‘Overdraft’ hi state sorkar policy alosap jeh ahi: ACOAM LUP

‘Overdraft’ hi state sorkar policy alosap jeh ahi: ACOAM LUP

49
0
SHARE

‘Overdraft’ hi state sorkar policy alosap jeh ahi: ACOAM LUP

Imphal, June 14(ET): ACOAM Lup Kangleipak in state sorkar ‘overdraft’ ache thu a thuso anei uvin, gamsung in Statehood amu a kon sorkar sem jousen gamsung ‘economy’ semphat ding a mipi heng a kitepna aneijing ahi’in, election seh a political party hon hiche chungchang a kitepna anei jing u ahi, ati.

Industrial policy semphat ding chule gamsung a vaicha genthei ho kithopi ding thu pang jing ahi’in, sorkar in mipi heng a kitepna anei abulhit hinam ti thudohna nei phat ahi, tin asei uvin ahi. Aban ban a kisemdoh a sorkar chule lamkai hon natoh apat houhin gamsung GDP (gross domestic product) atohkhah hinam ti thudohna nei phat ahi. Manipur gamsung hi January 21, 1972 kum a full fledged state hi ahi’in, hiche a kon gamsung in ‘over draft’ boina ato jing ahi, tin ACOAM Lup in aseiyin ahi.

Achesa 1997-1998 kum sung a ‘special status’ kipe a state 10 lah a Manipur gam hin Assam leh Mizoram gam toh ‘overdraft’ leh ‘RBI Ban’ ato ahi’in, sum asuhtheng joulou ding kalval alahdoh jeh ahi. Achesa 1998-1999 kum a Nagaland, Assam leh Mizoram gam panna a Manipur state in ‘overdraft’ anato kit ahi’in, tukum a jong hitobang boina ma umdoh kit ahi. Hiche hin gamsung ichan a atohkhah ding ham ti seikhom a chule sorkar in sum dinmun aphattou nading a itobang pan alah ding ham ti seikhom phat ahi, ati.

State in Ways and Means Advances (WMA) noiya RBI a sum alah thei ahi’in, gamsung in RBI Act 1934 Section 17(5) toh kitoh a ‘credit policy’ aman thei ahi. Sorkar in lhathum sung a WMA a alah bat asah ding ahi. RBI in State Bank of India heng a lekhathot apeh a Manipur sorkar in RBI toh kihet them tona apalkeh jeh a state sorkar ding a kipe sum (payment) jouse SBI in asuhtang ding a asei ahi. State in aphatcha revenue leh tax (kai) adon loujeh ahilouleh akidong sum toh akitohlou aumjeh a hitobang dinmun soh hiding a ACOAM in aseibe in ahi.

State dang tamtah injong ‘overdraft’ jeh a boina ato ahi’in, ahivang a chingthei tah a sum kiman avettup (financial management) thei jeh uva RBI kom a alah u sum asah doh jouvu ahi. Hiche jeh a gamdang in sum dinmun a boina ato lou ahi. State sorkar in itobang pan alahding ham tihi doh ngai ahi’in,chule gamsung sum dinmun machal hinam tijong doh ding ahi. Data dungjuiya Manipur financial status kihetna Gross State Development Income kemsuh ahi. 2010-2011 kum a 10.70 percent hi a, 2013-14 kum a 17.40 percent a kal a ahivang a 2015-16 kum a 7.70 a nemsuh a chule 2017-2018 kum a 7.90 percent hi ahi’in, state policy alolhin lou kimudohna ahi.

Gamsung a lekhathem khangthah tamtah um ahi’in, kivahna ding natoh holna a gamdang a che uva private company ho a na atoh u ahi. Human Resource in Information and Technology sector a um hop 25 hi North East gam a kon khangthah hiu ahi. Revenue sem ding ngaito louva centre heng a fun kithum jing nalai ahi. Sorkar in khangthah ho sum kihol theina ding business leh tohmun asemdoh ngai ahi, tin ACOAM Lup thuso chun aseibe in ahi.