TMC lamkaipa chapa teni in IAF corporal 1 gari’a atalih pet lhon’a...

TMC lamkaipa chapa teni in IAF corporal 1 gari’a atalih pet lhon’a ju kham lhon ahi

109
0
SHARE

 

Kolkata, Jan 16 (Zeenews): Red Road lhang, Kolkata khopi’a Wednesday jingkah’a Indian Air Force Corporal khat in tosetna’a thina ato pet’a hi Trinamool Congress lamkai Md Sohrab chapa teni Ambia leh Sambia Sohrab hi ju akham’a kham ahi, tin thulhut in aseiye.
Hindustan Times’a kimu thulhut chun Ambia leh Sambia chule aloi midang ni in Central Avenue pub khat’a January nisim 12 nikho jan nidan 9 pm chan gei party abol-u ahi. Kona Expressway’a club minthang khat’a cheu ahi in, jan-kim don’a amaho phone jouse switchoff ahitai. Club’a hi jan khovah’a um uva, khovah lhah’a ahung nauva kum 21 ‘a upa Corporal Abhimanyu Gaud gari’a ata-lih-u hiding’in police hon aseiyun, Gaud hi jingkah’a Republic Day parade’a ding’a rehearsal abol ahi.
Police hon thilsoh toh kisaiyin koima aman nai pouvin, Sohrab te ucha hi China gam’a jamdoh ding’a ginchatna thulamleng kisei jing ahi. Sambia in China gam’a inmun chule office anei ahi in, Bangladesh gam’a kon China gam’a soh thei (fruits) ho export abol ahi. Gaud hi IAF Corporal ahi in, Kolkata’a posting hi’a chule Wednesday jingkah’a Audi Q7 SUV in atalih’a hi Republic Day parade rehearsal vetsuina anei ahi. Speed hattah’a lhai car hin gaud atakhah jouva jong metre 20 tobang akai pai pai ahi in, thisan che val jeh’a Gaud thi ahi.