Pensioner ho class ni a hopdinga sorkar natoh SC in san peh...

Pensioner ho class ni a hopdinga sorkar natoh SC in san peh talou

192
0
SHARE

Pensioner ho class ni a hopdinga sorkar natoh SC in san peh talou

New Delhi, July 13: Manipur sorkar in pensioner ho class ni a ahop a, retirement kum a khat chule 1996 kum jouva retire ho phatchomna (benefit) peh be dinga memorandum apeh Supreme Court in Saturday nikhon asan peh tapon ahi.

Justice MR Shah leh Justice AS Bopanna panna Bench in Manipur High Court in tu masang a retirement nikho khenchomna umlouva pensioner jouse 1996 kum a pension hotoh kitoh a pension kipe ding ahi, tia thutanna anei atosot uvin ahi. Chule lhathum a dinga pensioner ho arrear apeh diuvin court in thuhilna aneiyin ahi.

Niseh kimanchah a sum alut cheh cheh jeh a state sorkar in 1999 kum a pension hi ana kal sah ahi’in, April 21, 1999 ni a hiche thu a memorandum aso ahi. All Manipur Pensioners Association in memorandum doudalna anei uva January 1, 1996 kum jou a pension ho chule January 1, 1996 masang a pension hojong abon uva class khat a bou um ahi’in, amaho kikhenna nei ho Indian Constitution Article 14 toh kitohlou chule thudih umlou ahi, tia nelkalna aneiyu ahi.

All Manipur Pensioners Association in ngehna anei bench in angailhah peh a, pensioner jouse class khat a um ahiuve, tia court in asei ahi’in, chule thil man akal jing hin 1996 kum masang hihen lang 1996 kum jou hijong le pensioner jouse atohkhah ahi, tin court in aseibe in ahi. “State in dinmun thakhat a um ho pension nikho a akhenchom theilou ding ahi”, ati. Indian Constitution Article 14 a hi dan anga kibang (equality before law) thu kisei ahi’in, court in hiche thu jong asei uvin, kibungkhenna ahi, tin sorkar tohgon chungchang velvetlna aneina a aseiyin ahi.