Tom Cruise toh kakikhen chun Hugh Jackman in nasatah a eina kithopi...

Tom Cruise toh kakikhen chun Hugh Jackman in nasatah a eina kithopi e: Nicole Kidman

792
0
SHARE

Tom Cruise toh kakikhen chun Hugh Jackman in nasatah a eina kithopi e: Nicole Kidman

Los Angeles: Oscar award sang a actress Nicole Kidman in actor Tom Cruise toh kakikhen a phat hahsa kato laitah chun actor Hugh Jackman leh ajinu Deborra-Lee Furness in sangtah in eikithopi’e, tin aseiyin ahi.

Australian Women’s Weekly magazine a Kidman in interview abolna a chun actor leh ajipa Tom Cruise toh akikhen lhon thu aseiyin ahi. “Kakikhen theng (divorced) lhon a chun kakiledoh kit nading a Hugh leh Deb in pan sangtah ala’e”, tin Kidman in aseiyin ahi. Hiche phat sung a hin kagol phatah phabep in eikithopi uve, tin aseibe in ahi.

Tua hi actress nu hin ‘Big Little Lies’ season ni channa aboipi laitah ahi’in, show hi India gam a Star World channel a kipe ahi. Nicole Kidman leh Tom Cruise hi kum 10 lhing akichen lhon jou 2001 kum a kikhen lhon ahi’in, amani hin cha akivah lhon Isabella (26) leh Connor (24) anei lhon ahi.

‘Aquaman’ actress nu hi tu a lasathem Keith Urban toh kicheng ahitan, amani hi 2006 kum a kicheng lhon ahi.

‘Sacred Games 2’ a Kalki Koechlin leh Ranvir Shorey jong pang ding

New Delhi:  Actor Kalki Koechlin leh Ranvir Shorey jong Netflix a tulha kichai lang teng kipe ding ‘Sacred Games’ season anichanna a pang ding ahi.

‘Season 2 umding ahi. Sacred Games Season 2 a Kalki Koechlin, Ranvir Shorey leh Pankaj Tripathi jong pang ding ahi”, tin Netflix India official Twitter page a post khat akitahdoh in ahi. Actor Kalki Koechlin season 2 a apan ding hi photchen ahitai. Game hin koi kichem ding ham koi umden ding ham ti alhen ding ahi”, tin thuso chun aseibe in ahi.

Ranvir injong Twitter a, ‘hiche kichepna hi koi hin sem doh ham’ tin thudohna aneiyin ahi. Tu naicha show teaser jog asodoh u ahitai. Show hi Vikram Chandra in abol ‘Sacred Games’ kiti setna, kijoulhepna leh adang dang thusim kiseina abol na a kon kiladoh ahi. Second season a hi Sartaj Singh (actor Saif Ali Khan) in khopi chule Ganesh Gaitonde (actor Nawauddin Siddique) huhdoh na ding a pan alahna ahi.

Filmmaker Anurag Kashyap leh Neeraj Ghaywan in season thah hi direct abol ahi.

Wonder Woman anu role tho ding a eina sei uve: Charlize Theron

Los Angeles: Hollywood actor Charlize Theron in DC superhero film actor Gal Gadot in atho ‘Wonder Woman’ a Gal Gadot anu role tho ding a eina seiyu ahi, tin aseiyin ahi.

Kum 43 a upa actor Charlize Theron hi Gadot sang a kum 9 a upa jo ahi’in, ‘Watch What Happens Live With Andy Cohen’ a Gal Gadot nu role tho ding a aseiyu thu aseidoh in ahi. “Nateh cheh cheh teng Hollywood in hitia hi namai abeh ahi ti vetsahna ahi”, tin actor nu in aseibe in ahi. 2017 kum chun Wonder Woman role tho nading a Hollywood a mikhat toh kakihouve”, tin Theron in phat chesa thu aseiyin ahi.

“Hiche a chun Wonder Woman in ipi abol ahi kahetlou jeh a kenjong Wonder Woman in ipi abol ham tia kadoh leh kakihoupi mikhat chun, ‘Ahipoi, Wonder Woman anu role ding ahi’, tin eidonbut’e. Hiche a bou chu kihet chet na kanei ahi”, tin aseibe in ahi. Gal Gadot in atho Wonder Woman anu Hippolyta role hi kum 53 a upa Connie Nielsen in atho ahi.

James Cameron in direct abol ‘Avatar 2’ December 2021 teng release ding

New Delhi: James Cameron in direct abol ‘Avatar’ film hi India gam chule international box office a sangtah a lolhing a record tamtah asemdoh ahi’n, tua hi film sequel ‘Avatar 2’ shooting aum laitah ahi’in, ‘fans’ hon release abol nadiu nikho anga lel jing ahi.

Film Director James Cameron in Twitter a, “Shooting bolna a akiboiyin, phat umhih jong leh Avatar 2 hi December 17, 2021 teng release ding ahi, ti kaseidoh nom ahi”, tin aseiyin ahi. Avatar film hi ‘fantasy’ leh ‘reality’ kihal khom na film ahi’in, visual effect hoitah leh thusim kilom tah a asem uhi avehon nasatah a avet nom ahi.

Film a hi Sam Worthington, Zoe Saldana, Michelle Rodriguez, Stephen Lang chule Sigourney Weaver leh adang dang jong pang ahi. Film hin box office a dangka billion 2 val amu ahi’in, billion 2 val mu a film masapen ahi. Kum ni val jouva sequel kisem ahi’I, James Cameron in thanopna lentah anei thu aseiyin ahi.