Sept 18, 2016 Local news

Sept 18, 2016 Local news

720
0
SHARE

Manipur Govt. in Saikot SDO Gazette Order asuo na chung’a kipapi kin-gon um

7d1e4543-2e67-463c-8ec0-034af436aa2fLien Gangte
CCpur, Sept. 17 (ET): Manipur Govt. in Saikot SDO Gazette Order asuo toh kilhon in, Saikot SDO Gazette Order Collection Team ho vailhun na kingon M.Ramthar/Khawmawi ah17th September, 2016 nilhah nidan 1:00 chun aum in ahi. Saikot SDO Gazette Order Dedication ceremony Saikot, Play Ground mun’ah 17th September, 2016 nilhah nidan1:30 chun aum in ahi.

  Hiche kingon toh kilhon in, Welcome Address seina Assistant Prof. David L. Lungtau, Executive Member,SSDC Introductory Speech, R. Lalkaisanga, Secretary, SSDC in anei yin, chuleh Saikot SDO Gazette order kimu dan (Process of Govt. orders) toh kisai Timothy Z. Zote, Chairman, SSDC in aneiyin ahi. Chuleh Saikot SDO Gazette order Pathien a lhandoh na Rev. & Dr. Lalnghakthang Khawbung, Executive Secretary, RPC (NEI) in anei yin ahi. Finance report peh na Thangrohlun Tuolor, Treasurer, SSDC in aneiyin ahi. Hiche kingon toh kilhon in, Hmar Inpui, Zomi Council, Mizo People Convention: Manipur, VA, Saikot chuleh, Advisers, SSDC ho’a kon lamkai hon holim na jong anei uvin ahi.

  Saikot Sub-Division Demand Committee achesa 29th Oct., 2011 a dingdoh a ana um toh kilhon in, Saikot a SDO aum thei na ding in hiche kum chun CM, Manipur ah memorandum 2-vei anapelut taovin ahi. Hiche tohkilhon in, 17th April, 2015 nikho chun Manipur State Cabinet toukhom na’a thulhuh na aum na bang in Govt. Of Manipur, Secretariat: Revenue Dept. in Saikot SDO hiding in Gazette Order (No. 182 dated 2nd Sept., 2016 and Govt. Order No. 30/3/2015-R dated 29th Aug., 2016) anasuo tan ahi. Saikot Sub-Division noi’ah Kho 30 aum in, Govt. a record um lo kho 12 jao na in Saikot SDO noi’ah kho 42 aum in ahi. Chuleh, agang theipen’a Manipur Govt. in Saikot SDO Office mun’a SDO a tou ding MCS (Gazette Officer) leh Staff koi ding in Memorandum Manipur CM heng’ah 17th Sept., 2016 nikho chun anapelut uvin ahi. Saikot SDO Office building hi achesa 24th April, 2015 kum a chu Okram Ibobi Singh, Manipur Chief Minister in ana hondoh ahi.


Alamlouva ST Scholarship kilahdoh peh thilsoh seilhah hita

Imphal, Sept. 17(ET): Eimi simlai phabep achan diuva lom ST Scholarship aguh’a kilahdohpeh chungchang thu seilhahna leh hitobang alamlouva nakitohna vel bolkit talou ding in KSO-Imphal makaina’n tuni’n seilhah ahitai.

  KSO-Imphal a kon Education Secretary Satkhomang Haokip thuphon in aseina’a, hiche chungthu hi Gulmohor Yoga and Naturopathy Research Academy, Langol a principal Dr. Ch. Dhakeshwar kiti khat in hiche themjil mun’a eimi simlai phabep achan diuva lom scholarship aguh’a simlai ho hetphah louva ana lahdoh ahi.

  Tuni kihoukhomna’a chun institute thalheng a kon principal pu chun simlai masang leh KSO-Imphal lamkai ho masang ah ngaidam thumna leh hitobang velbol kit talou ding in kitepna aneiyin ahi.

  Minphah theichu, alamlouva scholarship kilahdohna hiche thilsoh hi achesa April lhasung thilsoh ahitan, simlai hon akisei themjilna mun’a mopo ho hetsahna leh thilsoh seilhapna ding ngehna aneiyu tuchan a donse louva ana um ahi. Hitolhon’a scholarship kikaidohpeh simlai hochun thilsoh chungchang thu KSO-Imphal heng alhut uva, KSO-I in kholchilna leh hiche chungthu a anatpha jouse kouna anei dungjuiya seilhah’a um ahi.


Zolzam kho in 9th Manipur State Level Pineapple Festival 2016 a kipaman asan’u lom

f842597d-47f2-4832-af1c-a950176cfd57Lien Gangte
CCpur, Sept. 17 (ET): 9th Manipur State Level Pineapple Festival 2016, Khousabung kho ah achesa 27th August, 2016 chun ana aum in, hiche toh kilhon chun Kho chom chom ho’a pat Lengthei lei bolho’n (Pineapple Growers) kitet na ana nei uvin, Zolzam kho in 3rd Prize in dangka 20,000/- ana kisan uvin ahi. Hiche kitet na’ah chun Hermon Tang in 1st le 2nd Prize ana kisan uvin ahi. Zolzam kho in 9th Manipur State Level Pineapple Festival 2016 a 3rd Prize ana kisan na chung’ah 17th Sept., 2016 jinglam nidan 11:00 apat chun Zolzam Community Hall ah kipapi na kingon ana um in ahi. Hiche kingon toh kilhon in, Jingun in James Doujapao Haokip, MCS, SDO, Tuibong apang in chuleh, Kin neipa in D. Sonkholun Haokip, Spl. Contractor apang in ahi. Report pehna Khailam Haokip, Secy. VCC in aneiyin, Zolzam farmers club ho’a kon Bamboo dance vetsah na aum in, khosung a ding a vangthum na Rev. NT Lamcha, L/P & Trea. KCLF in aneiyin ahi.

  Jingun a pang James Doujapao Haokip, MCS, SDO, Tuibong in asei na’ah, Haosa kitah na kho leh khosung mipi ho na kithutuo na chung uvah kahin kipa-pi uvin, Lengthei lei bol na toh kisai’a Govt. lang le NGO lang apat vetlhah (Inspection) na hung nei ho’n Zolzam kho apahcha lheh ji uvin ahi ati. Job Card leh Govt. apat Khosung/Vengsung ho’ah Scheme chom chom akipe je in, ahi na bang tah’a akiman chat le akiman chat lou Khosung/Vengsung natoh na apat het theiyin aum in ahi ati. Chuleh aman aseibe na’ah Govt. apat hamphat na (Scheme) um ho del ding leh muthei na ding in lekha poimo chom chom, tichu Adhaar Card, Voter Card le adang dang ho naki nei soh kei diu ahi ati.

  Ajeh chu leikha poimo jaolouva, kideih sah najeh a hamphatna (Scheme) um ho kiki moh peh theilou ahi ati. Chuleh, Kin neipa, D. Sonkholun Haokip, Spl. Contractor in asei na’ah, Khosung Haosa mi tamtah akhosung mi ho, a thilbol hetsah lou tamtah aum in hijong leh Zolzam haosapu in kitah na toh akhosung’a vai ahom jeh in apachat thu aphong in ahi. Lou natoh lang hihen ipi lang hijoh leh nungtol louva ipan uva ahile nikhat niteng ilolhin tei diu ahi tin aseiyin ahi.


Moltam Lhang’a Sahnit Ni kimang

25466178-0211-4cc4-99ba-80306e218e9e (2)Sadar Hills, Sept. 17 (ET): Achesa September nisim 13, 2016 nikho’n Kuki Inpi Moltam Lhang le Kuki Students’ Organisation Moltam Block lamkai na noijin ‘Sahnit Ni’ chu Sinam Khaitong Tourist Home, New Keithelmanbi mun ah lolhingtah in akimang in ahi.

  NSCN-IM in mona neilou ‘Kuki ahijeh a’ lungsetna beihel a ana kithat le kisugenthei ho geldohna le taopehna kin in akimang in ahi. Pu S. Alet Haokip, Secretary KIML in ‘condolence’ programme amang in, Pastor Satmang Baite in Pathen henga taona aneijin ahi. Pu Lunpi S. Gangte, Vice President Kuki Inpi Manipur in phatchesa a NSCN-IM in Kuki chate ho asuhgenthei na le government in Kukite donlou dailouva akoina chunga alungnopmona aphondoh na ban ah khonung a panlahkhom ding dan thu ah tilkhouna aneijin ahi. Pu Satlen Kom in ahung kikhom haosa upa, houlamkai, lhang lamkai ho tilkhouna aneina ban ah ama (Pu Satlen Kom) lamkaina in ‘Nampi Kitepna’ ana um in ahi.


TKSU Don Bosco Unit in 6th Freshers’ Meet nei

7772647a-0969-499b-97e4-78c2738560dc - CopyLien Gangte
CCpur, Sept. 17 (ET): Thadou Kuki Students’ Union (TKSU), Don Bosco Unit in 17th Sept., 2016 Jinglam nidan 10:30 apat chun B. Vengnom Community Hall mun’ah 6th Freshers’ Meet leh Teachers’ Day 2016 manna kingon anei uvin ahi. Hiche kingon toh kilhon in Chief Guest in Seiminthang Lenthang, MCS/SDO Ccpur apang in, Chief Host in Henkhopao Haokip, Development Secy. KIC apang in, Guest of Honour in Kamthang Haokip, President, KKL GHQ apang in chuleh, Functional President in Lalrobul Pudaite, HSA Co-ordinator, Manipur apang in ahi. Hiche kingon toh kilhon in, TKSU-Don Bosco Unit ho’a pat Freshers ho chuleh Teachers ho Pathien a vangthum pehna Rev. Thangjakap, Youth Director, ECA ECCI in aneiyin ahi. Kinsung ahin, Don Bosco apat class XII hon namlam vetna anei uvin, David Kakap, Musician in Stage Performance chuleh, kisuhlhim na jat chom chom aum ahi.

  Chuleh, Chief Guest Seiminthang Lenthang, MCS/SDO Ccpur; Chief Host Henkhopao Haokip, Development Secy. KIC; Guest of Honour in Kamthang Haokip, President, KKL GHQ chuleh, Functional President Lalrobul Pudaite, HSA Co-ordinator, Manipur ho’a kon houlim ngailhah na aum in ahi. Chief Guest, in simlai hisung’a loi phalou akon kikoi chom ding, lekha sim na leh tahsa suboi thei-le suse thei ding ju-le sa ho’a kon kidalse ding in simlai ho tepna aneiyin, exam a lolhin na ding bouva lekha sim ding ahipo’n, maban career saotah lungmit a neipum a lekha sim ding ahi ati.


NE entrepreneur ho ding’a NEDFi in Dk. 100 crore phongdoh

Kohima: Sah-solam gamkai sung a um First Generation entrepreneurs ho ding’a “Venture Capital” kiti scheme thah khat Dk.100 crore lut a kibolding ahi tin North Eastern Development Finance Corporation Ltd (NEDFi) Kohima Branch leh Entrepreneurs Associates (EA) in tuni Oriental Grand Hotel Kohima a Business Meet 2016 kinguon abol lhon na’a chun aseilhon in ahi.

  Muktieh in aseidan in Nagaland gamsunga jong kiloikhom dangho toh kithoa food processing unit khat kisemdoh ding ahi ati. Aman aseidan in Nagaland gamsung hi Medical treatment lam a lhasam ahi nalaijeh a damlou ho state dang a kijen a chejing’u ahi’n, entrepreneur hon medical lampang jong ahin gelkhoh ding’u deisah ahi ati.Tuni kinguon a chun NEDFi DGM, RE Zeliang in NEDFi Scheme ho chungchang a houlimna aneiyin chuleh EA Coordinator-CEO Neichute Doulo in jong houlimna aneiyin ahi.


Wakotphai DCC by-election boina umlouva chelha

Kaybie Chongloi
Sadar Hills, Sept.17(ET): ADC Sadar Hills noiya um 8-Wakotphai District Council Constituency by-election tuni chun boina umlouvin achelha in ahi. Tuni by-election a vote kitatdoh jat chu jakhat lah a 89.8 vel ahi.

  Geldoh thei khat chu 8-Wakotphai DCC by-election hi Haokholun Chongloi in aphatlouva aleiset hinkho ana dalhah jeh’a kibol ahi.

  Hetthei khat chu tuni by-election a panla ding a kiguo candidate chu mi-nga ana hi’uve. Ahinlah Independent candidate thum in August nisim 26 ni a withdraw abol’u tolhon’a tuni’a chu Congress Candidate Seilen Lhoujem leh BJP Candidate R.Stoneson ana kitet lhon ahi. Seilen Lhoujem hi N.Teikhang’a cheng ahi’n apa min Nehsei Lhoujem ahi. R.Stoneson Makui a cheng ahi’n apamin (L) R.Namkhothen ahi.

  Tuni a vote kitatdoh chu vote umjat 4047 lah’a 3352 ahi. Pasal vote kitatdoh jat chu 1736 ahi’n numei vote kitatdoh jat chu 1816 ahi.

  8/1 Wakotphai polling station vote umjat 630 lah’a tuni’a kitatdoh vote chu 624 ahi. Chuleh 8/2 Chaljang polling station a vote umjat 523 lah a kitat doh chu 518 ahi.8/3 Phoikon polling station’a vote umjat 456 lah’a tuni chun vote 446 akitatdoh in ahi. 8/4 K.Haimol polling station’a vote umjat 331 lah’a tunia kitatdoh chu vote 307 ahi.Alangkhat a, 8/5 Makui polling station a vote umjat 1197 lah’a chun vote 1197 akitatdoh in ahi. Chuleh 8/6 Thaldara polling station’a vote umjat 910 lah’a chun vote 462 akitatdoh in ahi.


CCpur khopi’a Chavang Kut boipi ding committee kisemdoh ta

B.Lalboi Gangte
CCpur. Sept. 17 (ET): Vanoi’a Kuki chaten kumseh’a achenna’u gamtin’a amanjing’u Chavang Kut chu ahung lhung ding October 31 a kipat November 1, 2016 sung’a Peace Ground, Churachandpur khopi sung’a kimang ding ahi. Chavang Kut 2016 Committee kilhenna tuni’a aneina’uva chun Chairman Dr. Chinkholal Thangsing, Secretary-George Guite, Treasurer-Samuel Haokip, Vice Chairman-Lalkhohao Chongloi, Joint Secretary-Kamthang Haokip lhendoh ahiuve. Chuleh Sub-Committee’a ding in Celebration Committee a ding in Lalkhohao Chongloi-Chairman, Hospitality Committee Chairman- T. Lalkhohao Haokip, Souvenir Committee Chairman Rubul Pulamte, Construction Committee Chairman – TS Haokip, Games & Sports Committee Chairman – Thangminlen Haokip, Mess Management Committee – Haolal Haokip, Media & Publicity, Central Committee vaipo ding chuleh First Aid & Emergency Committee Chairman-Kamthang Haokip hidu ahi tin committee in phondohna anei uvin ahi.


Minister Okendra in ngaidam athum ding’a Bishesh Huirem in gihna nei

Bishesh-Huirem_manipur_transgender_miss-manipur1Imphal, Sept. 17: Friday nikho’a toumun kiphinna bol’a artistes, lyricists leh transgender (nu-kiso) hon kal khat sung’a Okendra in ngaidam athum ding’in ‘ultimatum’ apelut uvin ahi.Minister pa guard hon film leh drama tho’a Bishesh Huirem achesa Wednesday jan’a lamlen’a lunghanna jeh’a ana voh thu toh kisai ahi. Huirem hi November nisim 9 nikho leh Thailand gam’a umding International Beauty Queen contest ‘a pang ding’a gam (country) 30 ‘a kon kilhengdoh transgender holah’a pang ahi.

  Alangkhat’a, minister pa official hon ngohna hi jouthu ahi, tin aseiyun, Huirem hi ju kham val’a minister pa convoy lamtin’a gari jong aheidoh joulou ahi’in, sepai (security guard) khat in aga kithopi ahi, tin aseiyui. Hiche’a chu Huirem in boina asem’a, gari tol nading’a tha neina kaneiye, ati’a minister pa gari kot hunam’a ahon got jeh’a kiman ahi, ati. Huirem in ngohna hi jouthu ahi, tin aseiyin chule ju kakham poi, ati. Thuso miho heng’a Huirem in, ‘Beauty contest ‘a ding’a kakigot lai ahi’in, hormone therapy jeh’a chi leh thao jong kaneh lou ahi’in, jukham val ahi, tia ngohna eikinei hi kidang tah ahi”, tin aseiyin, chule thilsoh jeh’a hospital’a kaum kahi, ati. Artistes hon Heirok constituency Minister in ngaidam athum louva ahileh mobile theatre, film leh music programme jouse ban bol ding’in jong gihna anei uvin ahi. Khovei February lha leh election umding ahitoh kilhon’a hiche hin campaign atohkhah ding ginchat ahi.


THOUGHTS

Thucheng tha hat dan

  Masang chun miching le hougut tah khat ana um’in nikhat ava le nan kho khat ahin jot pan tah ahile nupi khat in achapa damlou chu taopeh din ana thum in ana tao tho jeng tan ahile aman jong aven ahile alungsen a in lam chu ahin jontai. Chutia chapang damlou taopeh dia adamlou in ajot laijin khosung a mipi tamtah in anung ajui juvin alhun uchun ataopeh pan tan atao jong kichai nailou vin upa ahung kikhom ho lah a khat chun ija selou tah le O’ sang thim tah in “Lou le ai in ajo lou nung’a hiche tao tho ho dot dot ipi boldoh/adamdoh ding chu natahsan uham tin ahung phun tan ahile.

  Miching tah le hougut pan jong ijase lou tah a hinhou pa jah’a “Vo mingol nangman hiti hohi nahethem poi” tin adonbut nin ahile hichi thucheng chun upa pa chu alunghan sah lheh tan amai jong asan doh leu vin nelkal dia athusei got laitah in athusei chu ajom in anaiphei in “sopi nahet themlou jeh ahi thucheng khat mai maijin chu bangse a nalung han sah thei le thucheng pha,awnem taona aw cheng in mi jong asuhdam thei di hilou ham..? ati. Chuni ma machun adamlou tamtah ataodam me.

KIHILNA: Tunin ikamcheng hohi thil manchah phatah bang in mikipasah na, thungei seina, phatthei na, ngaidam na etc. ahithei nadin ikamcheng ho khel taote ajeh chu o(aw) le thucheng man dan thep le thep lou hin thil tamtah aki khel sah thei’e.

Kakipah-e
~ Thangbiem, Leikot village
Lamhil@WhatsApp group


EDITORIAL

MLA resignation accepted after a year and instantly

  It is not only surprising but a little bit funny that the resignation of four Naga Peoples’ Front (NPF) MLAs of Manipur has at last been “officially” accepted after one complete year. Though it took one year in this regard but in the case of Y. Erabot, the Congress MLA from Wangkhei, it did not take even a week to study or process his resignation papers. This is not surprising considering the timing of the resignation acceptance. Barely five months are left now for the current state assembly to complete its tenure of five years. The NPF MLAs had given their papers in the first week of September last year following the passing of the infamous three bills dubbed as anti-tribal by the tribal community of the state. NPF MLAs alleged that no opportunity was given to them to oppose the bill. It was also pointed out that the Hill Area Committee (HAC) was deliberately bypassed. Above all, the NPF legislators resigned in protest against the state government’s alleged trampling of the “Naga interest”. It was not only the Naga MLAs but the entire tribal MLAs who were told to quit the assembly by some tribal based civil organizations in protest against the passing of “anti-tribal bills”. Though the NPF MLAs had submitted their resignation papers then but the Naga MLAs and ministers of the ruling Congress party never cared to follow suit. So was the case with the rest of the tribal MLAs and ministers though it can’t be denied that some MLAs from Churachanpur district have put in their papers under pressure from the civil societies only to withdraw the same before it reached the Speaker’s table. During the last budget session of the state assembly certain MLAs had ridiculed the Speaker that the resigned NPF MLAs had continued to enjoy salaries and perks. Now it is clear that their resignations were not accepted then and so were entitled to enjoy all facilities and pay of an MLA.

  The instant acceptance of Y. Erabot’s resignation paper is also understandable. Dubbed as an “opposition MLA from the ruling party”, Y. Erabot was thorn in the shoe for the ruling Congress. It would have been a bold step for Y. Erabot’s had he resigned from the Congress party as well as from the MLA if he feels injustice he has been done to him when he was degraded from cabinet to MLA. Now this former congress veteran has not only resigned from the congress party and the MLA-ship but also immediately joined the congress arch rival, the BJP. This is how his resignation as MLA was not only instantly accepted but was expelled from the congress more instantaneously.


*For more news, articles etc. please click “ET IN PDF.”