Operation Black Rose: Police leh commando hon Delhi khopi’a um mall chom...

Operation Black Rose: Police leh commando hon Delhi khopi’a um mall chom chom ‘a exercise’ bol-u

390
0
SHARE

 

New Delhi, Dec 30 (Zeenews): Police hon Tuesday jan in khopi sung’a um shopping complex leh mall minthang tah tah ho’a operation abol uvin, hiche hi kum thah masang’a police ho security drill bolna lenpen ahi, tin akiseiyin ahi.
Delhi police hon khopi sung mun chom chom’a ‘mock drill’ abol uvin, NDTV thuson asei dungjuiya, drill kibol hi ‘Operation Black Rose’ tin aminsah uve, ati. Drill hi mall, bazar chule DLF Promenade, Ambience Mall, Vasant Kunj, south Delhi panna’a shopping complex minthang tah tah mun’a abol-u ahi. Mall ho tilouva Palika Bazar, Connaught Place leh Hotel Eros International, Nehru Place ‘a jong abol uvin, anti-terror exercise abol nauva hin amun mun’a um mipi ho apuidoh uvin ahi.
Commando, Delhi Police, Fire Department chule service poimo’a adang dang hon kihoutoh na anei uva abolkhom-u ahi. Hitobang mun ho’a jan nidan 9 pm jouva security kigot dan dinmun vettup nading’a kibol ahi, tin official hon aseiyun, ajeh chu jan nung’a bazaar che’a mi hi nasatah’a aam be ding tahsan ahi, ati. “mock drill bolna ding’a khopi sung’a um police range ‘a joint commissioner jouse hetsahna kinei masa’a, chule operation apumpi hi Special Police Commissioner (Law and Order) vetsuina/makaina noiya kibol ahi”, tin senior police official khat in thuso miho heng’a aseiye. “Kum thah ahunglhun ding toh kilhon’a, kigotna ho suhtup nading’a drill kibol ahi”, tin aseibe in ahi.