Thusoh chom chom

Thusoh chom chom

232
0
SHARE

Babysana thi thu’a nidan 19 bandh jeh a phaicham kimanchah nasatah a boi; kiphinna bol mi 10 in ‘mass court arrest’ kiphinna pan

Imphal, Aug 9(ET): Babysana thi thu a kisemdoh JAC in nidan 19 bandh akou jeh a phaicham a kimanchah nasatah in asuboi in ahi.

Bandh sunga school, college leh university ho akikhah soh in, government institution ho a mi lhomcha bou aumin, bank leh sumkol veina mun hojong akikhah in ahi.Bus, auto, winger panna a passenger gari ho lamlen a alhaipon, inter state leh inter district gari hojong alhai pon ahi. Phaicham a um district headquarter atamjo a bandh ahat in, khopi sung, Thangal bazaar, Paona bazaar ho a dukan atamjo akikhah in ahi.

Phaicham mun chom chom a bandh bol hon lamlen akhah uvin, bandh toson hon lamlen lailung a tyre ahal uvin, khom ajam uvin ahi. Bandh bol hotoh mun phabep a police ho akinoto uvin, police hon tear gas phabep akap uvin, mol amang uvin ahi. Thilsoh a kiphinna bol numei thum- Hijam Usharani, w/o H Dhanachandra, Nongmaithem Sunita w/o N Samananda leh Okram Santi, w/o O Pakpa akisukha in, akisukha hohi abon uva Thangmeibang Hijam Diwan Leikai a cheng ahiuve.

Alangkhat a JAC convenor Thingnam Chittaranjan Singh leh General Secretary, TUC Heishnam Phoren panna a Thangmeiband United Club (TUC) member som in ‘mass court arrest’ douna a kiphinna apan uvin ahi. Police team hon aman uvin, ahivanga official tah a kiman ham ti thu tu dinmun a photchen hiloulai ahi. JAC convenor in thuso miho akimupi na’a, tuni a kon ‘mass court arrest’ demna a kiphinna kipan ahi, gamsung mihon tosotna einei diu ginchat ahi, ati. Police team hon JAC convenor Pratap leh TUC member Joy amat uva, ni 14 jail a umdinga aseilhah jou uva ‘mass court arrest’ apat u ahi.

JAC, Thangmeiband akon volunteer thum ana kiman ho chu police in tuni in jail a ana koi tao vin ahi. Akiman doh ho chu Okram (O) Shanti Devi (48) W/O  O. Pakpa Singh, Nongmaithem (O) Sunita Devi (46) W/O N. Samananda Singh le Hijam (O) Usharani Devi (44) W/O H. Dhanachandra Singh, Thangmeiband Hijam Dewan Leikai akon ahiu vin ahi. Amaho chu jani a Thangal bazar a dukan ho kha sah ding ana got utoh lhon a police in anamat u ahi. Alangkhat a

Haobijam Gyaneshwor Singh, 35 yrs S/O H. Prem Meitei, Sugnu Turel Wangma A/P Thangmeiband Thingel jong chu amaho lah a ana pan toh lhon in tuni in jail ana kilhut kit in ahi.

Mun chom chom a toumun kiphinna abol uvin, Babysana chunga thudih a thutanna aumna dinga mun phabep a ‘human chain’ jong asem uvin ahi. Khurai mun Imphal-Ukhrul lamlen chule Imphal-Pangei lamlen a bandh toson hon human chain asem uvin ahi. Uripok, Thangmeiband, Namdulong, Keibi chule mun dang dang a bandh toson boina sem a jong aum uvin ahi.

Lamphel Imphal West district, a kiphin hole police ho kinoto na asan jeh in, police hon tear gas shells leh  mock bomb alha naovin  mipi lah a numei  2 a kisukhan ahi.

Imphal West district police headquarters, conference hall a press conference khat achelhan hiche achun, IGP Clay Khongsai in Standard Robarth Higher Secondary School a pan mun nei jouse kholchilna nei dingin , Special Investigation Team (SIT) hon akigoi in mi 5 mat in aumtai tin aseiyin ahi.

Police in JAC lamkai phabep ana mankit

Imphal, Aug 9(ET): Police in tuni in Babysana thina toh kisai a JAC kisem lamkai phabep tuni in ana mat be kit uvin ahi. AKimandoh ho chu  Heisnam Phoren Singh 49 yrs S/O H. Sgarat Singh, Nagamapal  Kabgjabi Leirak akon, Sapam Shubhangkar Singh,  53  yrs,  S/ O S. Jugeshwor Singh, Nagamapal Kangjabi Leirak akon, Konsam Babul Singh, 49 yrs, S/ O Late K. Gopal Singh, Nagamapal Kangjabi Leirak akon, Thongbam Basanta Singh, 52 yrs S/O Late Th. Maniratan Singh, Thangmeiband Meisnam Leikai akon, Koijam Manigopal Singh, 48 years S/O K . Iboyaima Singh, Thangmeiband Meisnam Leikai, Naorem Santosh Singh, 45 yrs S/O Late N. Jugol Singh, Thangmeiband Meisnam Leikai, Sagolsem Basantakumar Singh, 42 yrs S/O  S. Giridhari Singh, Thangmeiband Meisnam Leikai, Shamjetsabam Rabi Singh, 40 yrs  S/O S. Tomba Singh, Thangmeiband Lourungpurel Leikai, Thongbam Shibadutta Singh, 47 yrs S/ O Late Th. Maniratan Singh, Thangmeiband Meisnam Leikai, Khundrakpam Shyamkanhai Singh, 49 yrs S/ O Kh. Ibotombi Singh, Thangmeiband Meisnam Leikai le Thingnam Chitaranjan Singh, 53 yrs  S/ O  Th. Gorani Singh, Thangmeiband Kabrabam Leikai (Convenor JAC ) ahiuvin ahi.

NIA in Arunachal NPP MLA Tirong that a pang ho lim sodoh

Guwahati, Aug 9: National Investigation Agency (NIA) in Arunachal Pradesh gam a NPP MLA Tirong Aboh kikaplih na a pan la dinga ginmo thingnoimi ho lim asodoh uvin ahi.

Toltha a pang dinga ngohna kinei thingnoimi nga hohi- Ravi Wangno, Ellie Ketok, Absolon Tangkhul, Victor Tangkhul chule Apem ahi. Hetthei khat chu Kilonser Ravi Wangno, Ellie Ketok leh Apem chunga dangka lakh ni cheh ‘reward’ kikoi ahi’in chule Absolon Tangkhul leh Victor Tangkhul chunga dangka lakh thum cheh ‘reward’ kikoi ahi. Hiche tilouva NIA honjong koi tobang thingnoi akisei ho kimat nadinga thu pe a aumleh sum a kipaman peh dinga phondohna jong anei uvin ahi.

Kum 42 a upa Khonsa West MLA Tirong Aboh hi achapa chule a insung mite le midang toh Bogapani kom, Arunachal Pradesh gam a thingnoimi hon akaplih u ahi’in, Dibrugarh, Assam gam a kon ahung kile nau lamkah a thingnoimi hon akaplih ahi. Arunachal Pradesh gam a Lok Sabha leh Assembly election result kiphon kon thilsoh ahi.

Tamenglong district a ni-ni bandh kikou phat chomkhat a dinga kiladoh ta

Imphal, Aug 9(ET): August nisim 10 a kon Tamenglong district a ni-ni umdinga bandh kikou phat chomcha a dinga aladoh tauvin ahi.

Dr Aku, President, Zemei Naga Council (ZNC) in Friday nikhon thuso miho henga state sorkar in ngehna sangtah anei toh kilhon a phat chomkhat kipeh be ding ahi’in, hiche jeh a bandh kikou hi phat phabep a dinga kiladoh ahi, tin aseiyin ahi. Tamenglong and Jiribam district Boundary Encroachment Issues thu a kisemdoh Joint Action Committee in ni phabep masanga bandh bol dinga thuphon anei ahi.

Bandh bol dinga thuphon hi Zeme Naga Council Manipur (ZNCM),  Liangmai Naga Council (LNC), Rongmei Naga Council  (RNC), Inpui Naga Union,  Kuki Chief Association (KCA), Tousem Area Student’s  organization (TASO),  Rongmei Naga Youth Organization (RNYO), Rongmei Naga Students’ Organization (RNSO), Zeme Students’ Organization (ZSO), Liangmai Naga Katina Ruangdi (LNKR), Thadou Students’  Association (TSA),Tamenglong-Jiri branch, Kuki Students Organization ( KSO),  Tamenglong-Jiri branch,  Kuki Inpi, Jiribam leh Tamenglong Districts, Social Welfare Forum, Jiri-Imphal Road chule Liangmai Naga Youth Organization, Tamenglong district in atosot ahi.

Tatbung kho, Tamenglong district a um Jiri Police station apet pet a alahdoh uva Tamenglong district police akhel sah diuva kiloikhomna hon thumna aneiyu ahi’in chule Tousem subdivision, Tamenglong district a cheng ho chule gam kichoh hon Tamenglong district administration henga kai (tax) apeh diuva jong thumna aneiyu ahi. Hiche tilouva Sub Divisional Officer (SDO) chule staff, police leh doctor ho Tousem sub divisional headquarter a apet pet a aumsah diuva jong thumna aneiyu ahi.

Kaipundai a kon Tousem, Tamenglong a kon Tousem (via Azuram) lamlen jong gangtah a semphat ding a kiloikhomna in thumna anei ahi. “Sorkar in phat athumbe jeh a phat kipeh be ahi’in, hiche sunga thumna kinei ho sorkar in asan dehlou leh kiphinna kichepi ding ahi”, tin Dr Aku in aseiyin ahi.

Itobang hahsatna umjong le kimaito pidin Security dinmun ah armed force  ho kigochai ahi tai: Defence minister in sei

New Delhi, Aug 9: RakshaMantri tia jong kihe Shri Rajnath Singh in Article 370 chung changa boina umthei ding dinmun aumkhah jong le arm forces ho kigosa dem in aum taove tin aseiyin, Union Territories kiso ding  Jammu & Kashmir leh  Ladakh kisem doh hin mipi ten kum 70 val kikhen telna ato hohi tun abeitai tin aseiye. Institute of Defence Studies and Analyses (IDSA), New Delhi, in annual general body meeting aneina a houlimna nei, ShriRajnath Singh in, Prime Minister Shri Narendra Modi lamkai na sorkar jal a machal na ahunglhung jinge chuleh boina aum ding leh boina sulham din arm force ho cheng kigo chaisan aum tauve tin aseibei.

Executive Council ho phatsah na noiya Shri Rajnath Singh hi President of IDSA adia lhendoh ahin,   Shri Sujan R. Chinoy, Director General, IDSA,in lemna anei yin, chuleh  IDSA noiya um dan le mol kipoh na simlhah na jong anei in ahi.  Milun Rajnath Singh in IDSA  munna thingkeh jong aphut in, aman  IDSA gunchu na jal a India in defence lampanga  misanga machal na ahin neijoh nadin tilkhouna anei in  ahi.

 ‘Make in India in Defence Industry’ tohgon na noiya, Defence and Aerospace manufacturers ho kihoukhom na hi Milun Rajnath Singh lamkai na noiya chelha ding sahi.

Babysana jouva boarding a um simlai khat thi kit

Imphal Aug 9(ET): Aumna hostel sunga athisa kimudoh a Ningthoujam Babysana chungthu a thudih a thutanna aumna dinga gamsunga kiphinna sangtah achelhah jing laitah a hostel a um simlai khat jong hostel kom a um pukhri a athisa akimudoh in ahi.

Athi simlai pa hi Wangoi Thounaojam Leikai a cheng Thounaojam Ronaldo (17), s/o Th Manglemba ahi’in, Yumnam Huidrom Lakhsmi Bazar a um Royal Academy of Advance Learning a class 10 simlai ahi. Simlai pa hi hostel a um ahi. Athi simlai pa hi Thursday jan nidan 7.30 don a kiholmo ahi’in, hiche jouva kon nasatah a ahol pan u ahitai.

Friday jingkah nidan 7.30 don a school campus pam a um pukhri kom a sandal amudoh u ahi’in, hiche jouva pukhri sung ahol ule thilong amu u ahi. Ka sopipa hi hostel authority ho mitmo leh gelkhoh loujeh a thi ahi”, tin Manilbashu in aseiyin ahi. Chule mopohna nei authority hon hostel regulation ho avetlhah diuvin aseibe in ahi.

Royal Academy of Advance Learning boarding a hi simlai 61 vel um ahi’in, athi simlai pa hi Room 33 a um ahi. Saturday masa, August nisim 3 nikho a boarding a lut thah ahi. Thilong RIMS a post-mortem bol dinga apolut tauvin ahi.

Hostel/Boarding kibolding dang chunga hetsah na kinei

Imphal, Aug 9(ET): Manipur sunga hostel/boarding kibol na chunga dan kijuina ima aum tah lout oh lhon a anei ho in ama ama dan akisem uva phate a vetsui na anei lou tahlou utoh lhin in tuni in Education(s) Commissioner in hetsah na thuso khat ahin nei in ahi. National Commission for Child Rights in achesa 2018 kum a hostel/boarding kisem ding dan toh kisai a guidelines ana sem u state phabep in ana jui dan ule akisem phat a ajui utoh lhon in achepi jing uvin ahi. Manipur sunga hitabang guidelines ima kijui loutoh lhon in school bol ho, simlai kiloikhom, minu mipa, jilkung simlai le adang dang in hostel/boarding ho a dan semnading toh kisai a alunggel ngaito adei ho u department ang a ahin pehlut ding uvin hetsahna ahung kinei in ahi. Lung gel ngaito ho Directorate of Education(S) office ahi lou le e-mail kirankumar_thokchom @yahoo.co.in ahilou le tgeetchandra@gmail.com a ahunglhungding September 10 kah a ahin pehlut ding uvin hetsah na ahung kinei in ahi.

State govt in MLA development fund adinga Dk. crore 120 lhadoh thei lou lai

Imphal, Aug 9: Tu le tua 2019-20 financial year akimlang ahung geitah vangin state government in sum le pai hahsat na anei jing toh lhon in MLA development fund dangka crore 120 lam chu tu chan in alhadoh thei hih lai uvin ahi.  State government in sum le pai hahsat na asuhlhap joulou toh lhon in Union Government in budget ahin lha ding u ngajing tilou bolding aumpoi tin ginchat umtah thuso kimu chun asei in ahi. Sum le pai dinmun hoilou toh lhon in state government in crore phabep bat anei kit dingin aum kit in ahi. Achesa kum ni sunga state government sum jah na chunga vetchil lou le hetlou phabep aum jeh a boina aum toh lhonna boina suhlhap nadinga hi finance department bou hilou a finance toh kisai department jouse in pan alah khom ding u angai dan jong thuso chun asei in ahi. Hetthei khat chu dangka crore 120 chu 2019-20 sunga dinga MLA 60 ho dangka crore 2 cheh a hop peh a constituency sunga khantou machal na jat chom chom natoh na dinga ajah ding uva peh ding a ana um ahi. Dan dungjui a  MLADF, constituency dungjui a hopna hi Finance department in DRDA account a ahet jou teng kibol ding ahi. Fund ho chu DRDA account a akihet jou teng constituency a natoh na kinei ding ho, atong dingho le bank account ho pehlut hiding, DRDA in phate  a avetchil jouteng fund apeh lut ding u ahi.

Article 371 umjom ding ahin, Northeast hon akichat diu aumpoi: DoNER Minister

Shillong, Aug 9: Union Minister of State in-charge, Development of North Eastern Region (DoNER), Jitendra Singh in Thursday nikhon Article 370 kisuhmang hin Article 371 in avenbit Northeast gamkai atohkhah louding ahi, tin aseiyin ahi.

“Article 370 kisuhmang hin Article 371 toh kisaina aneipoi. Hiche teni hi article chom cheh ahi’in, Article 371 a kisei hi achom beh ahi”, tin Singh in Shillong khopi a e-Governance thu a 22nd National Conference akibolna kin pam a thuso miho akimupi na’a aseiyin ahi. Jammu and Kashmir gamsung ‘special status’ akipehna Article 370 kisuhmang jeh a Northeast gamkai kivenna Article 371 jong kiladoh inte tia lunggel tamtah um ahi.

“Home Minister Amit Shah in avel vel a chule Parliament mun chan a Article 371 kikhel louding, angaibang a um den ding ahi tia asei ahi”, tin Union Minister in aseikit in ahi. Alangkhat a Kashmir Congress Chief Ghulam Nabi Azad in Kashmir gam a National Security Advisor Ajit Doval akholjin na, ‘mijouse puithei ahi’ tia aseithu demna aneiyin ahi. “Azad tobang hetthei umtah lamkai khat in hitobang thudohna anei ding kigel pha lou ahi”, ati.

Article 370 suhmang nadinga kilolna hi Parliament a House teni a atamjo in phatsahna anei ahi’in, India gammi crore 130 thalheng a ding MP hon aphatsah ahi, ati. “Kashmir gamsung dinmun apha in chule Jammu and Kashmir gamkai thum- Jammu, Kashmir leh Ladakh a milham (common man) hon thulhuhna akipapi uve tihi kiseithei ahi”, tin thudoh donbutna jong aneiyin ahi.

“Lamkai phabep in Article 370 kisuhmang hi deihih jong leh gamsung mihon alamto ahi’in, Srinagar khopi lamlen a kipa golnop aman u ahi. Kum nga ngah uvin, kum nga alhin masanga tu a hitobang thulhuhna akinei jeh a aphatna lang a kikhelna umho muthei hiding ahi”, tin Singh in aseibe in ahi.