lamkaina coalition sorkar in lamkai thu a Minister holeh BJP legislature ho kah a kihetkhelna um ol ol a asuhtup tobang a aumin ahi.

Achesa lha gup tobang hi BJP legislature ho kah a boina um’a, kiphinna nei MLA leh Minister hon Chief Minister adoudal uva, lamkai khel dinga thumna aneiyu ahi. Chief Minister panmun Biren in atuh loudinga kiphinna bol a Minister leh BJP MLA phabep in kiphin anga tauve, tia thuthang um ahi. Pan sangtah la phabep in kiphinna angah a chule boina khat a dinga toukhom uva pan alahkhom u ahi.

Ahivanga Minister numei khat in N Biren Singh lamkaina sorkar atahsan naipoi, tin thulamleng akiseiyin ahi. Minister numeinu leh Chief Minister kah a lunggel kibah louna anaum a ahijongleh akisulham tobang ahitai, ajeh chu Matru Vandana Saptah (week long maternity benefit program) kihondohna a Chief Minister’s Conference hall a toukhom lhon ahi. Programe hi Pradhan Mantri Matru Vandana Yojana (PMMVY) noi ahi.

Hiche masanga MLA P Sharat in Chief Minister lhangphong tah a achou ahi’in, CM panmun tuh khel dinga jong thumna anei ahi. Ahivanga tua hi ama chule BJP lamkai leh NPP legislature adang phabep hon COCOMI leh Union Home Minister in kihouna anei chungchanga thuso Sum hi amaho bank account ahilouleh post office account a kithot ding ahi’in chule ‘institutional delivery’ ho a hi Janani Suraksha Yojana (JSY) noiya dangka 1000 kilahbe thei ahi, ati.

Manipur gam a November 30, 2019 chan a scheme noiya beneficiary agom a 27,219 lhing ahi’in, DBT (direct benefit transfer) noiya tuchan geiya beneficiary hohi agom a dangka 10,85,29,000 kihomdoh ahitai. Kal lhung a umding kin gon hi ‘Towards Building a Healthy Nation- Safe Mother, Healthy Nation’ ti thupi noiya December nisim 8 chan kimang ding ahi.

Scheme hi State social welfare Department in district chom chom a um District Administration, Health and Family Welfare Department, Panchayati Raj institution chule adang dang ho abol ahi. Kin gon a Imphal West Adhyaksha RK Taruni, Imphal East Adhyaksha P Bimola, Principal Secretary (Social Welfare) V Vumlunmang, Principal Secretary (Finance) Rakesh Ranjan, Imphal East DC Dr Rangitabali Waikhom, Imphal West DC N Praveen, Social Welfare Director Ng Uttam, Health and Family Welfare Services Director Dr K Rajo chule official dang dang jong apang uvin ahi.

Civil Aviation Ministry in Imphal-Mandalay Flight service pat vah dinga sei

Imphal, Dec 2(ET): Mandalay, Myanmar gam toh igam u lenna a kijot to na ahithei nadinga gamsung miho deisah state sorkar in bulhit dinga pan sangtah alah a, Imphal leh Mandalay kikah a lenna lensah ding agot jing ahi.

Ahivanga, vangset umtah a Ministry of Civil Aviation in ‘scheduled flight service’ hilouva phat chomcha sunga dinga ‘chartered flights’ bou phatsahna aneiyin ahi. Hiche toh kilhon a achesa November nisim 23 nikho a Passenger Chartered Mandalay-Imphal-Mandalay Flight Service hondohna anaum ahi’in, M/s AIR KBZ Ltd in abol ahi. M/s KB enterprise Imphal tour operator hina a hondohna kinei chartered flight hi ahunglhung ding December nisim 7 chan a dinga bou Civil Aviation Ministry in phatsahna anei ahi.

State sorkar in ’round trip’ khat a ticket akijoh lha lou khat cheh a (atampen a seat 35 chan) a dangka 14,000 lenna man a kon dangka 12,956 subsidy hi pohdoh dinga asei ahi’in, gamsung mihon flight service aneithei nading gelkhohna jal ahi.

Phat achesot a ahileh sum dinmun umdan (financing model) hi det dinga tahsan umlou ahi’in, state sorkar in aman nem jep a Imphal-Mandalay kikah a lenna alen thei nading lampi chom chom akhol jing ahi. International UDAN scheme noiya Imphal-Mandalay sector pansah dinga Civil Aviation Ministry henga state sorkar in athu apohdoh ahi.

Chartered flight ho a hi subsidy hi ‘lump sum basis’ a fixed kibol ahi’in, ‘bidding’ dungjui ahi’in, International UDAN noiya aman lhomjep ding ahi. Hiche hi ticket man nem a choh nadinga passenger hon aphatchompi diu ahi. State sorkar in hatah a asei jeh a Civil Aviation Ministry, India government in Imphal-Mandalay sector hi gelkhohna peh a Act East Policy athupi dan hetpehna a International UDAN noiya pansah dinga kitepna anei ahi.

Chule hiche sector a dinga ‘bidding process’ (airlines kilhenna) hi aganna thei pen a bol a, lha ni sunga jo dinga jong aseiyu ahi. International UDAN noiya Imphal-Mandalay sector a ‘scheduled flight service’ akipat theiya ahileh gamsung miho lunggel bulhit na bou hilouva Imphal leh Mandalay kah a lenna a manlhom cha lenthei, chule flight service aboina umlou ding ahi. Hiche hi tourism, investment machalna hiding, sum dinmun khantouna leh gamkaiya tohmun kisembe na jong hiding ahi.

Ministry of Civil Aviation in tender process ajo jouteng Internation UDAN noiya Imphal-Mandalay sector a flight service lha ni sunga akipat ding hi ginchat ahi.

10 vei channa Sangai Festival khumkha hita; Manipur hi leiset chung a tourist destination lah a ahoi loi hisah na dinga government in pan alah jing ding ahi tia Governor in sei

Imphal, Dec 2(ET): Nikho 9  chelha Manipur Sangai Festival 2019 chu tuni in khumkha ana hitan ahi. Bhagyanchandra Open Air Theatre (BOAT) ah khukha na kingon achun Manipur Governor  Dr Najma Heptulla le Chief Minister N. Biren Singh chu jin gun le kinnei in ana pang uvin ahi.

A 10 vei channa Manipur Sangai Festival chu achesa November nisim 24th nikho a ana kipan a a November nisim 30 a chai ding ana kiti ahin hinlah mipi in sao sah be ding a temna ana nei utoh lhon a December nisim 2 chan a ana ki susao ahi. Festival khumkha na kingon a Governor  Dr Najma Heptulla in ahou limna a hiche festival kibol hi state sung a chon dan le thil kisem ho mitin vetsah ding tohgon na noi a kibol ahi toh lhon a hiche festival akon mudoh thei chu government in Manipur chon dan le khandan mitin hetsah na ding in panlah na tang lou in anei e ti ahi ati.

Governor nu in asei be na a Manipur sung a gam hoitah tah aum a leiset chung a aveding mi tam hung na thei ahi vang in  gamsung a boina jat chom chom le gamsung a dan palkeh mi tamna thu a mipi hetjing khat a aum jeh in dei bang in mi ahung thei poi ati. Hitabang a thil phalou mi in agel na pa hi gamsung mipi le government kitho a akhel thei ahi dan jong ana sei in ahi. Tourist ho gele tou na mun hotoh kisai a Governor nu in ahou limna a government in maljin hung ho gen a ding le touna ding a hotel ho vetlhah na anei a, state sunga agency chom chom ho in paying guest system ho jong apohdoh ding uvin hetsah na an anei in ahi. Tuchung festival kibol na a neh le chah kijoh le ane alhah sam na chung a governor nu in hitabang lhahsam na ajeh government in kholdoh na anei a kumkit le alolhin na tei ding a tohgon anei ding uvin jong temna ananei in ahi.

Chief Minister N. Biren Singh in khumkha na kingon a ahou limna a Sangai Festival in gamsung a jat tin le nam tin ahin huikhom a khat hina lungput ahin nei sah na thu ana sei in ahi. Gamsung boina hi mi atamjo in agam dan a gel lou a bol ding lom ahet lou jeh u  jeh ahidan tahlang na an anei toh lhon a mipi in kipumkhom a boina hung kon doh na hi ipi akonham ti joh agel ding uvin Chief Minister pa in temna an anei in ahi. Tuni khumkha na kingon achun government vai po ho le lamkai tamtah in panlah na an anei uvin ahi.

Zomi Council in rally abol Joint Committee in demna nei

Imphal, Dec 2(ET): Joint Committee Tiddim, Manipur in achesa November nisim 25 nikho a Zomi Council lamkaina a rally kibolna a thumna chom chom anei uva chule Manipur gam ke nathei thu asap u demna thuso anei uvin ahi. Committee co-convenor Y Thomba Mangang in thuso aneina’a, Zomi Council hon Teddim Road a rally abol nauva slogan chom chom asap uva, 6th Schedule noiya Zomi ho pansah nading chule Zoland Territorial Council semdoh ding thumna anei uva thu asap uhi gamsung Integrity’ suboi thei lentah ahi, ati. Zomi hohi gamdang mi ahiuvin, 1951 kum jouva Mizoram leh Myanmar kiti mun chom chom a kon hunglut ahiuve, tin aseiyin chule Zomi Council hi 1996-97 kum a anaum Kuki-Paite gal jouva kisemdoh ahi, ati.

Zomi Council ho thumna sorkar in asanpeh lou dinga aseibe uvin ahi. Churachandpur a cheng nam jousen gamdang miho thumna ho atosot lou diuvin Committee in temna jong anei uvin ahi. Paite, Khongsai, Zou, Hmar, Vaiphei, Simte, Gangte, Mate leh Meitei hohi gamsung mi dihtah ahiuve, tin Committee in aseiyin chule gamsung kipunkhom huhna dinga nam chom chom in pan alahkhom dinga kouna anei uvin ahi. Gamsung huhna dinga COCOMI in kiphinna abol leh tohgon anei jouse tosotna lhingset peh dinga Joint Committee Teddim Manipur in thuso anei nauva aseibe uvin ahi.