Sept 23, 2016 Local news

Sept 23, 2016 Local news

1155
0
SHARE

Wakotphai by-election’a INC in goljona neita

14352179_1235219713195867_4639301213678799441_o - webKaybie Chongloi
SADAR HILLS, Sept. 22 (ET): Achesa September nisim 17 ni’a, 8-Wakotphai District Council Constituency by-election ana umchu, tunin ADC/DEO office’a vote simna boina umlou vin anachelhan ahi.

  Vote simchai ahitolhon’in Indian National Congress (INC) in vote 3474 lah’a 396 amun, akitetpi pa chung’a goljona aneitan ahi. Tuchung by-election a chu vote 3474 lah a 3552 ana kitatdoh’in, hiche lah a 78 chu lahlouvin akikoijin ahi.

  N.Teikhang Vangkho a um INC Candidate Seilhen lhoujem in vote 1935 amun, akitetpi BJP Candidate R.Stoneson in vote 1539 amun, vote 396 bouva kikhe lhon ahi.

  Wakotphai Polling station a vote kitat 624 lah’a chun INC in vote 620 amun, vote 4 lahlouvin achei, hiche Polling Station’a hi BJP in vote khatjong amupon ahi. Chaljang Polling station’a vote kitat dohjat 518 lah a chun INC in vote 514 amun, BJP in vote 4 bou amun ahi.

  Phoikon polling station a vote kitatdoh jat 446 lah’a chun INC in vote 441 amun, BJP in vote khatbou amun ahi. K.Haimol Polling station a vote kitatdoh jat 307 lah’a chun INC in vote 303 amun, BJP in vote 3 bou amun, vote 1 lahlouvin achei.

  Makui Polling Station’a vote kitatdoh 1195 lah’a chun BJP in vote 1182 amun INC in vote 3 bou amun ahi. Chuleh Makui polling station a vote kitat doh lah a 10 lahlouvin achei.Thaldar Polling station a vote kitat doh 462 lah a chun BJP in vote 349 amun, INC in 54 amun ahi. Hiche Polling Station a vote kitatdoh lah’a chun vote 78 lahlouvin in achien ahi.


Voter I. Card, BPL card leh adang dang ho bolna ding’a sum la ho chung’a action kila ding

BPL-cards-4-1451203428Lien Gangte
CCpur, Sept. 22 (ET): Ccpur district sung’a lekha poimo chom chom, Voter Identity Card, Aadhar Card, Meithai, Tehse leh BPL Card chuleh AAY Card ho bolna man sum lah’ho chung’a action lahdingin Khamchinpau Zou (K.Zou) in 22nd Sept., 2016 nikho chun jih tho in DC, Ccpur heng’ah ngehna lekha ana pelut in ahi.

  Thulhut chun asei na’ah Ccpur dist. sunga dihlou tah in Agent leh Govt. natong mi konkhat in Voter Identity Card, Aadhar Card, Meithai, BPL Card AAY Card chuleh adang dang ho semna dinga sum akilah jiuvin, Aadhar Card semna ding dangka 250/- apat 300/- lah in aum in, BPL, AAY, Tehse (Old aged) leh Meithai (Widow) Card, anei ding’a kilom ho’n jong sum seng lou vin anei thei pouve tin thulhut chun aseiyin ahi. Govt. natong leh Agent ho’n sum alah jeh uvin, BPL, AAY, Aadhar, Tehse (Old aged) card nei ding’a kilom chaga genthei tamtah aneilouvin aumlo in ahi.

  Voter Identity Card leh Aadhar card kiti hi koi hijong leh India gamsung’a cheng hoding ahi in, BPL, AAY, Tehse (Old aged) leh Meithai (Widow) card kiti ho hi anei thei ding India danbu ah kicheh tah a muthei ding leh hetthei ding in aum’in ahi. Hiche toh kilhon’a koima’n sum-lepai holna a (business) aman ding ahi poi tin thulhut chun aseibe’n ahi. Hiche toh kilhon’a DC, Ccpur in dandih louva natong-ho chung’a action la hen tin thulhut chun aseiyin ahi.


Rakesh Ranjan Prasad in Chief Justice ding’a kihahselna neita

Untitled - webImphal, Sept. 22 (DIPR): High Court of Manipur’a acting Chief Justice anahi, Justice Rakesh Ranjan Prasad chun tunin Darbar Hall, Raj Bhavan’a Chief Justice din kihahselna aneitan ahi. Kihahselna chu Governor Dr.Najma A. Heptulla in ananeisah’in ahi. Tuni kihahselna kingon a chun Chief Minister O.Ibobi Singh, Deputy CM Gaikhangam, Speaker of Manipur Legislative Assembly, Th.Lokeshwar Singh, Council of Minister ho, MLA ho, Chief Secretary, DGP Civil le Police Official saplen ho chule lawyer phabep’in pan agalauvin ahi.


LNC in aphat toh kitohlou hel in nidan 24 bandh akouve: CSOs Sadar Hills

Kaybie Chongloi
SADAR HILLS, Sept. 22 (ET): Liangmei Naga Council in Twilang (IT Toad) area a nikho khat bandh akou hi aphat dihlou tah ahi tin Sadar Hills, Civil Society Organizations in anaphong doh in ahi.

  Liangmei Naga Council hin September 16 nilhah a milham chung’a KRA-U chaval na toh kisai’a janni jankim’a kon’a bandh anakou pan ahi.

  CSOs Sadar Hills in aseina’a chun LNC in thilsoh ho jouse CSOs Sadar Hills heng’a alhut’a kholchen ding’a ahung hetsah uva ahileh hitobang kiphinna hi abol lou diu dol ahi ati. Asebena’a chun LNC ho thumna dungjui’a CSOs injong pan hatah’a kila’a thilsoh hohi chamdel’a kichaiding kingaito ahi ati.

  Asebe na’a chun LNC in thilsoh chungchang’a hetsahna ahungnei pet‘u hin mona neiho LNC Customary Court a nithum sung’a anpeh doh diu ahi tin ham ngailou tah tah mangchan ahungsei’uvin hiche ban’a chu nikho khat bandh jong akou kit’u ahi ati.

  Hitobang’a LNC hon kihouna ho kikal’a tohguon anei’uva CSOs ho panlah na ho simle taiya neilou’a aum’u hi lungdon umtah ahi. Hitobang tohguon hin nam teni kikah a kihetkhel na ahinpohlut bep ding ahi. Hiche bandh kibol toh kisai’a dei umlou thilsoh aumkhah le LNC in mo jouse akipoh ding ahi. Hinlah chamtah leh damsel a kihoulhah ding adei’u leh vang akilem jing’e ati.


Priscilla Singson in ‘The Next Star’ kisan ta: SYO-GHQ in kipapi

5981f7eb-dafe-4cf2-890d-21838d2bed65 - webImphal, Sept. 21: ‘The Dream Catcher’ tohgonna noiya Nagaland gamsung a lasathem tamtah kitetna ‘The Next Star’ a chu Kuki chanu Lanu Priscilla Singson in achungnungpen hina ‘Title Winner’ akisan tan ahi.

  Aman hitobang’a lolhinna aneina chung’ah,Singsit Youth Organisation General Headquarter (SYO-GHQ) in kipapina aphongdoh in ahi. Chuleh maban’a jong lolhinna ahin neitoupeh din jong vangbohna jong athumpeh un ahi.

  Hetthei khat chu, ‘The Next Star’ hi July lha apat kipan a September nisim 20 nikho’a chu Kids Worship Centre, Anaki Building, Dimapur’a ‘Grand Finale’ ana um ahi. Lanu Priscilla L.Singson, Kum 19, hi Nagaland sung’a Peren District in ahop Piellhang kho a anacheng (L) Thangkholen Singson le (L) Themkho Singson chanu ahi.


Disability certificate 20,000 bou kihomdoh

Imphal Sept. 22 (NT): State Sunga 58 Thousand PWDs (Peoples Living with Disabilities ) um lah’a mi sang-som-ni bouvin Disability Certificate akilah’e,tin Disabilities Chief Commissioner Dr Kamlesh Kumar Pandey in aseije.Hiti ahijeh hin Government in Dissabilities ho agelkhoh behseh lou dan’u akimu doh in ahi.


Achehchaosa Kuki te kipunkhom kit theina ding’a Re-Unification kichepi ahi: UKLF

IMG-20160921-WA0017 - webImphal, Sept. 22 (ET): United Kuki Liberation Front, UKLF in tuni’n Reformation Day anit in ahi.

  Kiloikhom thuphon in aseina’a, hiche nikho hi UKLF te ding’a kithahsemna le taona nikho’a hung kimang jing peh nikho khat ahi ati.

  UKLF in aseina’ah, achesa August 13, 2000 kum chun Thangkholun Haokip, President UKLF in gamsung’a haosa le lamkai themkhat anatildoh’a UKLF  Adminstration sung’a boina anasem uvin Commander in Chief UKLF SS Haokip nodohna ding lunggel ana neijeh uva UKLF sung’a boina hung kipan ahi ati. Hijeh chun Thangkolun Haokip, President a kon’in anahai’in Organisation a kon in ana jamdoh in KNA a surrender anabol jeh in UKLF hi thi ding le mang ding’a kon’a SS Haokip, Commander in Chief UKLF le lamkai phabep thoh hatna le Pathen puihoi najal’a September 22, 2000 a kon’a chu UKLF, Government of Khulmigam tia hung kithah tundoh’a Pathen heng’a maicham sem’a taona nikho a hung kimang jing ahitai.

  1994 kum in KNA hon Chandel District Border Area ah haosa ho gam rights jouse ahin lahpeh uvin, forest reserved a pehdoh, compensation kilah ding ti lunggel ahin nei phat uvin gamsung’a haosa ho le lamkai ho hung kithokhom’a gamsung huhna ding’a thingnoi khat semlou akhoh tai tia UKLF hi ahin semdoh’u ahi. Tunin Haosa lamkai aumlou changse ho jana le geldohna jong akineijin ahi. Ama ho chu ahile Kampu Gangte, Moreh; Jamkholun Haokip, Chief of Kovang; Ngamkholet Mate, chief of Sehlon; chuleh Tongkhothang Haokip Chief of Aihang Village ahiuve.

  Hiche’a kon’a chu gamsung huhdohna ding’a ana kisemdoh thingnoi Orgn ahijeh pen leh tribes tamtah jaona kisemdoh ana hijeh chun UKLF in Kuki Re-Unification ana kichepi ahi. Chandel gamsung a ana umsa thingnoi Organisation KNA hon jong gamsung ngailutna jaolouva vai anapoh jeng seh hilouvin kai-le-don anoptah in anakidon un gamsung leh khosung’a anop nop phat’u leh Emergency fund, Medical fund le Inn son’a Chang tin li (4) leh Innbul share kumkhat a ana dong un, haosa, hou lamkai ho jana neilou tah’a ana boljeh uvin gamsung mipi leh haosa hon ana totot nom tapouve.

  UKLF in aseibena’ah, Holkhomang Haokip, Member of Parliament (MP) tetna ding in KNA hon Sajik Tampak Area leh Dingpi Chandel Dist a Meilhei thingnoi ho kom’ah Dk. Lakh gup (Rupees 6 Lakhs) in ana kijohdoh in hiti chun Meilhei thingnoi hon pansatna’a ahin neijouvun mipi ho anasugim’un, kho le veng dung’a bomb-thang akam’un, mipi thina leh manna ana lhungkha tan ahi. Hijeh chun UKLF in 2003 lai chun hinkho phal in gam huhna’n gaal ana kikap in Meilhei thingnoi ho ana kinodoh in tunia hi gamsung a lungmong leh lhamong a kho hung kicheng thei ahi tai.

  UKLF in Kuki Re-Unification ahung kichepi to lhon’a achehchaosa Kuki ho kipunkhomna ding’a galmanchah hung kichoija revolutionary movement hung kichepe ahi. Hijeh chun Kuki namsung kipunkhom theina ding leh kilungtona ding in Pathen heng’a maicham akisem in ahi, tin T. James, Joint Secretry, UKLF, Government of Khulmingam’a kuon lekhathot kimu’n aseiye.


Manipur BJP ding’a hui nun hoi

bjp-flag_story_647_051016025911Imphal, Sept. 22 (TOI): Manipur’a political dinmun akikhel jengin ahi, Vahchanni chun mi 3, party chom’a kon BJP ana jop’u vin ahi. Amaho chu, Congress Minister lui Radhakishore (Oinam), MPCC Secretary Sapam Ranjan Singh (Konthoujam) chuleh achesa kum masa lang’a, Sekmai Assembly election a Trinamool Ticket’a anatetji H. Dinko ahiuve. BJP Manipur unit president Ksh. Bhabhananda in amaho chunga kipana thu phong pummin, BJP party ahunghat chehcheh in ahi ati.

  Bhabhananda in Congress party hohi amahole amaho akisumo pantauvin, lou le ai phat kichaisa tobang ahitauve ati. Aman aseibe na a chun BJP vaipohna gam ho hi akitup’in, khang jong akhangtou vin ahi ati. Assembly election hungnai tohkilhonin politics langa hui nun jong akikhel in ahi. Hetthei chu, phatmasa chun Congress lamkai Yumkham Erabot chun BJP ana jop in, Chuleh TMC MLA mi 4- Th. Shyamkumar (Andro), I Ibohalbi Singh (Oinam), O Lukoi (Wangoi) le K. Sharat Singh (Konthoujam) in Congress anajop’un ahi.


Sept. 26 le Ukhrul district sung’a Basic Course in News Reporting kinguon kipan ding

Imphal, Sept. 21 (DIPR): Directorate of Information and Public Relations noiy aum State Institute of Journalism makainah’a ahunglhung ding September nisim 26 a pat Ukhrul District sung’a 7-Day Basic Course in News Reporting chelha ding ahi tin thulhut kimu khat in aseiye. Kinguon hi TTA Hall, Hamleikhong, Ukhrul District Headquarter a chelha ding ahi.

  7-Day Basic Course in News Reporting for Ukhrul District under the State Institute of Journalism of Directorate of Information and Public Relations will commence from the 26th September 2016 at the TTA Hall, Hamleikhong, Ukhrul District Headquarter.
September nisim 26 jingkah nidan 10:30 le hondohna kin umding hitolhon’a kichuhna kinguon’a panla ding candidate hon inaugural function a thonlou hel a pan alahding’uvin thulhut kimu chun aseiye.


International Day for Peace

international-day-of-peaceLien Gangte
CCpur, Sept. 22 (ET): International Day for Peace ahi tohkilhon’in Indo Global Social Service Society leh Henglep Area Youth Development Association in 21st Sept., 2016 nikho chun Igam sung uva chamna leh lungmon na aum theina ding chuleh, khat le khat kihet them tuo a kingailu tah a chen khom ding ti tupna leh lunggel neipum’in “Everyone has the Ability to be a Peacemaker” ti kisun poster tahdoh na anei uvin ahi. Hiche poster ho hi, Tiddim Road jui in munchom chom in atah doh uvin ahi.


Editorial UntitledLungsetna beihel leh gimneitah a kithana

  Achesa September 19/20 nikhoa Tuibong Canaan veng’a kon kum 30 vel’a tah (upa) Henkholen Mate @ Michael “melse tah-a kithana” thua lungphatmona thuphon kibolna ho chu ivetleh “lungsetna beihel’in akithat’e” ti ngen ahi. Eilah a kitha hi lungset jeh-a kithat umlou ahi. Ahin ipi atileh “lungsetna beihel’in akithatne” kiti umjingham ti hi ajeh um ahi. Kitha kitijongleh kigimboltah jouva kithat leh melsetah-a kithat hohi lungsetna beihel a kithat ho tinadan ahi. Henkholen Mate chu akhut a-elkalepma kikan’a alol ki-at ahijeh-a “lungsetna beihel’a kithat” tia demna leh lungphatmona thuphon um ahi. Chuleh hitobang kithana hi mithat hon abolgot mong-mong tina jong hi; lunghan jeh-a voh kiticha voh nalam’a thilo kha jong hilou ahijeh-a “lungsetna beihel’a kithat” kiti jong hidi ahi. Mi khat chu thichan gotna kipe ahitah jongleh akithatpa thohgimna umbehlou leh melse behlouva achung’a natoh umthei jong tina ahi. Akhut akeng kikan’a alol- ki-at kiti hi “gancha bol’a kibolna leh lungsetna beihel’a kithana” kiti chu hidi ahi. Muslim thingnoi kiloikhomna ISIS hon mi kichat leh tijatna dia amimat ho u akhut akeng akanpeh uva ahing chang’a alol a-at u, hijong chu lim alah utoh Video record abol utoh hibang soh uva alimlah uleh Video record ho chu vannoi mipi mudia tulai Social Media hoa atahleleu ahi. Ahin ISIS thingnoimi hohin hitobang mihem hina bei thilbol hi amaho natoh leh khutnung ahidan ho aphon jiuva athilbol u ajeh jong aphontha jiu ahi. Hichu mi suhgichatna di leh gihna a abol ujong ahi. Eiho gam/eiho lah-a kitha melse leh gimnei hohi abolho kiphon malah ahithei chan’a ki im-mang jiu, kilep theichan’a kilep jiu ahi. Hiche jeh-a hi mi meisan thilbol tia demna umji ahi. Lungsetna beihel leh melse tah-a kithana bol hi hi govt jong um ahi. Ningkum lang chakhat chun North Korea Dictator President pu in adinmun chu’a aginmo apaneo (uncle) ngel-ngel jong uicha hang kihen hon lah-a ahing chang’a alelutna amaltelsah, hichu a Cabinet hotoh tou uva laam vetna avet u ahi. Hiche hohi mihem kibolna bei leh lungsetna kiti umlouva kithana ahi.

  Lungsetna pum’a kithana kiti jong umthou ahi. Hichu sap pao (English) a “Euthanasia/Mercy killing” kiti, vannoi leisetna govt ho aphal umlou ahi. Gam khangtou America ajong mithat miman gimneitah hojong thinachan gotna apieh teng uleh thina thei lou (injection) akap uva athilamcha jong helou khop’a um ahi. Mharasthra a kum 40 lang hospital’a chatmoa um Nurse Aruna Shanbaug chu athohgim na sotvalta, adamdohna di thu jong umtalou ahijeh-a Court in “lungset jeh a thana” (mercy killing) thupeh ananeiya ningkum (2015) a “ana kithatdoh” ahi. Hiche hi daan in apahllou ahijeh-a kinielna tamtah jong ana um ahi. Eiho lah-a lungsetna beijin akithatne kiti hi lungsetna aumnahleh kithana umloudi ahijeh in athu kimandan hi dihtheiloujo ahi.


*For more news, articles etc. please click “ET IN PDF.”