Pak thukholna neiho Pathankot airbase’a alutdiu kiphal louding ahi: Manohar Parrikar

Pak thukholna neiho Pathankot airbase’a alutdiu kiphal louding ahi: Manohar Parrikar

138
0
SHARE

 

New Delhi, Jan 17 (Zeenews): Defence Minister Manohar Parrikar in Saturday nikhon Pakistan in 26/11 Mumbai kibuluna thilsoh leh Pathankot Air Force base kibuluna thilsoh chungchang’a pan alah lou hin India lungdehatna asuboiye, tin aseiyin chule vannoiyin hiche jeh’a sohdoh thil hohi kum khat sung’a amudoh diu ahi, ati.
Pathankot kibuluna thilsoh kholna neiya Pakistan investigation team ho Pathankot Air Force base’a kilut sah louding ahi, tinjong Parrikar in aseiye. Buluna thilsoh’a Pakistan gam-mi apang’e, ti hetdoh ahitoh kilhon’a Prime Minister Nawaz Sharif in joint investigation team (JIT) asemdoh ahi. JIT ‘a hi Intelligence Bureau (IB), Inter-Services Intelligence (ISI) chule Military Intelligence (MI) official hojong pang ahiuve.
Achesa January nisim 2 nikho’a khovah lhah masang’a thal-choi Pakistan thingnoimi, Jaish-e-Mohammed kiloikhomna hiding’a ginmo hon Pathankot mun’a um Indian Air Force base ana bulu-u ahi. Indian Intelligence in asei dungjuiya, buluna thilsoh hi Pakistan gam’a Pakistan gam-mi ho gon ahi. Photchenna kimu holah’a ‘voice recording’ chule mibulu ho cell phone number jong pang ahi.