Singngat AC MLA in constuency sung’a Development natoh ho vetlhah nanei; Ministry...

Singngat AC MLA in constuency sung’a Development natoh ho vetlhah nanei; Ministry of Minority Affairs noi’a Dk. Crore 2 lut ding’a Community Hall kisa Work Order cancel ding’a thupeh nei

176
0
SHARE

Singngat AC MLA in constuency sung’a Development natoh ho vetlhah nanei; Ministry of Minority Affairs noi’a Dk. Crore 2 lut ding’a Community Hall kisa Work Order cancel ding’a thupeh nei  

B. Lalboi Gangte

Ccpur, July 10(ET): Singngat gamkai sung’a agamkai MLA Ginsuanhau Chairman Manireda Govt. of Manipur in tunin Singngat khosung’a development fund chom chom lut hon natoh aneihou vetlhah na ananei in ahi. Amasapen in Multi-Sectorial Development Program (MsDP) in Ministry of Minority Affairs (MoMA) chung chon’a Dk. Crore 2 val funding apeh akon Manipur Minorities & Other Backward Classes Economic Development Society (MOBEDS) in natoh na alah M. Dhanabir Singh vetkol nanoi’a Madap kiti Community Hall sah na natoh avelhah ahi. Hiche Hall kisah na’a natotong mi thum bou ana um in chuleh hiche natoh hi achesa Sept. nisim 26, 2018 kum’a pat verandah jeng jong jotheng ahi nailou nachung’a MLA pa ana lunghang lheh jeng in ahi. Chief Engineer akihoupi in show-cause notice umlou in Work Order cancel ding in hetsah na ananei in chule natoh na ding’a sum kiladoh jouse lelah kit ding ahidan hetsahna anei in ahi. Chule natong hojong anungsol soh in Community Hall hi asong’a kisa ding ahi ati.

Che jouvin Transit Hostel for Doctors and Teachers kisa vetlhah na anei in ahi. Hostel hi Manipur Police Housing Corporation Limited vetkol nanoi’a Dk. Crore 2 vel lut ding’a kisa ahi vang in sum sanction um nailou ahi ati. Hiche natoh na kinei nachung’a alunglhai lheh in chule achesa April 2019 ah sahpat hijong leh achung jothei ding dinmun in aum tan ahi. Niseh’a mi 30/40 kikah in natoh anei jing’u ahi dan amudoh toh lhon’a Manipur Police Housing apat SO khat leh AE khat in ima jouse avesui lhon in ahi. Hiche natoh nahi tu’a bang’a hoitah’a natoh achelhah leh kintah’a kichai ding chuleh Constituency sung’a development project ho jouse lungdei bangtah’a sah ahileh mipi te ding’a jong phachom tah ahi. Hostel hi asong’a sah hi ding akijo theng teng leh CHC Singngat ah natong Doctor, Nurse leh teacher hon alolut ding’u ahi ati. Singngat Lhanomol lhang’a Model Residential School ding’a kisa vetlhah na anei in hiche natoh hi  Sept. nisim 28, 2018 kum’a kisapan ahitan ahi. Hiche Residential School kisa hi  Multi-Sectorial Development Program (MsDP) noi’a Ministry of Minority Affairs (MOMA), Government of India in Dk. Crore 25 val sanction akon kisa ahi. Manipur Infrastructure Development Agency (MIDA) in natoh alah ahi toh lhon in Thoibi in avekol in ahi. Hiche Building hi Block 4 aum in tichu Girls Hostel, Boys Hostel, Kitchen-cum-Dinning Hall, Principal leh Staff Quarter ahi. Vetlhah naphatsung’a GS Haupu in houlimna aneina’a Community Hall kisa lungdei bang alhun lou jeh in work order cancel ding in thupeh akinei chule Transit Hostel natoh lungdei bang’a akitoh toh lhon’a jotheng ahi teng doctor leh teacher hon alolut ding ahi. Chule Residential School kisah na natoh hi lungkim aum in Singngat haosa in gam leiset toh kisai’a hiche kisah nading’a sum thu seilou in gam leiset angaicha jat phal na anape in hitobang haosa hon gamsung Development ading’a kipeh na ahin neiphat uleh development lang’a ding’a jong natoh nom ahi ati. Gamsung khantou na ding’a panla natong suboi aum lou ding in adeisah dan thu aphongdoh in ahi.