Republic Day nikho’a buluna thilsoh umthei ahijeh’a centre in gam jouse kiging...

Republic Day nikho’a buluna thilsoh umthei ahijeh’a centre in gam jouse kiging jing’a aum diuva thuhilna nei

116
0
SHARE

 

New Delhi, Jan 19 (Zeenews): Ahunglhung ding Republic Day kin-gon’a jin-gun’a France President Francois Hollande hungding ahitoh kilhon’in Centre in kin-gon’a pang ding VVIPs ho security ding’a kigotna sangtah anei uvin chule Islamic State thingnoi ho’a kon buluna thilsoh umthei ho vendoh nading’a jong kigotna sangtah anei uvin ahi.
Tuesday nikho thulhut chun tukum Republic Day Parade hi suhboi ding’a ISIS hon gihna aneiyu ahi, ati. ISIS ho gihna aumjeh’a Centre in state sorkar jousen Republic Day kin-gon sung’a thingnoi buluna thilsoh aumlou nading’a agam agam in kivenna leh kigotna sangtah anei diuva thuhilna anei ahi.
Online’a ISIS toson atam cheh jing toh kilhon’a, Centre in gihna hi giltah’a alah’a state jouse kiging jing’a aum diuva asei ahi. Central intelligence leh investigation agency’a kon official chule gam 13 ‘a kon police official 13 ho panna in Saturday nikhon toukhomna anei uvin, Home Minister Rajnath Singh lamkaina’a toukhomna chelha ahi.
“ISIS ho gihna hi dihtah ahi. Thuguh kimu dungjuiya Republic Day kin-gon hi suhboi theiding dinmun’a um ahi. Mijouse limgeh cha aum diuvin thupeh akinei tai”, tin senior government official khat in aseiyin ahi. Kin-gon hohi changval (lone wolf) in abulu theiding dinmun’a um ahi. ‘Lone wolf’ hi kiloikhomna khat sangtah’a tosot’a buluna thilsoh ama cham’a chule achang’a pan ho kiseina ahi in, koima kithopina beiya tupna anei mun khat abulu jiu ahi.