Panchayat in bat sah joulou jeh’a ajinu luppi ding’a seiyu

Panchayat in bat sah joulou jeh’a ajinu luppi ding’a seiyu

146
0
SHARE

 

Mumbai, Jan 21 (PTI): Maharashtra gamsung Parbhani district’a caste panchayat’a um pancha 8 in bat (debt) suhtoh nading’a dangka lakh 6 athum peh ding anop lou jouvin, a-inneipi heng’a aluppi diuvin thumna anei uvin, thilsoh hi kidangtah ahi.
Ahin, Maharashtra Andhashraddha Normoolan Samiti (MANS) in pan ala in, nupa teni chung’a boycott akoiyu alahdoh seh-u hilouvin, panchayat jong Thursday nikhon asumang tauvin ahi. Mipa hi Deepak Bhore ahi in, chule amani hi ‘Gondhali’ nam hilhon ahi. Amani hi Selu, Parbhani district, Marathwada mun’a cheng lhon’a kum ni masang’a panchas ho heng’a dangka 9,00,000 loan’a akilah lhon ahi.
Amani’n asei dunguiya dangka lakh 2.50 panchayat ho kalepeh lhon ahitai, ati lhon in, caste body in adang ho suhtheng nading’a dangka lakh 6 athum-u ahi in, hiche hi anoppeh lhon lou jeh’a panchas hon amani nupa hi gamsung’a vet’a akoiyu ahi. Bhore anu sopipa Subhash Ugle in aseina’a chun, panchas ho hunam in Selu’a a-inmun lhon’a Monday nikhon alut uvin Deepak inneipi lamdih loutah in abol uve, ati.
Insung’a thil-le-lo ho alahpeh-u tilouva inmun kot’a chappal (sandal) akhi uva, Bhore te insung hi thet um (outcaste) ahiuve, ti vetsahna’a akhaiyu ahi, tin aseiye. Kajipa in bat asuhtheng joulou ding’a ahile neiluppi diu ahi, tin pancha hon asei uve, tin Deepak inneipi in aseibe in ahi.