PIA kibulu jouva Hindu Sena hon Lahore-Delhi bus, Samjhauta Express bulu ding’a...

PIA kibulu jouva Hindu Sena hon Lahore-Delhi bus, Samjhauta Express bulu ding’a gihna neiyu

126
0
SHARE

 

New Delhi, Jan 15 (Zeenews): Hindu Sena activist hon Pakistan International Airlines (PIA) office abulu uva asuhset-u nidan phabep jou Thursday nikhon Lahore-Delhi bus service leh Samjhauta Express bulu ding’in gihna anei uvin ahi.
Pakistan in avel vel’a India abulu jeh’a New Delhi in Pakistan toh kiloikhomna sutang tahen, tin thuso anei uvin ahi. Tu naicha Afghanistan gam’a Indian consulate kibulu na thilsoh jong Pakistan gam toh kisaina neiya athu um ahi. Paistan in galguh natoh angah’a, Hafees Sayeed leh Dawood Ibrahim ho amat kah in India in Islamabad khopi toh toukhomna sem dahen, ati.
Thursday nikho’a Hindu Sena activist hon Connought Place’a um PIA office adelkhum uva asuhset-u ahi. Thulhut kimu dungjuiya, pasal 6 PIA office’a lut’a facility sung’a thil kikoi phabep asuhset ahi. Alangkhat’a, police hon thilsoh toh kisaiyin mikhat aman tauve. “Hindu Sena’a pang mikhat akiman tan, hiche kalval tu dinmun’a thuphon dang aineibe thei poi”, tin DCP Jatin Narwal in aseiye. Tu masang chun External Affairs Ministry spokesperson Vikas Swarup in ‘Law enforcement agency hon Delhi khopi’a PIA office bulu ho chung’a action alahding ahi’, tia asei ahi.