Oct 2, 2016 Local news

Oct 2, 2016 Local news

1262
0
SHARE

CBI hon NIT, Manipur Dy. Registrar Doren inmun lonkhum

cbiImphal, Oct 1 (ANI): Central Bureau of Investigation (CBI) hon Saturday nikhon Deputy Registrar, Laikangbam Doren Singh, NIT, Manipur inmun kholna anei uvin ahi.

  Ipijeh’a akhol u ham, ti aseidoh nai pouvin, ahin, hiche hi Institute ‘a staff kilahna leh sum kiman dan (financial irregularities) thu toh kisaiya kingoh ahiding tahsan ahi. Hetthei khat chu, tu masang’a jong thingnoimi kiloikhomna chom chom hon Institute’a sum kiman dan ho thudohna ananeiyu ahi.

  National Institute of Technology Manipur hi centre in fund apeh ahi’in, Technical Education machal nading ahi. Hiche hi Human Resource Development Ministry, India sorkar in athah’a NIT 10 semdoh ding’a alhen holah’a pang ahi.


Student’s Union Election umjouva boina um; eimi simlai ni kitongkha

cc UntitledImphal, October 1 (ET): Tuni nisim 1st Oct 2016 ni in CC Hr Sec School’ah Students’ Union Election um jouvin Gate pam lang’a Election ngah’a koi akai dem tia Tribal students hon result anga jing lai uvin, AMSU volunteer ho ahung’un boina asem’un, khut alha uvin ahi tin simlai kiloikhom Zillai Imphal Block, TSA IMPHAL Branch, JTSU (Hr Sec.School), TSU CC hr Sec School in demna sangtah anei un ahi.

  Kiloikhom hon kituoh tah’a thuphon aneina’ah, hiche kiboina’a chun Hekhua Vaiphei XI Sc leh Jangkhohao Tuboi XII Sc chu nasatah in ana kitongkha lhon’in kijenna mun analhut uve. Jangkhopao chu Raj Medecity Hospital a lhut ahi in nidan 10pm lah chun discharge ahitai. Ahin Henkhua hi tuchan in serious ahi. Ama hi adeh akeh in, anah apom in chuleh anah’a pat thi apot in, akong leh a-op jong na asa in test aki bol in ahi.

  Henkhua hi Thadou Students’ Association Imphal Branch in atoh masa uvin agang thei pen in JNIMS hospital Casualty aga lhut uvin, jen thei chan in ajen uve. Phat chomkhat jouvin MUTSU ahung in kithopi na ahin nei uve, aban in Zillai Imphal Block, ATSUM, DESAM, JTSU (Hr Sec School), TSU CC Hr Sec School, ANSAM ahung uvin Henkhua chu kithopi thei chan in aki tho piuve.

  H. Zuana President Zillai Imphal Block in hiche thilsoh CC school students hilou AMSU Volunter ho chung’a nasatah in demna leh lunglhailouna aphong doh in, School Authority chung jong thiemmo achan in ahi. Hiche thilsoh’a khut lha ho chung’a ni thum sung’a Vaiphei chondan a ngaidam ahin kithum lou uva ahileh simlai kiloikhom in kimoh vet lou ding ahi.

  Goulen Guite, President Thadou Students’ Association Imphal Branch in jong hitia khut lha ho AMSU ho chung’a ipi dia School Students’ Union Election a kikum uva buoina asem uva khut alha’u ham tin demna aneijin ahi.

Thilsoh chu JTSU leh TSU CC hr Sec School in jong demna sangtah aneijin ahi.


Eimi lasathem khat muolliem

joyce vaiphei webImphal, Oct. 1 (ET): Mrs Kim Joycee Vaiphei W/o Kungminlien chun Pa (Mushroom) aneh khiel jeh in janni jingkah chun Shija Hospitals ah anakipolut in, hin damdoh jou talouvin ahikho ana bei tan ahi.

Hetthei chu Joycee hi Zomi Artist Association a member ahin, chule kum bul’a chun ji ananeibep ahi.


Gamsung in ‘International Day of Older Persons’ nit: DIPR

Imphal East Older Day 2 (Web)Imphal, Oct. 1: Senior Citizens’ Forum, Imphal East in Saturday nikhon “The International Day of Older Persons, 2016” kiti kin-gon Dharmalaya Hall, Brahmapur Nahabam, Imphal mun’a amang uvin ahi.

  Kin-gon’a Imphal East sung’a atehpen mi 14 alhengdoh uvin, thilpeh ape uvin ahi. Akilhengdoh ateh pen (oldest persons) ho chu- Yambem Thabal Devi (96) leh Sarangthem Iboton Singh (95), Kshetrigao A/C, Chingakham (O) Motolei Devi (95) leh Salam Gourahari Singh (91), Andro A/C, Wangkheimayum (O) Bhanu Devi (95) leh Takhelchangbam Nganba Sharma (94), Yaiskul A/C, Waribam Purnimashi Devi (93) leh Thingbaijam Kullachandra Singh (93), Heingang A/C, Irom Tampaklei Devi (91) leh Ngangbam Gambhir Singh (91) , Wangkhei A/C, Haorungbam Ramani Devi (92) leh Haobijam Sahadev Singh (92), Khurai A/C, Moirangthem Ahanbi Devi (90) leh Nandeibam Ibobi Singh (91), Thongju Assembly Constituency ahiuve.

  Kin-gon’a lam chom chom’a National Awardees 5 (Imphal East district) jong thilpeh ape uvin ahi. National Awardees hohi- Meghachandra Kongbam (Swarna Kamal Award for Best Film Critic in National Film Award-2015), Cingangbam Nishikanta (National Award to Teachers-2012, Awarded by Department of School Education & Literacy-New Delhi), Pangambam Kunjabihari Singh (National Tourism Award 2014-15, Most Innovative Tour Operator, Awarded by Govt. of India-Ministry of Tourism), Shri Chongtham Deepu Singh (Sahitya Akademy Yuva Puruskar for 2016 on his Book “Torbanduda” Awarded by Sahitya Akademy-New Delhi) chule Thokchom Thouyangba Meitei (Bal Sahitya Puraskar-2015 on his book “Ishusha Pupu Waree Leerage-2011” Awarded by Sahitya Akademy-New Delhi) ahi.

  International Day of Older Persons hi UN General Assembly in achesa October nisim 1, 1991 kum’a phondohna anei ahi’in, hiche jouva kon vannoiyin nikho anit jing ahi.


SHIPS in school festival mang

SHIPS webSADAR HILLS, Oct.1(ET): Tuni chun Songpao-Lhinghat Memorial Higher Secondary School, Salem Sapormeina a SHIPS in school festival amang’un ahi. Kingon a chun Thangjakam Misao, Vice Chairman ADC Sadar Hills Jin-gun in apangin, T.Manihar Singh, Addl.DC Sadar Hills le SR.Robert, Principal, Ideal English Senior Secondary School, Charhajare jin-ja’um le kinneipa in apang lhon’in ahi.

  Tuni kingon chu ‘Celebration of Unity’ thupi noiya kimang ahi. Kingon a chun Sadar Hills Private Schools Association (SHIPS) noiya um themjilna School jousen pan alauvin ahi. Simlai ho’n tuni kingon a chun boltheina aneihou (talent) vetsahna anei’un, Pu le Pa lam ho jong vetsahna ananei’un ahi.

  Tuni kingon a chun Sadar hills gamkai sunga kum somni val jilkunga pangho kipaman thilpeh jong abol’un ahi.

  Jin-gun a pang Thangjakam Misao in kingon a ahoulimna a chun tuni kingon kibol hin ahunglhung ding nikho ho’a thilpha tampi ahinpohlut ding ahi tin aseiyin ahi. Hitobang kingon kibolho hin niseh’a lekhasim bou boipi simlai ho lungthim akicholdosah thei ahi. Hitobang kingon kibol ho hin cultural heritage ineiho’u venbitna ding lampi ahinsemding ahi tin Thangjakam Misao in akinepna aphong’in ahi.

  Addl. DC Sadar Hills le kingon’a houlimna nei ho’n SHIPS chunga apachatnau aphongdoh’un ahi.


State BJP in election strategy akhel ding’a ginchat um

Imphal, Oct 1(ET): Ahunglhung ding Manipur election a BJP in tutu’a vaihom Congress sorkar suhlhah teina ding’a athaneina jouse ahinpohdoh ding ginchat ahitolhon’a Congress sorkar in jong election strategy ahinkhel ding ginchat na lentah aum in ahi.

  Thulhut khat in aseidan in BJP Election Committee Convenor Thounaojam Chaoba, President Ksh Bhavananda, MLA Khumukcham Joykishan le MLA Thongam Bishwajit in tunaicha chun Guwahati a election strategy ana seikhom’uve ati. Amaho cheng hin Sarbananda Sonowal, Hemanta Bishwas Sharma, Ram Madhav chuleh BJP luboh phabep toh kihoulimna aneiding’u ahi.

  Ginchat umtah thulhut khat in aseidan in Manipur sung a um BJP luboh cheng hin politician minthang ho party sunga akailut joulou jeh’uvin party sunga lung opkaina tampi asohdohtai ati. Chuleh state BJP hin ahunglhung ding election a party ticket pehding chungthu a boina atolaitah ahi tin jong thulhut chun aseiye.

  Central luboh phabep in guhthim a thu akholnauva amudoh dungjui’uvin , state BJP in party ticket pehding candidate ahin lhendoh tengle party thaneina kemsuh ding ahi ati’uvin ahi. Ajeh chu party ticket changjoulou jouse in party dang ahin jop ding’u ahi.

  Ahunglhung ding 2017 election a BJP in Guwahati sung’a operation center aneiding ahi tin thulhut chun aseiye. Party ticket deiho jouse Guwahati Operation center in recommend abolding BJP Head Quarter, Delhi in final approval apehding ahi. Operation Center hi Hemanta Bishwas Sharma in atuhding ginchat ahi.

  Ruling MLA phabep in BJP ahin jop ding ham tihi BJP kinepna lentah anahin ahi. Ahinlah tunaicha’a Trinamool Congress MLA li in Congress Party ahinjop phat’uvin BJP luboh chengse lungdon na in abomkhom’uvin ahi. Chuleh “Meeyamgi Thougalloi Manipur” kiti regional political party thah khat kisemdoh jong hi BJP ding a lhohsatna tah khat ahi tin thulhut kimu chun aseiye.


Manipur Judicial Academy sahna ding’a kipe gam akisei masa toh kitohlou

Imphal, Oct. 1(ET): Manipur Judicial Academy sah nading’a Pangei’a gam 19.25 acre tobang gam chu akisei masa gam toh akibang poi, tin thulhut in aseiyin chule Chief Minister Okram Ibobi Singh leh Chief Justice, Manipur High Court in achesa September nisim 28 nikho’a toukhomna aneilhon na’a hiche thu giltah in aseikhom lhon’e, tin thulhut chun aseibe in ahi.

  Hetthei khat chu State PWD heng’a Manipur Judicial Academy 1 phase hi Financial Year masa’a sah nading’a dangka 5.16 crore deposit kibol ahitai. DC in tumasang’a chu gam leiset 31.42 acre hi hetpehna (identify) aneiya, hiche lah’a gam leiset 50 acre tobang hi Manipur Judicial Academy sah nading ahi. Gam leiset 31.42 acre lah’a 28.39 acre hi private patta land ahi’in, 3.03 acre hi state’a ahi.

  Hiche’a ding’a cabinet in Academy sah nading gam leiset choh ding’a Direct Purchase Committee asemdoh ahi.


KSA in member ni nodoh

Thoubal, Oct.1: Kangleipak Students Association (KSA) hon kiloikhomna dan palkeh’a member ni anodoh tauvin ahi. Simlai kiloikhom hon organisation dang dang in amani hi mun apeh louding’a temna jong aneibe uvin ahi.

  Akinodoh simlai teni hi Tekcham Bijesh, Executive Member, KSA Thoubal District Council leh Wangjam Dayaluxmi, Deputy Secretary, KSA, Thoubal District Council ahilhon’e. Simlai teni lheplhah’a koima aumlou nading’a KSA, Thoubal District Council in japi thuhilna aneiyin chule amani hin KSA member ahilhon hi amani phatchomna’a amanchah lhon’a, simlai ho phatchomna ding sang’a amani ding gelkhohna aneijoh lhon ahi, ati. Simlai teni hin organisation document thupi tah tah asuhmang lhon ahi, tin ngohna jong aneiyui.


SUV in Sadar Hills Veteran tournament a panlah na ding a kichuhna panta

SUV players during track suit distribution functions at Saikul Hill TownSADAR HILLS, Oct.1(ET): Saikul United Veteran (SUV) in ahunglhung ding October nisim 4 a kipanding 4th Veteran Sports Meet, 2016 a pan alahdiu tokilhonnin, Home ground, Ngahmun a kichuhna aneipan tauvin ahi. Hitolhon chun tuni chun Kuki Inpi Saikul Gamkai office a player ho track suit hopdohna kingon ana chelhan ahi. SUV hi Veteran sports meet title tampi sang, pehlum peh kiloikhomna khat ahi. Chuleh ahunglhung ding 4th Veteran Sports Meet, 2016 a hi favourite team holah a khat hi’u ahi. 4th Veteran Sports Meet, 2016 hi Sadar Hills District Sports Veteran Association, Manipur in agon ahi.


Ccpur Dist. Super Division League Championship Cup lopna kingon um

ahsijolneng webLien Gangte
Ccpur, Oct. 1 (ET): Ahshijolneng Football Club in Ccpur Dist. Super Division League Championship Cup alah’u toh kilhon in, 1st October, 2016 nikho chun kipapi na kingon aum in ahi. Hiche kingon toh kilhon in, DK Mang, Chief Guest in9 apang in, Functional President in Kamkholal Vaiphei apang in chuleh, Guest of Honour in Lhunchon Chongloi, Secy. CDSA apang in ahi.

  Chuleh, DK Mang, Chief Guest in asei na ah, kichep golseh kiti hi’n imi hi na leh itobang mi ihi na akipo doh in, lamkai ja dan thep ding chuleh, discipline nei ding ahi ati. Football kichep them mi khat ihi leh ithep na mi khat peh son ding ahi ati. Chuleh, nilhah Concert Programmee ah artist chom chom ho’a kon lasah ngailhah na aum in ahi.


Editorial web featured - 200pxNot the political parties but the politicians

  Tribal based organistaions such as the OMTF (Outer Manipur Tribal Forum) and the JAC-AATB have shown their recalcitrance by re-iterating that the social boycott imposed on tribal legislators remains unchanged. This reiteration comes in the wake of two MLAs from Churachanpur district urging their community based organizations to withdraw the boycott announced on them last year. Such obstinacy does not auger well for any reconciliatory move and would make matter worse than solving it. The boycotted tribal MLAs were blamed for letting anti-tribal bills passed unopposed under influence. The MLAs’ plea is that the bills in question are now withheld and so the boycott can be lifted. Though the boycott of tribal MLAs is seemingly enforced in respect of all the tribal MLAs but in reality it is just four MLAs from Churachanpur district who seem to be more targeted. The rest of the tribal MLAs continue to associate and mingle themselves with their communities as usual. The OMTF seems to be dragging the tribal issue on political lines when they say that the Congress party should be boycotted by the tribals for its anti- tribal legislations and communal orientations. The OMTF and the JAC-AATB may remember that it is not the political parties per-se which are anti-tribal or communal in approach but the individual politicians who are responsible for any anti-tribal or communal-tinged activities. The BJP, once considered Hinduism based political party and thriving on communalism has now been accepted as secular as the Congress, considered an all time secular party. It is not the political parties who propagate troubles and do something dirty to divide the people on religions, community, tribalsm, etc. but the politicians who resort to such unethical means to get into power.

  If the tribal MLAs are blamed for not doing what they are supposed to do they should rather be shown the exit way through the ballot and not by denying them the humane part of associating themselves with their own community people. Many believe that the boycott on the tribal MLAs is meant to deny them chance to canvass for the election due very shortly. This could turn counter-productive as a sympathy wave could blow in favour of the boycotted MLAs. It is not to suggest that the boycott on tribal MLAs, if enforced, should be enforced upon all with equal force but it is difficult to understand that while it is strictly enforced on some no restriction of any sort seem to be found imposed on most other MLAs. Political parties should not also be confused with individual policies and behavior of politicians.


*For more news, articles etc. please click “ET IN PDF.”