Sushant Singh leh Sara Ali Khan ana kilungset lhon a, ‘Sonchiriya’ film...

Sushant Singh leh Sara Ali Khan ana kilungset lhon a, ‘Sonchiriya’ film a flopped jouva Sara in akhen ahi: Samuel Haokip

187
0
SHARE

Sushant Singh leh Sara Ali Khan ana kilungset lhon a, ‘Sonchiriya’ film a flopped jouva Sara in akhen ahi: Samuel Haokip

 

New Delhi: Sushant Singh Rajput toh golpha tah hi a Samuel Haokip in actor pa leh actress Sara Ali Khan hi ‘Kedarnath’ film shooting abol lhon laiya kilungset lhon ahi, tin aseidoh in ahi.

Samuel in Instagram post a, Sara leh Sushant akikhen thei lhon lou dan chule khat leh khat jana sangtah akipeh to lhon thu aseiyin, ahivanga Sushant film ‘Sonchiriya’ box office a alolhin lou jouva Sara in Sushant akhen ahi, tin aseiyin chule Sara hi Sushant toh kikhen dinga ano/aseiya um hintem, tin alungdon na thu jong aseiyin ahi.

“Kedarnath promotion abol u kageldoh nalaiye. Sushant leh Sara hatah a kingai lhon a, chapang kho heloulai ho banga kikhen thei lhonlou ahi. Jana sangtah akipeh to lhon dan hi tukhang a akilungset ho lah a kimu behlou ahi”, ati.

“Sushant insung mite, aloi agol chule staff ho chan geiya Sara leh Sushant hin jana apeh ahi in, Sonchiriya box office a alosam jouva Sushant toh kikhen dinga Sara in kigel lhahna anei hi Bollywood mafia hon pressure apeh jeh u ahidem kahethem poi”, tin jong aseibe in ahi.

2018 kum a ‘Kedarnath’ film release ahi a hi Sara leh Sushant hi akideiye, tia ana kisei thang ahi in, ahivanga amani tah in photchenna anei khah lhonlou ahi. Abhishek Kapoor in direct abol ‘Kedarnath’ hi Sara dinga Bollywood film masapen ahi. Sushant hi achesa June 14 ni a achenna inmun a athisa kimudoh a, athu kholna hi Mumbai police ho a kon CBI hon alah ahitai.

‘Planes, Trains and Automobile’ remake a Will Smith leh Kevin Hart pang ding

Hollywood heavyweight Will Smith leh Kevin Hart in road comedy ‘Planes, Trains & Automobiles’ remake produced abol a chule pang jong pang lhon ding ahi.

Paramount Pictures in asem film hi 1987 film a kon kila doh ahi. Original film hi John Hughes in direct abol a, Steve Martin leh aumtalou actor John Candy pang ahi. Tua film athah a asem nauva hi Will Smith leh Kevin Hart in Martin leh Candy role atho lhon ding ahi.

Film hi Westbrook Studios leh Hartbeat Productions in produced abol ding ahi. Cop comedy series ‘Brooklyn 99’ writer leh supervising producer Aeysha Carr in screenplay aboipi ding ahi. Will Smith leh Kevin Hart in film hi Westbrook Studios co-president leh Jon Mone Motion pictures head chule HartBeat’s Film and Television president Bryan Smiley toh kitho a produced abol khom diu ahi.

Netflix in animated musical film ‘Pinocchio’ a dinga

cast ho phongdoh ta

Netflix in Pinocchio film thah a dinga cast ho lhendohna anei tauvin, streaming service in Wednesday nikho a newcomer Gregory Mann in title role atho ding ahi, tin aseiyin ahi.

Ewan McGregor in Cricket role atho David Bradley in Geppetto role atho ding ahi. Chule stop-motion animated musical hi Oscar award sang a Guillermo del Toro in direct abol ding ahi. “Kum phabep hiche project akiboipi jouva Netflix hi partner phatah a kimudoh ahi”, tin del Toro in aseiyin ahi.

Cast leh crew hol na a phat sottah akisumang in, Netflix in phatah a eitosot jom jingu ahi, ati. Cast member ho lah a Oscar award sang a Christoph Waltz, Tidla Swinton leh Cate Blanchett, Finn Wolfhand, John Turturro, Tim Blake Nelson leh Golden Globe award sang a Ron Perlman jong pang ding ahi.

Pinocchio hi Carlo Collodi in abol thusim a kon kiladoh ding ahi. Musical film hi thing a kisem pasal chapang lim khat magic a puppet-maker khat in wish abol a mihem tahbeh akiso na thusim ahi in, Italy gam a Mussolini khanglai/hat lai thusim a kisem ahi. Film hi theatre chule Netflix a release abol diu ahi.

Hollywood star Rachel Weisz in ‘Dead Ringers’ produce abol bou hilouva film a jong pang ding

Oscar award sang a actor Rachel Weisz in 1988 psychological thriller ‘Dead Ringers’ series reboot bol dinga kigotna aneiyin, small screen a series alamkai ding ahi.

Show hi Amazon Studios a kisem ahi in, David Cronenberg in abol cult classic original a mi phalou Jeremy Irons role atho ding ahi. Deadline dungjuiya, ‘The Favourite’ star nu hin project executive produced jon abol ding ahi. Project hi original movie ‘fan’ lentah hi a Weisz jeh a agon kit u ahi.

Annapurna TV chule Hulu in abol Normal People series a lead writer Alice Birch toh kitho khom ahi. Original movie produced ana bol a Morgan Creek Entertainment jong pang ahi. Birch in abol Dead Ringers version a hi ‘The Mantle twins’ role hi Weisz in atho ding ahi.

Series hi original toh kibang thim dinga ginchat ahi in, tone chom jep ding chule numei tahsa damthei na leh funding lhahsam kiti ho thu pang ding ahi. Show thah a hi twins (apengkop) teni hi khamnathei, kilungset pi jouse kikop lhon ahi.

Weisz hi ‘The Fovourite’ film (2019) a supporting actress a nomination ana mu ahi in, tua hi November nisim 6 nikho a Marvel Studio in abol ‘Black Widow’ film release ding anga ahi.