Tribal kiloikhomna ho thilngeh leh kiphinna

Tribal kiloikhomna ho thilngeh leh kiphinna

236
0
SHARE

Tribal kiloikhomna ho thilngeh leh kiphinna
Kahlah lahleh Tribal kiloikhomna hon thilngeh leh kiphinna aneijiu hi itiham’a ivet/igel leh chi le nam’a thusei lasah bolna (communal) toh akiloji vang’a seididol asei umong jong ahiji e. Tulah Tribal kiloikhomna thupi cheh in aboipi hi TD (Tribal Affairs and Hills) a post thupidom ho Tribal officer hon alodi/atuh di ti leh RIMS a MBBS Seat hung kikoibe thua Tribal qota jong aumdi ti ahi. All Tribal Roghts Forum Manipur (ATRFM) hon Tribal ho phatchomna di thil jatjat ahinboipi naova tulah aboipiu hi TD a Director post, Joint Secretary post leh post thupi dom ho phaicham mi, kol le vai officer hon atuh sang’a thinglhangmi officer hon tuh hen ti ahi. Alamkhatna seidin Department khatna hi koi jat koi nam mi hileh dihtah a natohna anei pouleh aboina umdehlou di ahi. Ahin government kivaipohna a department hija lah a Trbal department kiti jong atumbeh a um ngal ahijeh a Tribal ho dinmun hethem dehset Tribal officer ho maman post thupidom ho atuhdi kiti hi akilomtah jong hithou, ahia Tribal bouvin atuh teiteidi ti jong hidehlou ahi. Trbal officer hon tuhleh agam mi hidi tina ahin Tribal lah a jong jat le nam a kikhenna leh kivetna umthei jong hikit thou ahijeh a gampam mi kol le vai koi chu kinaipina neichomlou leh koima khentum neilou khat nin apoh jongleh phamo dehlou ahi. Tuchan’a hung kichepidan vang hi ahileh TD  Director post hi Tribal officer lang ngen nin atuhji tithei ahi. Sum le politics thahatna govt post pha pha kituhsahna, kipehna dan’a aumtah jeh a thudih a na kitohna jong lhom, department khatna phatchomna mudidol hojong adel hat, asei hat leh sumpe jou hon bou amu dan’a umgam ahitai. TD hi minister jong Tribal hitei dia kichepi khat ahijeh a TD minister in TD a officer ho posting dijong akilhen thei hididol chu minister thepmo jeh ham, Chief minister in minister donglouva ama nopnop akikoi ham hidi tina ahi. Govt officer len lang posting hohi Department of Personnel (DP) nuoija um, hichu Chief minister in atuh kit ahi. Chief minister in DP atuh manna department posting jouse’a Cabinet thu alahlou di tina hidehlou ahi. Hiche ho themthem hi tua MLA/Minister phabep ho kiphinna jeh khatna pang’a kisei ahi.
RIMS a MBBS Seat 100 a kon 125 lang kikalsahna a All Tribal Students’ Union Manipur (ATSUM) hon ST (Tribal) quota um dia asei  jong hi seisei ngai louva State nin quoa System achepi dungjuija hijengdidol ahi. MBBS Seat ho dehdeh hi Seat khat le ni jong thupi tah ahijeh a Seat 25 langjen kipehbe hi akihomdidol leh achang didol ho kihom deldel diudan hijeng didol ahi. RIMS a Nurse leh Staff dang kilahna (recruitment) hoa jong chutima chu hididol ahi. Manipur kivaipohdan hi ima jousea aholoplop leh aha katkat chang jeng ti tobang ahitah jeh in RIMS a MBBS leh Nurse quota thua jong hin koiman imacha seidaleh midang di gelna umlouhel’a thipbeh a kiban huitupma kinehdi ti umjeng didan’a um ahi. Department tinchang’a Promotion a post mudi hoa jong Tribal ho ahitheichan’a notthapma koidi ti asung lang’a natoh aumji jeh a kiboina tam ahidan jong tahlangna ana umji e. Ipi hileh Tribal ho chandidol hiche khuche ahi tia panla honjong chi le nam (communal) thua seilouva Tribal ho thaneina (right) kisei ahibouve ti vetsah teidi ahi.

SHARE
Previous articleThusoh chom chom
Next articleThusoh chom chom
Editor at Eimi Times.