Rohith Vemula thi hi kidang kasa’e, tia ABVP lamkai Susheel in sei

Rohith Vemula thi hi kidang kasa’e, tia ABVP lamkai Susheel in sei

174
0
SHARE

 

Hyderabad, Jan 19 (Zeenews): Hyderabad Central University (HCU) ‘a PhD scholar Rohith Vemula ama-le-ama akitha hin gamsung’a student politics ho iti vetol ding ham, ti thu’a kinel baotamna aumsah in ahi.
Hiche chungchang’a thilsoh’a panla’a Akhil Bharatiya Parishad (ABVP) simlai lamkai pa’n thuseina aneiyin ahi. Susheel Kumar, HCU simlai lamkai in Rohith thi kidang asahna thu aseiyin ahi. Rohith thi hi achesa August lha’a Susheel toh kinel baotamna anaum toh kisaiya seithei ahi. Rohith tiouva Dalit scholar simlai adang mi 4, Ambedkar Students Association (ASU) toh kisaina nei ho tu masang’a chu Susheel toh ana kina-u ahi. Achesa 1993 kum’a Mumbai buluna thilsoh’a themmo kichan Yakub Memon thina chan gotna akipeh toh kisai ahi in, Dalit scholar nga hohin demna anei nauva kinahna kipan ahi.
Facebook’a Susheel in Rohith leh ASU member dang hohin kiphinna abol uvin, gunda ahiuve, tia anasei ahi. Facebook ‘a Susheel in ngaidam athum jouva jong ASU simlai hon anabulu uve, ti thulhut jong um ahi. Ahin, Rohith leh aloihon hunam kimanna aumpoi, tin asei uvin ahi. Hehna akisem jouva kholna anei uva, university leh hostel’a kon Dalit scholar 5 hohi kinodoh ahi’n, phat chomkhat jouva university in suspension order hi alahdoh (revoke) kit ahi.
Susheel in hichan gei thilsoh alhun ding kagel khah lou ahi, tin News Minute thuso miho heng’a aseiyin ahi. “Kum 5 nailam kahet ahitan, kalunggel lhon akibang pon, ahin, amahi mi hangsan ahi. Campus’a poster kikoi ho abokeh’a chule kiphinna lamkai’a pang ahi. Hitobang thilsoh lhung inte tin kagel poi”, ati.