“Territorial Council” means “Framework Agreement”

“Territorial Council” means “Framework Agreement”

1821
0
SHARE

“Territorial Council” means “Framework Agreement”

By- Mark Haokip

Territorial Council Kukite pieh dia kisei hi tolthat le jou-le-nal a kichem NSCN-IM te Framework Agreement minlhem ahi.  India government in asei banga Framework Agreement finalize ahi teng leh Naga te seh seh hilouva mi tamtah in aphatchom pi ding ahi tia aseiyu ahi. Masang chun ana kihethem pon hijong le athu umdol hi akivet vet a ahile duha thuh tah a kikhenga TC min a kilep a Manipur a Kukite gam jouse lahpieh a suhbei doh ding ti target ana hijoi.

Territorial Council implement kibolna area sung sese chu Framework Agreement lut ahitai, tina ahi. Kukite het a Framework Agreement chu Territorial Council a alep uva atuom maimaiyu ana hi e. Territorial Council chu ilah tengleu igamu chu NSCN-IM Framework Agreement sunga lutchat ahitai tina ahin Kuki gam chu Naga gam dia convert hichat ding ahi. Hiche thuguh hi Zomi hon bou hetdiuvin kagingcha e, hiche jeh a NSCN-IM toh kiguijop na nei holeh Manipur a cheng Fake Naga ho hibangse soh u ahi. Hiche thugil hi Intellectual circle sunga jong koima ahedoh akiumpon genthei te ihi man un “Territorial Council beh akimu loule hithei ponte” tilam joh in pan nasatah in ilauvin ahi. Amichula eima ho le eima pichu mi duha buloma kibumlih gamgo inahiuve.

Hiche jeh a NELive News ten Muivah interview abol nauva chu, “Manipur a Naga le Meilhei bou kacheng uve” tia aseiya, Kuki hohi Naga ahitia Naga fold sunga asimtha ahin hiche logic aman chah hi proof evidence ahi.

Hiche jeh a chu Territorial Council chu Naga te het a Framework Agreement ahin, achuti jeh a kipah uva thipchat a Kukite pieh dia kisei TC chu adoudal lou beh u joh ana hi e. Hitia chu Kukite kilhemlha Framework Agreement pi chu Territorial Council ahitia eilhep lhah joh u ahi. Hiche thugil hi Pathen lungset najal bouva kimandoh bou ahi.

Ahim hima NSCN-IM in Framework Agreement amuleh Kukiten jong ipi hamkhat amudiu ahitia asei uva konna jong imatdoh thei jengu hilou ham? Milolhin ding mana ibola sachan kilah dia igel jengu ham?

Hiche jeh a Churachandpur based Kuki Television Channel, TC Network ten interview eina bolnauva chu kana seiya, Territorial Council ilah diu ahi jongle Negotiation Point lah a Kuki Customary Institutional Rights/Law pang hen, hichu India government in recognized eibol pieh u henlang, hiche Kuki Customary Law chu India in Constitutional provision eibol pieh uhen tia kana sei ahi. Hitia chu Kuki Customary Institutional Rights chu recognized eibol pieh uva ahile Political term a seidia “Shared Sovereignty” toh equivalent hung hiding, Kukite chenna jouse adia Kuki Inpi in by Law or Amendment asema Bill passed abol leh hiche provision hin ahuoptha sohkei uva expansion kibol thei ding, Kukigam or Kukite chenna jouse Boundary limitation umlouva TC provision in ahin huoptha joukei thei ding, chule hiche Kuki Customary Institutional Rights jeh a chu NSCN-IM Framework Agreement chu TC a alep uva eipieh u jongle igam chu Naga hoa ahitai tia akhukhum theilou ding, Government of India in jong ahetlou kah a Kuki Sovereign Rights chu recognized ana boldoh hiding tina ahi. Hichu sovereignty movement adia foundational root khat ahidoh thei nadia giltah a kigel a ana kisei ahijoi. Hinlah demand point ho akivet le Zero ahijengin ahi. UPF/Zomi lang ho Demand point chu akivet leh Myanmar sunga um sopi ho jong anop le hungcheng thei diu, free movement umding tiho pou ahikit in ahi. KNO te a jong ivetkit le akikhel lele jengin Kuki Institutional Rights preserve bol thei na ding akilulah pon ahi. TC issue maimai a mi duhabol ho mandoh thei louva iumu ahile Kukite hi politician akium naipoi tina himai ahi. Hiche pihi iti politics ibol diu hitam? Kalung akhamin ahi. Political movement akiti pou pou leh meithal choi ding bou igelthupi uvin hiva chun i failed leilei uvin meithal choiji ihepouvin ahi.

Hiche jeh in akimu theilou ding hijong leh “Kuki State” itiu chu politically a seidia kidoi jo ahin pasal hina, nam khat hina adia kicheh jo ahi, ajeh chu mi sabel sunga ankam boh kilhah ding kiti tobang FA jeh a Kuki hon jong chanvou kimu ding kiti chu hoi behseh lou ahitan, chuti ham kiti chu ana hikit louva Framework Agreement pichu Kuki ho koma TC dana alep uva TC pieh a pieh ding eigot u ana hijon ahi.