Social Media Kuki Times Admin hon anivei channa kisuhkhomna nei, ET le...

Social Media Kuki Times Admin hon anivei channa kisuhkhomna nei, ET le TCN kipapiu

379
0
SHARE

B.Lalboi Gangte
CCpur. 5 Jan (ET): Social media Kuki Times Admin hon ani vei channa kisuh khomna Ccpur Gospel Music Studio Tuibong ah anei uvin ahi, Kuki Times Admin teams Members ho Lalneo (Group Creator), Nemboi, Momon, Lunneo , Lunneo (Singer), Mimin, Hejang, Seikholen, Stephen, Grace Mawi, Thethem hon hiche kin’a Pathen phatna jal’a KukiTimes machal naho seikhom naleh kipathu seina anei uvin ahi.
KukiTimes in Manipur sung’a Kuki ten Electronic Media leh Printed Media anei teni EimiTimes Daily News leh TC Network (TCN) Cable chung’a kipathu sangtah asei uvin ahi. EimiTimes in gamsung le namsung adia kineppi umtah le khantou machal na dia amopohna ho kithang atpi nale kipathu seina anei vin ahi, Chukit leh TC Network injong Kuki sung adeh a Media lam’a tom ngai tah’a pan alah nao chung’a kipathu seivin ahi. Chuleh hiche kin’a KukiTimes Admin hon kipana ankong sokhom na jong anei vin, khonung’a Kuki society machalpi thei tohgon tampi seikhom na anei vin ahi.
Kuki Times Admin hon nivei channa toukhom na anei naova kithulhuh na asem vin, hiche ahin, Resolution khat nading in Magazine thu’a lunggel seikhom na anei vin, seilhah ahilou jeh in ol’a seikhom kit din ki phatsah na abol vin, Brochure joh sem dia phatsah ahito lhon ah Online a discuss bol din aseikhom vin ahi. chuleh anina Tukum sung’a Bank Account & Letter Head semdoh hiding in aki phatsah uvin, athum na, Kumlhun kon lang leh Gospel Concert tohgon hiding Pathen thu le laa ah kihilna jong umsah din kiphatsah na asem vin ahi,
Kuki times in 2016 sung’a toh molso ah kinei khat chu KukiTimes Website kisemdoh hi ahi tin Admin kikhom hon aphongdoh uvin chuleh Kuki Times hi 13 Oct 2013 nikho kisemdoh ahin Kuki Times hin akichepi chu “Connect & Share, As We Can”, ahi ati.