Numei chapang kisuse 1 nao sumang ding’a achena’a nao athi sa’a nei

Numei chapang kisuse 1 nao sumang ding’a achena’a nao athi sa’a nei

562
0
SHARE

 

New Delhi, Feb 15 (Zeenews): Kum 16 bou hinalai numei khat in Delhi khopi’a um Keshav Puram Metro station’a nao aneiyin, naosen chu athisa ahi.
Times of India thulhut in aseina’a chun, numei chapangnu hi aloi khat in asuhset’a chule clinic ‘a nao sumang ding’a hung ahi, ati. Numeinu hi asuse pa leh aloi khat in ahin kilhonpi ahi, tin police hon aseiyun, metro toilet kom’a kho helouva numeinu thi-mil ahi. “Numei chapang nu hi Keshav Puram Metro station toilet kom’a kho helouva thi-mil’a chule athisan’a long ahi”, tin police hon aseiyui.
“Metro station’a medical staff umhon numei chapang nuhin naosen kisem lhing loulai, lha 5-6 vel hiding hi athisa aso ahi, tihi ahetdoh-u ahi”, tin aseibe uve. Numei chapangnu suse pa Gulshan leh aloipa tuhin police hon aman tauvin, numei suse chule numei puimang (trafficking) in achung’a ngohna asemkhum tauve. “Gulshan hi lha phabep masang’a kakimupi ahi in, natoh kapeh ding nahi, tia hunam’a eisuhset’a, hiche jouva noti’a eipan sah ahi. Nao kavop tia kaseipeh phat’a, nao sumang ding’a eihin pui ahi”, tin numeinun aseiyin ahi.