President toh kihoukhomna a Manipur akon InSIDE-North East Founder Director pang

President toh kihoukhomna a Manipur akon InSIDE-North East Founder Director pang

124
0
SHARE

President toh kihoukhomna a Manipur akon InSIDE-North East Founder Director pang

Imphal, Jan 4(ET): India President in 2020 kum liemna leh social service sector a pachat umtah a panla ho hetpeh nadinga hitobanga natong ho January nisim 3 nikhon Rashtrapati Bhavan mun a kouna aneiyin ahi.

Manipur leh North East Region a kon NGO tamtah lah a akilhengdoh kouna kipe holah a Jamkhojang Misao (Hejang), Founder Director, InSIDE-North East apang in, New Delhi khopi a ache nading chule alhunna ding mun ho State Chief Secretary in agontup dinga hetsahna anei uvin ahi.

Jamkhojang Misao in President pa akimupi na’a, gamsung a chapang jouse themjilna pha peh ding tupna a apatdoh ama flagship program Gun2Pen thu aseiyin chule tuchan a alolhinna ho hetsahna aneiyin ahi. Khangthah 5000 val in aphatchompi ahi’in chule ‘leadership leh vocational skill’ semna a minu hon pan alah dan thu jong aseiyin ahi.

Thingnoi douna a hunam thahat kiman hin mipi adalse joh ding ahi, tin President pa henga ngaidan anei aseiyin ahi. Khangthah hohi hunam hilouva ngailutna a jo ding ahi, tin aseiyin chule sorkar in thingnoi douna dinga gamsunga sepai tamtah ahin sol lut a, dangka crore sanga sim asuhmang ahi’in, sorkar in thingnoi douna dinga crore a sim asuhmang holah a hop thum a hop khat (1/3) hi kei neipe leuchun, ka boldoh tamjo ding chule Manipur gamsung hi India gam a mun nom pen a kasem ding ahi, ajeh chu aphalam a kon thil bol ding hi keima tahsan ahi, tin aseibe in ahi.

Thingnoi kiloikhom hotoh ‘suspension of operation’ sorkar in asem jeh a President pa chunga akipana thu aseiyin, hiche jeh a khantou machalna ho mutheiya um ahi, ati. Gamkaiya chamna alhun a chule khantouna dihtah akimu thei nadinga ‘Peace Talk’ aganna thei pen a sorkar in aseilhah dinga President Office henga temna aneiyin ahi.

InSIDE North-East in ‘teacher fellowship program’ pat ding tohgon anei ahi’in, themjilna pha pehding bidoi aneiyu ahi.

Nagaland kho miho akon state sorkar in kitup tah a aven diuva Tungjoi kho miten ngehna neiyu

Imphal, Jan 4(ET): Chief Minister noiya state sorkar in khosung miho akhohsah na thu aseijing a pan alah jing toh kilhon a Manipur leh Nagaland gamgi kikah a um Tungjoy khosung mihon sorkar in eikhohsah pouve, tia lunggel aneiyu adai cheh cheh tan ahi.

Deputy Chief Minister Yumnam Joykumar, Education Minister Th Radheshyam leh PHED Minister Losii Dikho in Saturday nikhon Tungjoy khosung miho tahsanna suhdetna anei uvin Tungjoi Glory Day a apang uvin ahi. Khosung miho hin Nagaland kho mihon gamsung alah got jing douna a hangsan tah a tengcha, thal chule single bore rifle a Manipur gamgi anga u ahi.

Tungjoi Glory Day hi Senapati a um Tungjoi khosung mihon kum seh leh ni ni aman u golnop khat ahi’in, achesa 1970 kum a kon hiche festival aman pan u ahitai. Kichep golseh, nam chon leh khan ho choisang nading kin ahi.

Tungjoi Village Authority hon Deputy Chief Minister Yumnam Joykumar henga memorandum apelut uvin, Manipur leh Nagaland gamsung teni akinel baotam jing na Nagaland gamgi kom a um Khezhakeno khosung jotna chan lamlen state sorkar in aganna thei pen a asem dinga ngehna anei uvin ahi. Aganna thei pen a sorkar in fund aneiho a km 3 lhing lamlen asah dinga memorandum apeh nauva ngehna aneiyu ahi.

Tungjoi kho (Manipur) leh Khezhakeno kho (Phek district, Nagaland) gamsung teni kikah a gam kichuna a boina aumna sot ahitan, Tungjoi kho mihon khosung in atundoh song hi Khezhakeno khosung mihon asuhset u ahi, tia aseiyu ahi. Nagaland leh Manipur sorkar in athu aseilhah loulai ahijeh a khosung teni kah a dinmun boi jing nalai ahi.

Memorandum a chun Tungjoi leh Khezhakeno khosung teni kikah a gamgi a boina aumna asot thu asei uvin, 19th century a kon boina kipan hi tuchan a suhlhap louva um nalai ahi, ati. Nagaland sorkar in agamsung chule agammi huhna dinga kinel baotamna mun a hi khantou machalna ding tohgon chom chom- NAP Camp, Extra Assistant Commissioner Office, Forest Beat Office khat, Border Magistrate Office, lamlen blacktop leh adang dang abol ahi.

Ahivanga Manipur sorkar in kiginna ding hitobang pan lahna ima aneilou ahi. Deputy Chief Minister in Community Hall asah a chule Sub-Primary Health Centre hi Primary Health Center a upgrade abol dinga jong Tungjoi khosung mihon ngehna anei uvin ahi. Deputy Chief Minister injong State Cabinet chule Minister ho henga athu sei dinga kitepna aneiyin ahi.

Cabinet kikhelna um maithei

Imphal, Jan 3(InsideNE): Gamsunga Inner Line Permit (ILP) akichepi pan nikho ni jouva Chief Minister N Biren Singh lamkaina sorkar a panmun kikhelna lentah umding ahi, tin thulhut in aseiyin ahi.

BJP MLA chule Congress MLA sorkar a lut hon hatah a asei jeh uva Cabinet panmun kikhelna umding dinmun lhung ahi, tin thulhut in aseiyin ahi. Kum masa kum kipat til a BJP Minister phabep panna a BJP MLA tamtah in Chief Minister N Biren douna a kiphinna sangtah abol uva, apanmun a kon lahdoh dinga thumna aneiyu ahi’in, ahivanga Biren in CM panmun atuh jom ahi.

December 2019 kum a state sorkar kivaipohna a boina athah umkit a, CM tilou Minister adang jouse kikhelna nei dinga thumna aneiyu ahi. Biren in CMHT ahilouleh ‘Go To Village’ mission kiti scheme chom chom ho phondohna aneiya hi tosotna amu behseh lou ahi.

Kum thum lhing sorkar akisem jouva Biren Singh in tua hi akit Assembly election masanga government dinmun suhtup nadinga Minister ho tosotna athum ahi. Akit Assembly election hi 2022 kum teng umding ahi.

Monday nileh ‘One day State Assembly session’ umding; ILP thu akiseiding ginchatna umlou

Imphal, Jan 4(ET): Inner Line Permit Regulation chungchang a opposition leh CSO hon kiphinna anei utoh kilhon a Monday nikho teng 11th Manipur Legislative Assembly ‘One Day State Assembly session’ um maithei ahi.

Ahivanga thulhut in ‘One Day Special Session hi Article 334 semphatna neiya Scheduled Tribe (ST), Scheduled Caste (SC) leh nam neo adang ho reservation kum 10 a aphat kehlet ding thu seina dinga kouna aneiyu ahi, ati. House Speaker in ILP chungchang a official gazette kisodoh ahitah jeh a ILP tobang thu dang ho akisei ding phalna apeh louding jong ginchat ahi, tin thulhut chun aseibe in ahi.

Union Cabinet in achesa December nisim 4, 2019 ni a Lok Sabha leh State Assembly ho a SC, ST leh Anglo-Indian community reservation hi kum 10  ‘extend’ bol dinga proposal phatsahna anei ahi. Lok Sabha leh Assembly a hiche category ho a reservation hi January 25, 2020 teng aphat kichai ding ahi.

Ministry of Law and Justice Article 334 a Scheduled Castes, Scheduled Tribe leh Anglo-Indian community ho Lok Sabha leh State Legislative Assembly a nomination a seat reservation kipe hi constitution akisem a kon kum somthum aphat akichai jouteng kichepi tahlou dinga kisei ahi. Achesa kum somthum sunga Scheduled Caste leh Scheduled Tribe in machalna hetthei tah anei vanga akisei seat reservation leh member nomination thu a provision kisem hi um nalai ahi.

Hiche jeh a Scheduled Castes, Scheduled Tribe leh Anglo-Indian representation hi kum 10 aphat suhsao be dinga proposal um ahi.

IAS/MCS phabep transfer kibol

Imphal, Jan 4(et): Department of Personnel & Adminsitrative Refroms in IAS le MCS officer phabep transfer ana bol uvin ahi. Transfer kibol officer ho chu Bobby Waikhom, IAS, Commissioner cum Secretary (Youth Affairs & Sports/ CAF & PD/Science & Technology) akon Commissioner cum Secretary (Youth Affairs & Sports/ CAF & pd (Science & Technology) le Director (YAS) in addition, Rajkumar Mayanglangbam, IAS Deputy Commissioner/Jiribam akon Deputy Commissioner/ Tengnoupal, Dr. K Shyamsunder Singh, IAS, Director (Youth Affairs & Sports) akon Deputy Commissioner/Jirbam, Kimjalhai Kipgen, MCS, Joint Secretary (DP) AND osd(YUSA) akon Joint Secretary (DP & AR) le OSD (RUSA),  H. Balakrishna Singh, MCS, I/C Director (Information & PR) le I/C Director (RD & PR) le i/c Director (SIRD) akon i/c Director (Information & PR),  Ng. Bhogendra Meitei, MCS, Registrar/ Manipur Technical University le i/c Director (OBC & SC) akon Registrar/ Manipur Technical University le i/c Director (OBC & SC) LE I/C Director (Minorities), Ngangom Uttam Singh, MCS, i/c Director Minorites le i/c Director (Social Welfare) akon i/c Director ( Social Welfare), P Gojendra Singh, MCS, Deputy Secretary (Chief Minister office) & OSD (Anti-corruption cell) le Director/ MIDA akon i/c Director (RD & PR), i/c Director (SIRD) le Deputy Secretary (Chief Minister office) & OSD(Anti-corruption cell), L Geetchandra Singh, MCS, Deputy Secretary 9Art & Culture) le OSD, LRC akon Deputy Secreatry (Art & Culture/Revenue) le OSD, LRC le i/c Director(SLUB) in addition, RK Dayananda, MCS, Joint Director(MAHUD) akon Additional Deputy Commissioner/ Senapati le Project Director/ DRDA, Senapati, Polem Lenin Singh, MCS, Under Secretary(Transport) le OSD/MST akon AC to DC/ Thoubal, H. Sukumar Singh, MCS, AC to DC/ Imphal West akon Under secretary (Transport) le Deputy Director (Transports) in addition, Karam Uma Devi, MCS, Deputy Director (CAF&PD), bdo/Haorangsabal, Md. Ziaur Rahman, MCS SDO/Lilong akon SDO/Lilong le BDO/ Lilong chuleh Bisheshwar Khumukcham, MCS, Adminsitrative Officer(Horticulture & SC) akon Administrative Officer(Horticulture & SC)  le e/o Joint Secretary / State Election Commission ahiu vin ahi.

Northeast state 4 in Rajya Sabha member thah lhenna neiding

Guwahati, Jan 4: Rajya Sabha member 69 ho phat lhing ding ahitolhon a Mizoram, Meghalaya, Manipur le Arunachal Pradesh hon tukum sung a Rajya Sabha member khat cheh lhenna anei diu ahi.

Rajya Sabha member aphat kichai mi 18 chu BJP le mi 17 chu congress ahi. Rajya Sabha Secretariat a kihe dungjui a seat hi aphat kichai sa chule seat 69 hi tukum sung a kichai kit ding pum a Rajya Sabha seat 73 ong dia um ahi.

Aphat kichai ding ho chu Arunachal Pradesh a kon Mukut Mithi, Manipur a kon K Bhabananda Singh, Meghalaya a kon Wansuk Syiem chule Mizoram a kon Ronald Sapa Tlau ahiuvin ama ho thakhel dia maithah jong hung umdoh maithei ding in akilang e.

Member 250 umna Rajya Sabha a hi BJP in member 83, congress in 46 anei ahi in, aphat kichai tampen chu Uttar Pradesh, Maharashtra a mi 7, Tamil Nadu a mi 6, West Bengal le Bihar a mi 5 gel phat kichai dia um ahi.

Hiche ho ban a Andhra Pradesh, Gujarat, Karnataka le Odisha a seat 4 gel, Rajathan le Madhya Pradesh a seat 3 gel, Telangana, Haryana, Jharkhand le Chhattisgarh a seat 2 gel chuleh Uttarakhand le Himachal Pradesh a seat khat gel ong dia um ahi.

Upper House a ahatpen a pang BJP hijongle 2018 le 2019 Lok Sabha election a gollelna anei jeh a agel banglou din aumkit e. Seat 10 a-ong a um Uttar Pradesh gam a BJP vaihom lai ahijeh a BJP a dia kinepna umsun chu ahikit e.

Hinla Rajasthan, Madhya Pradesh, Maharashtra le Jharkhand Lok Sabha a BJP gollel tolhon a Rajya Sabha seat ong ho hi congress a dia kilem din akilang tan ahi.

Gaan ngai kumhei toh kisaiya govt in Zeliangrong nam ho abung khen e tia ZU in ngohna nei

Imphal, Jan 4(UNA):  Zeliangrong Union (Assam, Manipur & Nagaland) in Gaan ngai toh kisai a Zeliangrong mipi te bung khen in BJP makai na government ngohna ahin nei uvin ahi.  Zeliangrong Union (Assam, Manipur & Nagaland) president Amu Kamei in Manipur press club muna thuso miho toh akihou limna a Union in achesa 1995 kum akon a Gaan ngai state level a ahin boipi jing dan u thu tahlang na ana  nei in ahi. Achesa 2011 chan a union in kithopina beihel a hiche kumhei ahin gon jing dan u jong hetsah na anei toh lhon in tunaicha a hiche kumhei politics toh meh beh ding go mi phabep in hiche kumhei mang cha a adei le angai u suh bulhit ding tohgon ahin nei u ahi dan jong Amu Kamei in tahlang na ananei in ahi.

Aman aseibe na a Zeliangrong hi sub tribe 9 kigop khomna ahin hinlah achesa 2018 kum akon a BJP govt in ki bung khen na ahin poh lut toh lhon a hitabang boina ho umdoh ahi dan jong hetsah na an anei in ahi. BJP govt in Gaan ngai man na ding fund ho kiloikhomna neo neo aki phut thah Zeliangrong kibung khen na ding a pan la ho  apeh ji na ho u chung a jong nopmo saah dan u union in tahlang na ahin nei uvin ahi. Tuchung a state govt in Gaan ngai state level a manna ding a Manipur Kabui Union ho nganse na anei hi namsung a muchi phalou tu ahiu vin, MKU hi ipi tabang kiloikhomna ham ti khol masat angai dan jong hetsah na Union in ahin nei uvin ahi.

Gaan ngai kumhei hi Chief Minister ana hi W Nipamacha in general holiday ding a Prof Gangmumei Kamei makai na noi a phondoh na ana nei toh lhon a Zeliangrong pumpi kumhei ding a ana ki gong ahin hitoh lhon a ZU in Zeliangrong pumpi sung a kiloikhomna na lenpen hina jal a hiche kumhei ahin gon peh u ahi dan jong hetsah na ahin nei uvin ahi. MKU chung a state level Gaan ngai kumhei man na ding a tha kipeh doh na thu hi adih ahi le Zeliangrong pumpi in doudal na anei ding dan ule nam sung a boina hung umding dan ho jong phondoh na ZU lamkai pa in ana nei in ahi. Hiche thu toh kisai a Union in Chief Minister ang a memorandum apeh lut tah dan u jong hetsah na ana nei in ahi.

Thangal kailhang Dharamsala a ILP camp kihongdoh

Imphal, Jan 4 (ET) : Imphal khopi sung Dharamsala, Thangal kailhang mun’a tunin ILP Camp khat ana kibol toh lhon’a mi tampi permit kilah ding in anache uvin ahi. Camp hi tuni’a kon Deputy Commissioner, Imphal West vetkolna noi’a akihong in hiche hi ahung lhung ding January nisim 6 chan jingkah nidan 10:00 akipat nilhah lang nidan 6:00 chan kihong ding ahi. Tuni ILP camp kihondoh masatpen nikho ahi na chung chon’a Thangal kailhang leh akimvel’a um Non-Manipuri tamtah in permit kilah ding in anache uvin ahi.

Hiche toh lhon’a Manipur Inner Line Permit guideline Clause No. 4 dungjui in lekha kisuhchet neiho fee lahtoh gom in regular leh temporary permit ho anaphalpeh uvin chuleh regular permit lha 6 changei ding ho chu Dk. 500, temporary a nikho 15 ding in Dk. 100 anasempeh uvin ahi.

CAA kichepi louna state ho a Presidents’ Rule umthei ahi: BJP MP

Hoshangabad, Jan 4 (ANI): Bharatiya Janata Party MP Uday Pratap Singh in Saturday nikhon Citizenship Amendment Act (CAA) doudal a state ho a President’s Rule kikoi thei ahi, tin aseiyin ahi.

“CAA douna neiya state sorkar ho kiladoh a President’s Rule kikoi thei ahi”, tin Singh in aseiyin chule state sorkar hon hiche law hi achepi ding u ahi, ati. CAA kichepi louna gam ho a President in Article 356, Indian Constitution a kipe athaneina amanchah ding ahi, tin aseibe in ahi.

Indian Constitution Article 356 a hi President in hoilai state hijong le dinmun soh ho state sorkar in Constitution provision toh kitoh a avetup joupoi ati a ahileh Union executive leh legislative power alahdoh thei nading tha kipe ahi. Punjab, Chhattisgarh leh Kerala kiti state phabep in CAA kichepi louding ahi, tia nasatah a adoudal u ahi.

Kerala gam hin CAA douna a Assembly a jong kilolna chan aneiyu ahi.