Sakei athupi in, ahin, khantou nading tohgon athupi jo’e: Supreme Court

Sakei athupi in, ahin, khantou nading tohgon athupi jo’e: Supreme Court

150
0
SHARE

 

New Delhi, Jan 21 (Zeenews): Supreme Court in khantou machalna hi sakei (tiger) huhding sang’a thupi jo ahi, tin aseiyin, ahin, sakei venbitna peh ding jong hi thupi tah ahi, ati.
Nagpur leh Jabalpur kikah’a National Highway 7 lamlen kehlet be ding’a tohgon NGO phabep in doudalna anei uva court’a hehna asem-u thu angailhah nauva court in Wednesday nikhon, sakei venna peh ding hi gamsung khantouna natoh ho dalhah’a bolthei ahipoi, tin aseiyin ahi. NH-7 hin Pench tiger reserve atohkhah ahi. Mihem ho boina umlouva munkhat’a kon mun dang khat ajot thei diu hi thil thupi ahi, ati.
Nagpur bench, Bombay High Court leh National reen Tribunal (NGT) ho kikah’a hiche thu’a kinel baotamna leh thunoh sangtah aum jouva athu hi Supreme Court ‘a kipolut ahi. Lamlen kikehlet be na thu’a hi HC in tha (jurisdiction) anei ahi, tia Supreme Court in janhi nikho’a thutanna aneiyin, alangkhat’a, Chief Justice TS Thakur leh justice AK Sikri chule R Banumathi in, sakei thupi dan thu aseiyin ahi.
“Sakei hohi thupi ahi. Ahin, traffic ipi ti ding ham. National highway khat in reserved forest khat ajot pa na thilsoh masapen ahipon, sakei (tiger) ven ding kadeiyui”, tia aseilhon ahi.