Senapati’a UNC toson leh police ho kinotona’a numei 3 panna’a mi 11...

Senapati’a UNC toson leh police ho kinotona’a numei 3 panna’a mi 11 kitongkha

309
0
SHARE

Imphal, Jan 3: Mini Secretariat mai, Senapati district headquarter mun’a police holeh kiphinna bol ho kinotona in sun nidan 11 don in kiphinna bol numei 3 panna’in mi 11 akitongkha uvin ahi.
Kiphinna bol hohin United Naga Council in kiphinna abol tosotna’a Mini Secretariat Senapati district office anokhum uva, kot kha ding agot-u ahi. UNC hon achesa December nisim 31 jan-kim’a kon sorkar in district thah asemdoh doudalna vetsahna’a Naga chenna gamkaiya um government office jouse kha ding’a asei ahi.
Government office ho kha ding’a thuso aum jouva Senapati leh Ukhrul chule Kangpokpia district administration in CrPC 144 akoi tan ahi. Jingkah’a kon UNC lamkaina noiya Senapati district’a mi tamtah kikhom uva Mini Secretariat office mun anokhum-u ahi. Kiphinna bol ho central police hon mini secretariat office alut diu sangtah’a alamtin-u ahi. Dinmun akhohset cheh cheh toh kilhon’a police team hon tear gas leh mock bomb phabep akap ahi.
Thilsoh’a numei thum panna in kiphinna bol mi 7 akitongkha uvin, abon uva district hospital’a apolut tauvin ahi. Alangkhat’a, UNC in Naga chenna mun ho’a government office kha ding’a kiphinna akehlet be ahi. Thusoh kimudan chun Tuni jingkah nidan 10:30 am velchun Senapati District Headquarter a mipi hole Security ho akinoto nauvin mi 11 akitong khauvin ahi. Senapati District sunga Govt, Office ho, adeh a Nagate chenna munho a Office kikhah ding kitichu akihon jeh a boina um ahi. Hiche hi Govt in District thah 7 kiphondoh deilou jeh a UNC, ANSAM, NPO, SDSA, SDWA chule Naga Frontier Organisation lamkai hon mipi toh kithouva Senapati DC Office kha sahdinga anasei nauva Security Force hotoh ana kiboi khau ahi. Achesa Jan, nisim 2, 2017 nia UNC in Senapati District sunga Govt Office jouse kikhah sohkei dinga ana seiyu ahi.
Mipi hole Naga lamkai hon DC Office jonding jouse anakham tanguvin, Indo-Tibetan Border Police hole State Security force honjong tear gas anakap uve. Micham mi 11 akitoh vangu chun mipi kiphinna anache jom in ahi.
NFO lamkai mi 5 Senapati DC C. Arthur W toh anakimu touvin Office khading chungchang thu in anaki hou uve, nilhah lang nidan 2:30 velchun Social Welfare Office mei a halding ana gouve ahin akom a cheng hon anakham uve. Senapati Mini Secretariat kom vellah in jong Security khoutah in anakoi uve alangkhat a UNC le NFO honjong Govt Office cheho hatah in ana kham uve. Chule Police hon tear gas akap uva milham 11 kitoh khahna sangtah in demna anei uve.