PM Modi in GST Bill thu seikhompi ding’a Sonia Gandhi, Manmohan Singh...

PM Modi in GST Bill thu seikhompi ding’a Sonia Gandhi, Manmohan Singh kouna nei

459
0
SHARE

New Delhi, Nov 27 (Zeenews): Thursday nikho’a kipan Parliament Winter Session ‘a Constitution leh asem’a BR Ambedkar thu kiseina ‘a kinelkal na phabep aumin ahi.
Constitution Day chungchang’a nikho 2 special sitting kipat ni’a Home Minister Rajnath Singh in ‘secular’ kiti thucheng hi akimang khel nom peh thucheng ahi, tin aseiyin, athusei hi Congress chief Sonia Gandhi in gangtah in adonbut in, sorkar in kum som’a sim gamsung in achepi ‘principle’ sorkar in hena sa sa’a douna anei ahi, tin demna aneiye.
PM Modi in kouna anei asanpeh jouva Sonia Gandhi in Lok Sabha’a Congress ‘Leader of House akimupi ding ahi. PM Narendra Modi in Congress president Sonia Gandhi leh PM anahi Manmohan Singh tuni nilhah Parliament toukhomna kichai teng cha don khompi ding’a kouna aneiye, tihi ANI in photchenna aneiyin ahi. GST Bill thu aseikhom diu ahi. Naidu in gamsung’a hou leh nam thu’a thunoh baotam umjing ho thu aseiyin, “Koiman ‘secularism’ thudohna anei ahipoi. Home Minister Rajnath Singh thuphon ‘a adihlou ipi um’em?” ati.
“India gamsung hi ahina’a ‘secular’ ahi in, ithisan uva um ahi”, tin aseiye. GST Bill chungchang’a sorkar in Congress akimupi’e, tin Venkaiah Naidu in aseiyin ahi. “Tunileh GST chungchang thu aseidiu ahi in, kinoptona phabep akisem ding tahsan ahi”, ati. Parliament’a athu kiseilha theilou lai GST Bill thu seikhompi ding’a Modi in PM anahi Manmohan Singh, Congress president Sonia Gandhi leh vice president Rahul Gandhi kouna anei ahi. GST chungchang’a Finance Minister Arun Jaitley chung’a kipehna neiding Sonia leh Rahul in anoplou na thu asei jouva kouna anei ahi.