Sept 29, 2016 Local news

Sept 29, 2016 Local news

1151
0
SHARE

New Lambulane’a inn 2 leh Hou-inn khat mei’in kaa

UntitledImphal, Sept. 28 (ET): New Lambulane 3rd Street, Imphal mun’a inn meikah thilsoh ana um’in ahi.

  Jinglam 10.30 don’in hiche meikah thilsoh chu ana kipan’in, vengsung chu meikhu’n ana tuomtouvin ahi.

  Inn neipa sopi pa Lalnunmawi B.Tlangte seidan’in, “Hiche Inn hi kasopi pa Lallienkhum @ Liente Tlangte inn ahin, insan kilah’a insung ni cheng ahi ati. Inn hi dolan ahin, anuoi lang cheh (brick) a kisa leh achunglang chu thing’a kisa ahi,” tin aseiye. Aman aseibena’ah, “Hiche meikah hung kipat dan hi short circuit a kuon ahi” ati.

  Meikah thilsoh’a chun vengsung mihon ahithei-thei na’n pan alauvin mei phelmit na din ana kisaboi uvin ahi. Inn kom’a cheng minu khat chu alunggim val jeh chun kho helouvin ana um’in anaboipi uvin ahi. Hiche meikah thilsoh chu chomkhat jouvin meiphel gari ni ahung kitol lut in, anah nah in ana phelmit un ahi.

  Chuleh hiche Inn toh kinaicha um EFCI Church jong chu achunglam se leh anoiya um bench ho meiyin akachai hel in ahi.

  Hiche Inn meikah thilsoh’a thil-le-lo amang jat chu alhompen’a sum’a sim din Dk. lakh 5 val tobang hidin akiseiye.

  Alangkhat’ah Tribal Youth Club, New Lambulane lamkaina’n ‘donation box’ hondohna jong ana umpaijn ahi. Hiche thilsoh’a chun athi amang koima vang a’umpoi.


NE India leh Myanmar kiloikhom suhdetna, conference hondoh hita; Guv in pachatna thu sei

Gov. Inaugu. of International Conference on N.E. India& Myanmar at M.U. 0n 28.9.16 (12)Imphal, Sept. 28 (ET): Manipur University ‘a Indira Gandhi National Centre for Arts leh Manipur University tohgon noiyin ‘International Conference on North East India and Cultural Linkages’ hondohna kin-gon akimang in ahi.

  Kin-gon’a chief guest Governor Dr Najma Heptullah in Conference bidoi chunga pachatna thu aseiyin, India leh Myanmar gam teni kikah’a Hou leh Culture kibulphu na leh kiloikhomna suhdet ding’a tohgon um seiphatna aneiyin ahi. Chule Look East ahilouleh Act East policy kisem laitah ahitoh kilhon’a North East‘a machalna lentah umding ahitoh kitoh’a hitobang programme kiman hi aphatcha ahi, tinjong Heptullah in aseiye.

  North East India hi Myanmar gam toh kilahto nading’a mun kijen ahin chule South East Asian gam dang dang hotoh kijot to nathei lampi phat masa’a kon lhung ahi. Indian culture, trade, commerce, philosophy, custom, leh hou toh kisai chule tahsanna hohi lhangsap nading’a Myanmar in pan lentah anei ahi’in chule record dungjuiya Myanmar, Mongolia, Tibet, China, Laos, Cambodia leh Thailand gam’a kon nam achengdoh’a aumin, amaho hin pao-leh-ham chule chondan hi ajui jing nalaiyun ahi.

  NE India leh Myanmar kiloikhomna hi music chule literature’a jong um ahi’in, Indian epics Ramayana ‘a hi South East Asian gam ho version jong um ahi. Chule hangsan na hi avetsahna’a asan cheh kimang ahi. Conference hin NE India leh Myanmar gam kikah’a kiloikhomna (cultural relation) hi aphatna pen’a ahin puiding chule akiholmo ho holdoh nading’a Conference sung’a Mahabharat thu jong kiseiding ahi.

  Conference hondoh na kin-gon’a Prof Sachchinand Joshi, Member Secretary, Indira Gandhi National Centre for the Arts, New Delhi guest of honour in apang’in, Prof M Dhaneshwar Singh, Acting VC, Manipur University president’a apang in chule Prof JN Phukan, Indian Council of Historical Research ex-member, New Delhi, Prof N Lokendra Singh, Prof Dr Bachchan Kumar, IGNCA, New Delhi hon jong pan alauvin ahi.


“Fruit and Vegetables Processing and Preservation” toh kisai’a training lolhing tah’a kichai

07bc3a25-dad9-4660-b2eb-74a24e25f2c4 - webLien Gangte
Ccpur, Sept. 28 (ET): Natoh na neilou SC/ST ho’a ding a “Fruit and Vegetables Processing and Preservation” toh kisai ni 6 sung Enterpreneurship Skill Development Programme (ESDP) lolhing tah’a chai ahi toh kilhon in 28th Sept., 2016 jinglam nidan 11:00 apat chun ESDP training khumkha na kin-gon aum in ahi.

  ”Fruit and Vegetables Processing and Preservation” toh kisai a Enterpreneurship Skill Development Programme (ESDP) hi MSME-Development Commissioner, Govt. of India, Takyel, Imphal leh Elimination of Rural Poverty Service, Tuibong kitho’a ana gon’u ahi. Chuleh, hiche Training ahin Sana, Proprietor, Joy Food, Imphal Instructor in apang in ahi.

  Fruit and Vegetables Processing and Preservation, Enterpreneurship Skill Development Programme (ESDP) khumkha na kin-gon toh kilhon in, Chief Guest in Soiminlien Lengen, MCS, CEO, ADCC apang in, Functional President in L. Nabachandra Singh, General Manager, DIC, Ccpur apang in ahi. Chuleh, Chief Guest Soiminlien Lengen, MCS, CEO, ADCC in asei na’ah, Govt. Service bou sum mu nathei ahi po’n, Govt. natoh na bou hol louva, eima mimal thepna toh kitoh a khutthiem thil bol’a Enterpreneur ti chu sumhol na thei jat chom chom bol ding ahi ati. Chuleh, Fruit and Vegetables Processing and Preservation, Enterpreneurship Skill Development Programme (ESDP) training chai ho’n Self Help Group (SHG) ahi louleh, Joint Liability Group (JLG) na din doh uva ahi leh Bank ho’a kithopi na ding sum (Loan) na thum thei’u ahi ati. Chuleh, Elimination of Rural Poverty Service (ERPOS) jong nang ho kithopi ding a mansa ahi tin jong aseiyin ahi. Chuleh, aman hiche training a pang ho Certificate pehdoh na jong aneiyin ahi. Chuleh, training a jaoho thalheng in Nengboi Doungel in houlim na aneiyin ahi. Aman asei na’ah, Training a jao ho adeh’a Numei ho hi’n lhahsap na jat chom chom akineiyin, numei ho’n ama ho kitoudel (Self Employment) thei na ding’a Govt. lang leh NGO ho kithopi na hatah’a ngaichat ahi dan aseiyin ahi.

  Elimination of Rural Poverty Service (ERPOS), Tuibong in natohna neilou khang thah ho kitoudel (Self Employment) na ahin nei thei na ding uvin Skill Development chom chom leh Micro Enterpreneurship Development Programme (MEDP) ana gong jiuvin ahi. Chuleh, ERPOS tuple-doi chu ahileh, Mikhat in khutthem thil lunglut tah’a ahin abol a, ama ho kihinsuo na thei ding a panpi ding leh kithopi ding ti hi ahi.


Gampam’a lekhasim hon MADAD portal’a amin’u akisutlut ding’uva Univ.& Hr.Edn. Director in thupeh nei

Imphal, Sept. 28 (ET): India a kon kipatdoh, gampam a lekhasim dinga kalsong simlai ho’n Ministry of External Affairs noiya um MADAD portal (the consular Services Management System) a amin’u akisutlut ding’uvin Univ. & Hr. Edn. Government of Manipur ,Director,Th.Chitra Devi in hetsahna aneiyin ahi.

  Simlai ho’n portal a amin’u akisutlut nading’u thupeh hi Ministry of External Affairs, Govt. of India in D.O.Letter No.01-18014/11/2015-DS dated July 27th, 2016 dungjuiya abolding’uva thupeh anei ahi. Ministry of External Affairs in hiche tohgon ahinbol na jeh pipen chu ahileh; gampam a um simlai ho’n boina ato teng’u le Ministry in lampi akomu pehtheina ding; ministry in simlai ho migration chungthua akholchil theina ding chuleh simlai ho’n educational course abolho’u ministry in ahettheina ding ahi.


MoS Anil Madhav khopi hunglhung ta

maxresdefaultImphal, Sept. 28 (ET): Minister of State (Independent Charge), Environment, Forest and Climat Change, Anil Madhav Dave Wednesday nikhon Imphal khopi ahung lhung tai.

  Union Minister Dave hi September nisim 27 ‘a pat nikho ni sung, Mizoram leh Manipur gam vil ding’a hung ahi’in, Thursday nikho leh kile ding ahi. Akholjin sung’a Minister in state forest department hon alah project ho dinmun vetlhahna aneiding chule Chief Minister Ibobi toh jong kimuto ding ahi.

  Thursday jingkah leh Madhav Dave in Kangla mun’a plantation programme alamkai ding, hiche jouteng Keibul Lamjao, Sendra chuleh INA Museum chuleh mun thupi adang dang ho avil ding ahi. Chule Keibul Lamjao mun’a NGO leh self help group (SHG) chom chom hotoh jong phat amanding, Keibul Lamjao National Park’a Flora leh Fauna venna ding’a hahsatna atou ho thu aseikhom diu ahi. Chule INA Museum ajot masang’a MoS in Sendra khosung miho toh jong phat amanding ahi.


Contract teacher appointment order kivoh hai ex-chairman, ADC in demna nei

Imphal, Sept. 28 (ET): Tribal Affairs and Hills Commissioner T Pamei in contract Primary Teacher ho cancel (avoh hai) hi san thei ahipon, apet pet’a revoke abolding ahi, tin ADC Senapati Chairman anahi RS Henry in aseiye.

  Manipur Press Club’a PS Henry in thuso miho akimupi in, Manipur Hill Area District Council Act 1971 section 29(4) dungjuiya hill district’a primary teacher kilah ding hi kicheh tah’a kisei ahi’in, hin, Tribal Affairs and Hills department in appointment order hohi Manipur Hill Area District Council Act vettoh louva avohhai ahi, tin aseiye. Chief Executive Officer, ADC, Senapati anahi Kh Biramani leh Chairman RS Henry in appointment order anasodoh kisang louding ahi, tia thuso umhi dem ding’a lomtah chule san thei ahipon, apet pet in avoh hai nung lahdoh hen, tin aseibe’e.

  Hill district’a um school le simlai ho machal nading’a kibol ahi’in, sorkar douna’a kibol ahipoi, tin RS Henry in aseiye. Senapati District Council in hill district’a school athah 50 vel semdoh nading’a toukhomna anei ahi, tin aseiyin chule phaicham’a teacher tamtah akikoiyin, ahin, hill district’a khatcha aumpoi, tin aseibe’e. ADC, Senapati noiya contractual teacher chule hill district 6’a um contract teacher hon tu-leh-tu’a economic blockade abol tosotna thu aseiyin ahi. RS Henry hi achesa 2010’a kon 2015 kum sung’a ADC Senapati Chairman anahi ahi’in chule tu-leh-tu’a ADC, Senapati member ahi.


Northeast numei gam dang’a kijoh pung cheh cheh: Robin Hibu

Robin-HibuGuwahati: Kum phabep sung’a hin Northeast India numei tamtah hi India sung munchom chom’a ‘flesh trade’ case in ana kiman jingin ahi.

  IGP Robin Hibu facebook post a kon kimudoh chu ahileh hapta masa’a chun Northeast India numei 5 kimatna thu Gwalior gam nitin thuso headlines a anapangin ahi. 2013 kum in Chennai mun’a numei 8 ana kiman kit in chuleh tuthah beh’a Monday nikho’a Gurgaon a akiman kit in ahi. Chuleh suhmil theilou khat chu Bangalore a thilsoh jong chu ahi.

  Chujongleh tu masang jep’a jong Noida mun’a numei phapeb akiman kit in ahi. Amaho hin daan phalou’a massage parlour ahon’u ahi. Hitobang thilsoh hi Delhi sung Munirka, Safdarjung Enclave, Khirki Extension leh Kotla Mubarakpur ho jauna’n munchom chom’a aumjing’e ti thulhut akimu’n ahi.


ILPS thu’a lunggel kibahlouna hi state sorkar in asemdoh ahi: President, Aimol Tribe Union

Imphal, Sept. 28 (ET): Gamsung’a Inner Line Permit System chepi ding thu’a state sorkar in nam-leh-nam kikah’a kibungkhen na kitomo nading thu aseiye, tin president, Aimol Tribe Union Manipur, RT Akhel Aimol in state sorkar themmo achan in ahi.

  16th Manipur Integrity and Solidarity Day kiman na Lamyanba Sanglen mun’a RT Akhel in ahoulimna’a, gamsung’a cheng nam chom chom ho kikah’a hi gamsung mi dihtah ho venna ding’a dan kisem nading’a lunggel kibah louna umlou ahi, ati. Ahin, state sorkar in hetchen theilouva na atoh jeh’a mi tamtah in lung himona aneiya lungmonna aneilou ahi, ajeh chu ama ama nam in ama ama nam hi agelkhoh pen ahi, ati. Hiche jeh’a tu dinmun’a um kitolou na leh lunggel kibahlouna hi hung peng doh’a ahi, tinjong aseiye.

  Professor Ch Priyoranjan kin-gon’a resource person’ah apang’in, ILPS chepi ding angaichat dan thu leh nam chom chom hon ngaidan kibahlouna aseilhah diu athupi dan thu aseiyin ahi. Chule state sorkar in bill thah asem demna jong aneiyin, sorkar in kitahna aneipoi, tin aseiye.

  Wednesday nikho’a kimang kin-gon’a Hemjathang Khongsai, Vice President, Kuki Inpi Manipur, Aonax Zimik Tangkhul, Convenor Haomi Research Guild, Angam Zatung Chiru, General Secretary, The Hill People Literary Union Manipur, David Songthu Purum, Purum Khullen haosapu, L. Khupler Kom, President, Indigenous Minorities Organisation, Manipur, Abdul Hakim, Secretary, Manipur State Minority Commission, Dr, Gaikhemei, Chairman, ZU Imphal Zone , Ph Shakhi Leima, President AMKIL chule M Medun Maring President NIPCO jong presidium member’a apang uvin chule houlimna nei hon gamsung’a chengkhom’a nam chom chom ho akipunkhom diu angaichat dan thu hilchenna anei uvin ahi.


Sub-Divisional Level Kut cum Sports Meet-2016

Imphal, Sept. 28 (ET): “Love , Peace and Development” thupi nuoi’a Khangbarol Vangkho’a ahung lhung ding 17th a kipat 22nd October, 2016 sung’a Sub-Divisional Level Kut cum Sports Meet-2016 abol ding ahi.


CESAM Sports Meet 2016 Moreh a umdi

Chandel, Sept. 27: Chandel East Sporting Association, Manipur (CESAM) in ahunglhung ding Annual Sports Meet 2016 hi “Brotherhood” thupi noiya Moreh a, December 13 nile kipan ding ahi tin aseiyin ahi. Thusoh bol ho toh akimuto na a chun, Martin Tholung, President CESAM Annual Sports Meet 2016 in ahunglhung ding December 12 nile kipan a December 17 geiya kibol ding ahi tin aseiyin ahi. Men’s Football and Volleyball leh Women’s Football and Volleyball keu hilouva, Miss CESAM 2016 kitetna jong umding ahi.

  CESAM President in hiche golseh kichepna dinga lunglutna neihon, thu ahetbe nom uh le, Games & Sports Secretary leh CESAM Executive members ho kom’a akidoh chet thei diu ahi.


Editorial web featured - 200pxBandh deilou vetsahna thusei le thilbol kipan

  Bandh kiboljing chunga lunglhailou vetsahna natoh hinbol hi adondon ah ahung umsausautan anukhahpen’a hi Progressive Manipur kiti phaicham miho kiloikhomna khat ahi. Hiche Progressive Manipur hohin ahunglhung ding October 2 nikho leh bandh deilouna’a kijotna aneidiuvin thuphon abol uve. Hiche nikho khel-khel alhennau hi Mahatma Gandhi penni ahijeh ahi. Mahatma Gandhi chu mipi kiphinna lamkai khat anahie. Ahin ama kiphinna chu India mipi te chamlhatna dileh thildihlou behseh kibol ho chung’a noplouna jeh ahi. Kiphinna ijat anabol vang’a thisan sona leh thil le lo suhsetna ho, mei hal ho anabollou, toumun kiphin, an-ngol kiphin, mipi kijotna ho analamkai ahi. Ahileh tua Progressive Manipur hohin Gandhi penni’a khel khel’a bandh deilou vetsahna’a kijotna abolgot uhi kiphinna iboljongleh Gamdhi in anachepi kiphindan ho kijuihen atina ham, ahilouleh Gandhi jana leh geldohna tokop, politics lutna’a kibolham jong akihepoi. Ahin hitobang natoh, bandh deilou jeh a thusei le thilbol hi mipi akon’a hung umpanpan ahitan abanban’a ahung machaldi jong ginchat umtah ahi. Tu masang jep jong chun Thoubal lang’ah simlai kiloikhomna DESAM hon bandh deilou vetsahna’n kijotna ananei uve. Chomkhat jouvin All Manipur Bar Association (AMBA) kiti Lawyers (Ukil) ho kiloikhomna injong bandh kiboljing deilou vetsahnan kijotna ananei uve. Student kiloikhomna lahlah a bandh kiti deilouna thu sei jing hi DESAM ahi. Kum phabep masang chun phaigam thingnoi KYKL honjong bandh hi anakhah un hinlah akhoh cheh bep e ti thei ahi. Tua hi mipi a kipatna bandh deilouna thu ahung kihaseiya mipi mongmong in bandh hi ahin pum theida’a boljong abolda leh alampi phapen hung hididan’a um ahitai. Manipur mipi pumpi tongkha thei thildihlou thu le la a vang Manipur bandh kiti jongleh thu khat hidi ahi. Tua hi anomnom in phulou helouva bandh abolpa hi mijouse theidapen chu ahi. Hiche jeh a hi bandh akitileh koiman hole jong atitahlou, koiho bandh bolham tia ami le amun avet uva pelthei ahileh apel jeng u ahitai. Govt in tahte atileh bandh bol’a lamlen a meihal a gari che ho kiting hi hunam (force) a anocheh thei ahi. Chuche sang’a khohjo, bandh bol lamkai ho matdi tia ahol leh koima a-inn alou dalha-a sot tah kiseldi umlou di ahi. Ahin govt injong bandh bolho chung’a khucheng’a natoh aneinomlouna jong hi govt mama jeh a bandh kibol ahikitji jeh hidi ahi.

  Gandhi kiphinna boldan holah a toumun kiphinna leh an-ngol kiphinna, mipi kijotna hohi govt tahbah injong gelkhohna aneipeh jilou jeh-a gari lhaisahlouna bandh kihabol ahi. Hijeh a chu bandh bol deilouna’a pan la hohi thilpha tah bol ahivang uva mipi tosotna chandi atiuleh ipi jeh a mipi hon adondon’a nop phat-phat uleh bandh akou uva aboljiuham ti jong asuhlhapna (solution) lamjong avetdiu ngai ahi. Progressive Manipur hon Bandh, Blockade, Curfew hon mipi mama ichan atohkhah-a sum le pai lang’a manna asodoh ham tia mipi hildi atiu hi mi hetsa ahijeh in bandh umlouna dia govt lang joh hin itobang natoh aneidiham ti joh haseileu dihthei din aum’e. Ipi hileh mipi atamjon bandh vang hi achimchah ahitai.


*For more news, articles etc. please click “ET IN PDF.”