Ramadi khopi’a kon jamdoh nading’a ISIS thingnoi ho numei von’a kivon-u

    237
    0
    SHARE

     

    Baghdad, Feb 15 (Zeenews): Ramadi khopi’a Iraq army hon sangtah’a amano uva adelkhum jou uvin ISIS jihadist ho amaho khut’a kon kilahpeh khopi sung’a kon jamdoh thei nading’in akhamul/amuhmul akivo uvin, numei von in akivon uve, tin thulhut in aseiyin, thulhut kimu hi atah ahileh Islamic State galsat ho chungchang thu tu masang’a sangtah’a ana kinei ho abon’a amuchen sah ding ahi.
    Akhamul-u avo/aho uva numei von’a akivon vang uvin akihuhdoh joudeh pouvin, Iraq army hon aman tauvin ahi. “Thingnoi hohin Ramadi khopi’a kon jamdoh thei nading leh sepai ho kimat sah lou tei nading’a amuhmul avo uva numei bang’a kivon-u ahi. Ahin, khopi’a kon ajamdoh masang uva abon uvin akiman tauve”, tin Iraqi security command in ARA thuso ‘a aseiyin ahi. Ramadi khopi hi ISIS ho thunei vaihomna’a kon Tuesday nikho’a Iraq army hon alahpeh-u ahi in, Anbar province khopi ahi.
    “Sepai hon Daesh (ISIS) thingnoimi ho khopi pam’a anomang tauvin, Ramadi hi tu’a army thunei vaihomna lhingset noiya um ahitai”, ati. “Tu-leh-tu’a khopi sung um nalai thingnoi hohin sorkar khut’a lhunlou/kimat lou tei nading’in jamdoh ding ago uvin ahi. Wednesday nikho chun Ramadi hopsung Iraqi sepai ho security checkpost mun’a ISIS jihadist 9 akiman in, amaho hi khopi’a kon jamdoh nading’a numei von’a kivon ahiuve”, tin aseibe in ahi.