PM Modi in Pathankot airbase vil ding; Pakistan in akitepna abulhit ding’a...

PM Modi in Pathankot airbase vil ding; Pakistan in akitepna abulhit ding’a US in sei

324
0
SHARE

 

Pathankot, Jan 9(Zeenews): Pakistan gam in japi masang chule toukhomna’a thingnoimi ho chomkhenna umlouva Pathankot buluna’a panla themmona neiho gotna peh ding’a kitepna anei hi asuh bulhit phat ahitai, tin US in ngaidan aneiyin ahi.
Thulhut khat in aseina’a chun Punjab gamsung Pathankot airbase kibuluna thilsoh’a themmona neiho douna’a India ‘a kon Pakistan in photchenna angaichat ahi, tin aseiye. Prime Minister Narendra Modi in Pathankot airbase avil in, dinmun vetlhahna aneiyin ahi. Akholjin sung’a PM in Indian Air Force (IAF) personnel base’a umho chule lhang dang’a um sepai ho akimupi ding tahsan ahi.
Chandigarh’a kon kimu police thulhut chun Prime Minister kholjin nading’a security khoutah’a kikoi ahi, ati. Thingnoimi akiselguh aumpoi, ti photchenna ding’a operation hi Army, NSG chule IAF Garud commando hon abol- ahi. Friday nikhon Indian Air Force Station, Pathankot, Punjab in nikho thum sung operation abol jouvun lhang suhtheng ahitai, tin thuphon anei uvin ahi.