Phulahna ngen hita (Nehguh thu’a Ex Union Minister P Chidambaram Jail...

Phulahna ngen hita (Nehguh thu’a Ex Union Minister P Chidambaram Jail a koiteidi ti ti)

290
0
SHARE

Phulahna ngen hita

(Nehguh thu’a Ex Union Minister P Chidambaram Jail a koiteidi ti ti)

                                  Mi bolthei tahtah hojong abolthei nikho u hung kichaijia gucha michom tobang’a ngohna kibol khum’a kiman’a Jail a kikoi loi leh akisel’a gampam’a jam loi aum jing tolhon’a tua Ex Union Minister P Chidambaram jong mat nin aumkit tai. P Chidambaram hi Tamil Nadu a kon Congress MP abolthei tah,  Foreign a lekha anasim lekha themtah, Lawyer (Attorney) khat jong anahi, Centre a Congress  govt vaipohna ana umlaise’a chu Minister Portfolio thupitah tah Finance leh Home ho anatuhji ahi. Tua P Chidambaram kibolna hi achesa 2008 langpeh Finance minister anahilaija dangka Crore 3500 leh Crore 350 to kimatna ‘business’ “INX Media” thua nehguh anabol’e tia Jail a koiteidi ti lung gel hung um anahi. P Chidambaram hin mona aneijin, aneipoi ti chu thuchuom ahitai. CBI leh sum le pai lang’a themmona nei kholna nei ‘Enforcement Directorate’ (ED) hon achungthu kholna anei u ahin Delhi High Court nin ‘Anticipatory Bail’ apehlou phatna Supreme Court a Bail thumna/ngehna anei donbutna um masang’a kiman jeng ahi. Hitobang mi bolthei Politician ho khatvei veileh nehguh chahguh thua bolchah ahung hiji hi Politics a kiphulah tona ahidan muthei ahi. Tamil Nadu Chief Minister anahijing Late Jaya Lalitha jong power a ana umpet lai leh India a aboltheipen anabang jengji chu ahung kheh nikho ana lhun teng nehguh chahguh Case a Jail a ana umji khat ahi. Tamil Nadu Chief Minister anahijing Late Karunadihi  jong  ahatmo ni teng Corruption Case a matna anaumjia Jail analutji ahi. Bihar Chief Minister anahijing leh Centre geija Minister anahiji mi nasatah Laloo Prasad Yadav jong akhehlhah ni ana lhungto kilhon’a Corruption Case a matna ana um’a tugeija kum 14 Jail a hinkho aman dia gotna kipe aneh laitah (Jail a aumlai) ahi. Manipur a Former Chief minister O Ibobi jong chomkhat chu Corruption Case a itihleh ahung kiman’in Jail alutdem ti chu mi tamtah in ana ginmo anahin Manipur High Court nin ‘Anticipatory Bail’ anapeh jeh a matna ana umlou ahi.

            P Chidambaram kibolna hi Union Minister anahilaija  tua Union Home minister Amit Shah Gujarat  Home minister anahipetna Fake encounter thua CBI hon anamat phulahna a Congress hon asei jeng u ahi. BJP honvang phulahna thu umlou, nehguh thua koi hileh kidemloudi ahi ti kichepi ahibouve atiu ahi. Congresss hon jong power a ana umlai uva politics a ana kitopilou u mi bolthei dom ho Corruption Case anabol khum uva anajumso jiu chu tua atu-tu u aneh u tithei ahi. P Chidambaram kibolna hi sei lang lang dih bangjeng, ahia kiphulah tona (political vendetta) ahijong tahsan umtah ahi. Politician hon abolthei pet u, Power achoipet uleh aboltheinau nikho u hung bei thei loudi dan’a agel uva kaboljounai tia anop nop abol u nikho khatleh toljepna a hung kineithei ahidan u mi bolthei ijat hamkhat kibolna’a muthei ahi. Politician ho ipi Case hileh akiman’e kiti sehseh jong hi minsetna leh kijumsona chungnung ahi. Politics a kiphulah tona hihen, hihihleh tua P Chidambaram kibolna a kon chihdohna’a nei aum’in kabol val leh ken jong nikhat  kahin neh thei ahi ti aumnadem ti hi ahi.