UN in ‘Syria peace plan’ kilolna neita

    118
    0
    SHARE

     

    New York, Dec 19 (Reuters): United Nations Security Council in Friday nikhon lung kitoh tah’a Syria gam’a chamna sem nading’a ‘international road map’ kilolna anei tauvin ahi.
    Tu masang’a Vienna khopi’a athu anaseiyu, hem-kham kou ding leh Syria sorkar leh opposition ho kah’a toukhomna sem ding’a kouna neiding thu kisei hi kilolna aneilhah-u ahitai. Ahin, kum nga nailam gamsung’a gal umjing hohi suhthip jeng nading’a hahsatna sangtah um nalai ding ahi, ajeh chu tuchan geiya goljou pen koima um loulai ahi. Gam thahat thunei hon kinoptona anei vang uva Syria President Bashar al Assad khonung ding thu akisei teng ngaidan aneiyu kibang jilou ahi.
    “Council in tuhi Syria gam’a thisan kiso ngahphat ahitai, ti thuthot kicheh tah’a aneiding chule natoh achepi pan diu ahitai”, tin US Secretary of State John Kerry in gam 15 lhing council ho heng’a vote abol jouvun aseiyin ahi. Lha khat sung’a UN in hem-kham vesui ding’a council apeh ding’a kilolna aneiyu ahi.
    Syria sorkar leh opposition hon khovei January lha kipat til lang leh toukhomna apat diuvin kilolna anei uvin ahi. Ahin, Kerry in January lha-kim ‘a kon lha kichai lang’a boldoh hiding’a tahsanna aneina thu aseiye. Chule Syria leh Iraq gam’a gam leiset lentah’a thunei vaihom’a Islamic State thingnoi ho douna gal jong sat jom ding’in kilolna anei uvin ahi. Syria chuncghang’a ngaidan kibang louva anaum jing ahi in, council in ngehna anei sangpen khat ahi.