Pathankot thilsoh toh kisaiya NIA in Gurdaspur SP ‘psychological test’ bol ding

Pathankot thilsoh toh kisaiya NIA in Gurdaspur SP ‘psychological test’ bol ding

193
0
SHARE

 

New Delhi, Jan 21 (Zeenews): Tu naicha Pathankhot airbase kibuluna thilsoh toh kisaiya achesa nikho ni sung’a ‘lie detector test’ kibol’a senior Punjab Police officer Salwinder Singh hi tu’a psychological test bol ding’a asei diu tahsan ahi.
Thursday nikho’a thuson aseina’a chun, Pathankot buluna thilsoh kholna neiya National Investigation Agency (NIA) hon Singh umchan dan hi expert hon psychological test aboldiu adeisah-u ahi, ati. Chule NIA hohin Gurdaspur SP pa psychological leh behavioural profiling’ sem ding’a expert panel jong asemdoh tauve, tin thulhut chun aseibe in ahi.
Chule agency in Salwinder an-hon’a pang (cook) pa Madan Gopal chule sana’a kivei aoipa Rajesh Verma jong ‘lie detector test’ bol ding’a aseiyu ahi. Gopal leh Verma hi anilhon’a achesa December nisim 31 jan’a Pathankot buluna thilsoh’a pang thingnoi hon Salwinder apuimang pet uva umkhom ahiuvin, amani jong akipuimang lah’a panglhon ahi. Thilso pet’a hi Dargarh Punj Peer mun’a kacheu ahi, tia thukholna neiho heng’a aseiyu ahi in, hiche mun’a caretaker Somraj jong NIA hon thudohna aneiyu ahi.
Pathankot Air Force base kibuluna thilsoh’a hin Gurdaspur SP in panlahna aneiye, ti photchenna tuchan geiya NIA hon ima mudoh anei loulaiyu ahi. “NIA hon ama douna ding thil amudoh uva ahileh specialist agency dang dang- Narcotics Control Bureau ho tobang in ama chungchang thu kholna anei diuva NIA in aseikit ding ahi. Ahin, tuchan geiya athusei (statement apeh) ho’a akilhon theilou thil neo cha cha umho tilouva ama douna ding photchenna ima kimudoh loulai ahi”, tin senior Home Ministry official khat in Hindustan Times thuso miho heng’a aseiyin ahi.