Rohith Vemula ama-leh-ama akitha lo na ajeh

Rohith Vemula ama-leh-ama akitha lo na ajeh

150
0
SHARE

 

Hyderabad, Jan 20 (Zeenews): Hyderabad Central University (HCU)’a Dalit PhD scholar Rohith Vemula hostel room ‘a Sundaynikho’a akikhailih sa akimudoh jouva simlai holah’a kiphinna anaum ahi in, thunoh baotam hi tuhin India khopi chule gamdang dang jong alhung tan ahi.
Dalit research scholar pa hi ipijeh’a ama-leh-ama kikhailih ahidem, ti ginmo thu phabep anave uhite. ABVP leh Ambedkar Students Association (ASA) ho kikah’a thunoh baotam umjing ahi in, Hyderabad Central university ‘a simlai phabep in asei dungjuiya ABVP leh ASA ho kikah’a kinahna anaum jing’a Rohith Vemula thi lo in asei uvin ahi. “ABVP leh ASA ho aphatseh’a kina jing ahiuvin, Rohith Vemula hi ASA member ahi in, ABVP-ASA kikah’a boina umjing thu jong hi Rohith kitha lo na ajeh khat hiding ahi”, tin M Tech simlai khat in thuso miho heng’a aseiye.
“ABVP lamkai holeh ASA member ho kinahna hi Vemula thi lo na jeh hiding ahi, ajeh chu Yakub Memon kikhailih thu’a ASA-ABVP kikah’a kinahna anaum’a, hiche jouva ASA member phabep university’a kon suspend kibol ahi, tin aseibe’e. “Dalit simlai 5 in aumna mun adalhah uva mun chom’a aum diuvin thupehna anaum in, amaho umna mun hi hostel administration ho kot-heh akha-u ahi. Yakub Memon thina chan gotna akipeh member phabep in adoudal jeh’a hichan gei lhung ahi”, tin HCU scholar dang khat in aseiyin ahi.
ASA hon achesa 1993 kum’a Mumbai kibuluna thilsoh’a themmo kichan Yakub Memon thina chan gotna akipeh hi adoudal-u ahi in, ASA ho ngaidan hi ABVP hon angainom louvu ahi.