Pherzawl leh Noney District kithenso: Pherzawl District hi kivaipoh nopna ding joh’a...

Pherzawl leh Noney District kithenso: Pherzawl District hi kivaipoh nopna ding joh’a kisem ahi tia CM in sei

334
0
SHARE

Pherzawl, Dec 16(DIPR): Chief Minister O. Ibobi Singh in tuni chun Pherzawl district thensona ana neitan ahi. Tuni thenso nakin’a chun Deputy Chief Minister Gaikhangam, I. Hemochandra Singh, Minister Revenue, Forest & Environment, Chaltonlien Amo, MLA Tipaimukh AC, Vungzagin Valte, Parliamentary Secretary ho jong anajao naban uva Churachandpur DC Lunminthang Haokip, Pherzawl DC A. Tombikanta Singh le SP Manimohan Singh ban’a district thah sung’a Key-official le high-level Police Officer ho jong anajoa uvin ahi.
Thenso na kin’a Chief Minister in ahoulimna ah; Pherzawl district hi nam khat ding’a bou akisem ahipon, kivaipoh nop na ding’a kisemjoh ahin chule tuban sotlou kah’a district a ding apoimo Infrastructure ho kikoilutpai ding ahitai ati naban’a Pherzawl district phatea akivaipoh theina ding’a government in department 8 akisemdoh tai ati. Department akisemdoh ho chu ahile DC, SP, CMO, ZEO le adang dang ahi.
Chule thingnoi ho gihna ginglou hel in tuni chun Chief Minister Okram Ibobi Singh in DC Office Noney a ‘Noney’ district thensuona aneiyin ahi. Kingon a chun Dy.CM, Rev. Minister, Hill Area Committee Chairman Chaltolien Amo chuleh official len phabep in pan ala’uvin ahi. Thingnoi ho’a kon gihna aumjeh chun kingon kibol sung chun DC Office le akimvel ho state police in khoutah in ana vengbit in ahi.