NPF in portfolio athum be toh kilhon a CM Biren in Delhi...

NPF in portfolio athum be toh kilhon a CM Biren in Delhi a BJP lamkai ho kimupi ding tohgon nei

109
0
SHARE

NPF in portfolio athum be toh kilhon a CM Biren in Delhi a BJP lamkai ho kimupi ding tohgon nei

Imphal, June 27(ET): CM Biren lamkaina sorkar tosot tahlou dinga haina neiya NPP MLA ho BJP lamkaina sorkar a akile kit uhin gamsunga politics a boina aum suhlhap ahi avesah ahi.

Naga People’s Front (NPF) jong tua BJP lamkaina sorkar sem a pang ahi in, amahon jong tua cabinet panmun ni atuh nau chunga khat athum be uvin ahi. NPP le NPF in member 60 umna Manipur assembly a seat 4 cheh anei ahi. NPP hon deputy chief minister le health minister portfolio panna a ministerial panmun 4 atuh uva chule NPF in politics a boina aum masanga BJP lamkaina sorkar a panmun ni atuh ahi.

“Sorkar in kakitah nau chule kakiphal nau le politics aboi sunga kitahna kaneiyu ahet ahi. Hiche jeh a sorkar in keiho party MLA ho portfolio apeh be ding hi kinepna kaneiyu ahi”, tin NPF party worker khat in aseiyin ahi. BJP sunga boina aume ti thulhut jong um ahi in, thulhut dungjuiya party MLA phabep chief minister chunga lunglhai loulai ahi.

Alangkhat a, National People’s Party (NPP) legislator 4 hon sorkar tosot loudinga thulhuhna anei nau alahdoh uva BJP lamkaina sorkar a alut kit utoh kilhon a minister panmun ho alah jom kit u ahi. Amaho portfolio hi Chief Minister N Biren Singh in centre a BJP lamkai hotoh kihouna anei jouteng apeh ding ahi in, hiche jeh a Delhi khopi a Singh kholjin a ache vahding ginchat ahi, tia thulhut in asei ahi.

“Centre a BJP lamkai hotoh kihouna anei jouteng NPP minister ho portfolio peh ding thu a thulhuhna umding ahi”, tia CM Biren Singh in thuso miho henga asei ahi. Achesa une 25 nikho a NPP MLA 4 hon Governor Najma Heptulla akimupi uva, N Biren lamkaina state sorkar tosot kit dinga aseiyu ahi. NPP member hotoh party chief Conrad Sangma chule Assam a senior minister Himanta Biswa Sarma toh kilhon u ahi.

Thulhut dungjuiya, NPP MLA hole party officer bearer hon Friday nikho a kihouna aneiyu ahi in, ahivanga party member hon BJP lamkaina sorkar tosot kit dinga kigel lhahna anei nau chule kinoptona asem ho aseidoh loulaiyu ahi. NPP MLA ho BJP lamkaina coalition government a akile kit vang uva BJP sunga boina thah thah aum thu kisei nalai ahi.

July 1 a kon ‘inter-district passenger service’ kipan tading

Imphal, June 27(ET): Chief Minister Secretariat mun a ‘review meeting’ abol nauva July nisim 1 nikho a kon Covid 19 Lockdown relaxation phabep umsah dinga thulhuhna anei uvin, hiche toh kilhon a July nisim 1 a kon inter-district passenger bus service ho lhai pan ding ahitai.

Tu masanga dukan ho jingkah nidan 5 a kon nilhah nidan 2 chan bou akihon ding kiphal ahi in, July nisim 1 nikho a kon nilhah nidan 5 chan hon thei dinga kilolna anei tauvin ahi. Meeting abol nauva quarantine centre a umho lah a natna kilah to phabep aum tilouva Manipur a tuchan geiya ‘community transmission’ umlou lai ahi, tin jong kichehna anei uvin ahi.

Sample test bol loulai aumpoi, tin meeting a asei uvin chule tuchan geiya sample 49,000 val test kibol ahitai, ati. Ahung lhung ding July nisim 29 nikho a kon train ni chule mi 800 vel kipohna Aeroplane ni gamsung hung lhung ding ahi in, amaho sample test hi hahsa louva kibol theiding ahi, tin aseibe uvin ahi.

Khaokho in Delhi bulu

New Delhi, June 27: Delhi government in tuni a thuso khat abolna achun Delhi khopi sung a Khaokho ahung luttah jeh in district magistrate ho heng ah fire department hotoh kijamat a khoh namun a Pesticide/Insecticide lou kapjeng theiding a kinging sa a um ding in thupeh abol tan ahi. Delhi Minister Gopal Rai in aseina achun Delhi border ah themkhat ahung luttan South leh West district ho a kiginna sangtah aum tan chule dist jouse a authority ho kigingsa aumding in thu akipesoh tai ati.

District magistrate hon a staff ho heng ah hiche khaukho nomang nading a Neem na hal ding, drum ahilou le agingthei thil voh ding ahilou le bombala hal a nomang tei ding in thupeh jong anei tauvin ahi. Government in jong mipi ho heng ah kot leh window ho khatup a chule in kom a anche kitu ho plastic a khu ding in thupeh anei in ahi. Tuni chun khaukho ho chu Gurgaon a sun nidan 11;30 don chun alut tauvin hiche khaukho ho hin aphah na nauva anche ho aha suhset thei lheh uvin Ministry of Agriculture injong Locust Warning Organisation khat jong ana semdoh tauvin ahi.

Thal choi kiloikhom hon state sorkar achou ahi, tia Nagaland Governor in CM Rio henga lekhathot pe

Kohima, June 28: Nagaland gam a ‘law and order’ umdan lungkham jeh a Nagaland Governor RN Ravi in Chief Minister Neiphiu Rio henga lekhathot apeh in, thal choi kiloikhom phabep in state sorkar achou thu dohna aneiyin ahi.

Achesa June nisim 16 ni a HT in athot phengmai li lhing lekhathot a Ravi in thal choi gang hon itidan a ‘extortion racket’ abol a chule mi kichat nading abol uva, state sorkar natong hon avetkol joulou ham, tin aseiyin ahi. “Gang gup val vel in ama ama kiphu sorkar aminpat a, state sorkar achou a, state injong ima abol louham. Hiche hin system tahsan lel na asem ahi”, ati.

Ravi in amin aphah louvanga Centre toh ‘peace talk’ a pang ho thu jong aseiyin ahi. “Dan juiya gamsung miho sum kidon chule thal choi hon boina asem jeh a genthei ahi. Lungngam tah a meithal thahat na avetsah uhin mipi akichat sah ahi”, tin Ravi in aseiyin chule gang hon gamsung lutna mun (entry point) jouse a check gate akihon uva dan dihlouva kai (tax) adon thu jong aseiyin ahi.  Comptroller and Auditor General (CAG) in 2018 report a government department chom chom a kon thal choi gang ho fund tamtah akipehdoh thu asei jong Governor RN Ravi in aseiyin chule extortion case le mi kikaimang na ho thukhol dinga SIT semdoh dinga Chief secretary le director-general of police achesa January lha a thuhilna aum vanga ima akibol lou alunglhai louna thu jong aseibe in ahi.

Thal choi hon reserve forest gam alahbe cheh cheh uva, forest official ho le a insung mite ho jeng jong quarter a kon anodoh nau thu jong aseiyin ahi. Arms Act le Explosive Substance Act noiya um case hohi alhompen a kum 5 jail a koi dinga kisei ahi in, ahivanga themmona neiho ni 5-10 sunga kilhadoh ji ahi. CM henga athu akipohdoh jing vanga action akilah lou thu jong aseiyin ahi.

Hitobang dinmun a ‘law and order’ vetkol nadinga constitution in mopohna eipeh ho limsah louva kakoi thei ahipoi, ati. “State a law and order velvetna nei ding chule angaicha dan sodoh dinga kasei ahi,” ati. Governor lekhathot chungchang a CM office in donbutna anei loulai ahi.

Neiphiu Rio (NDPP) lamkaina Nagaland sorkar hi achesa March 2018 kum a kisem ahi in, coalition government a BJP jong pang ahi. Governor lekhathot toh kisaiya IGP (Range) Lima Sunep Jamir in, “Achesa 2015 kum a kon criminal case agom a 893 kijih lut a, chule thingnoi kiloikhomna chom chom a mi 1,238 chunga Arms Act, Explosives Act, toltha, mi kaimang, sum don toh kisaiya case kijihlut ahitai”, tin aseiyin ahi.

 

Naga te boina hi law and order ahipoi: NSCN-IM

Dimapur, June 27: NSCN-IM  in tuni in Naga political issue hi law and order ahipoi tin hetsah na anei uvin ahi. Thuso miho ang a thuso aneina uva kiloikhomna Ministry of Information and Publicity (MIP) in interlocutor pa in tu dinmun ahi apasal hina le adinmun atuh chah ding dan thu phondoh na anei phat ahi tin hetsah na ahin nei uvin ahi.

Southeast asia a political issue lenpen khat hitobang a law and order problem a gelthei ahi le interlocutor panmun adalhah ngai ahi tin hetsah na anei uvin ahi.

Hitabang interlocutor hin India le Nagate kikah a boina ahin semdoh ding ahi tin jong tahlang na kiloikhomna in ahin nei uvin ahi. Indo-Naga kihou na hi leiset chung a politics boina toh kisai a kihou na saopen le boina saopen ana hi ahin hinlah tuni in India in akitepna ho asuh bulhit jou lou jeh in hitabang in ahung nongkai dan in ahi tin NSCN-IM in hetsah na ahin nei uvin ahi.

Achesa Kum 70 a Naga te in chamna ahin dal utoh lhona govt toh kihou na ahin nei sung uhi gamsung a chamna le lungmonan hung umdoh nap hat ahin, hiche chamna umna chu govt in ahilou lamtah in la in, Naga min a kiloikhomna hung kisem thah doi le tup neilou ho phabep kihou pi in Naga min pu in kinoptona aneipi kigo uvin ahi tin govt amoso na u phondoh na ahin nei uvin ahi.

Naga mite ding a NSCN-IM hi kiloikhomna pilhing pen le Naga mite jouse hopding a natong ahiuvin, kiloikhomna na dang toh kinoptona Naga mite in apom lou hel ding u ahi ti hetsah na ahin nei uvin ahi. NSCN-IM le Indian govt kihou na hi tu channa Prime Minister 6 lam khut a anal hung ahitan ahi. NSCN-IM in asei be na a UNPO (Unrepresented Nations and Peoples Organization) ahin koima gang ahi lou le kiloikhomna nagnse thei lou member ahipon hiche ahi NSCN-IM member ahi toh lhon a kiloikhomna lah a akidin te pi ding umlou dan le Naga mite ding a kiloikhomna dihtah pen ahi dan u tahlang na jong ana nei uvin ahi.

 

Thoubal CQC volunteer Covid-19 positive khat kimupa in akimupi ho hol na natoh chelha pan ta

Imphal, June 27(ET): Thoubal district a um quarantine centre a umho neh le chah sem a pang akipedoh volunteer ho Covid 19 positive ahi akihetdoh jouva gamsung in Saturday nikhon volunteer hon akimupi ho kholna (contact tracing) apan tauvin ahi.

Manipur a COVID 19 volunteer natna kilah son akisei masat na pen ahi. Hiche masanga Covid 19 natna nei khat toh kimuto a (direct contact) medical officer 2 panna a frontline healthcare worker Covid 19 positive ahi kihedoh ahi. Achesa Friday nikho a Covid 19 positive ahi kihedoh a mi 19 holah a Thoubal district mi gamdang a kon hung kile mi 8 le centre a umho neh le chah gon peh a volunteer jong pang ahi.

Official thulhut dungjuiya, volunteer khat hi Thoubal Assembly constituency COVID 19 Aid Committee a active member ahi in, quarantine centre a na atohna a natna akilah hidinga aseiyu ahi. Volunteer ho sample result positive ahi akihetdoh jou jouva ama insung mite jong Thoubal College a ‘quarantine’ ding le test bol dinga achon paiyu ahitai.

Alangkhat a, Bishnupur district hospital a medical officer ni panna a medical staff thum achesa June nisim 22 nikho a covid 19 positive ahi kihedoh ho adam doh tauvin ahi. “Insung mite ho, akimupi hou, neh le chah sem a pang chule isolation ward a June 15 a kon natong a district hospital staff ho sample Friday nikho a alah ujong abon a negative ahi e”, tin Dr L Gojendra Singh, Chief Medical officer, Bishnupur in aseiyin ahi.

Tuchan geiya Manipur a coronavirus case photchenna kinei agom a 1,092 lhing ahitan, hiche lah a active case 660 um ahi. Natna a kon kijen dam mi 432 lhing ahitan, recovery rate jong 36.55 per cent a kal ahitai.

 

Thoubal a CQC a umho neh le chah sem a pang volunteer khat Covid 19 positive hi

Imphal, June 27: Achesa Friday nikho a Coronavirus test akibol na a positive ahi kihedoh mi 19 holah a mi 9 hi Thoubal district mi hi ahi.

Thoubal assembly constituency noiya um Community quarantine centre phabep a neh le chah sem/pe a pang volunteer khat jong Friday ni a positive ahi kihedoh holah a apang in, Thoubal District Hospital Isolation ward a jen dinga apohlut u ahitai.

Natna nei mipa hi ‘Thoubal Assembly Constituency COVID 19 Aid Committee’ a active member ahi, tin thulhut in aseiyin chule mipa hi achesa Thursday nikho a Thoubal district a kon sample kila mi 9 holah a pang ahi. Natna anei hi Friday nikho a photchen hi ahi. Adang mi 8 hohi abon uva gamdang a kon hung kile ahiuvin, amaho lah a kum 4 chapang khat hi Delhi a kon hung kile ahi.

Natna nei volunteer pa hin Thoubal AC noiya um CQC phabep a neh leh chah sem/peh na a pan sangtah alah ahi, tin thulhut in aseiyin chule community quarantine centre a um jouse dinga neh ding an (lunch pack) hi apoh a, table a akoipeh jing ahi, ati. Amatah hin centre a umho atahsa tah a akitohkhah pi louvanga natna akilahson dinga kigin mo na aneijeh a test akibol sah le positive ahi kihedoh ahi.

Covid 19 positive ahi akihetdoh jouva ama insung mite jouse jong tua hi Thoubal College a quarantine abol tauvin chule bol dinga angaicha ho abol pan u ahitai.

India a Covid-19 positive…

77,240 um a, Tamil Nadu a 74622 case um ahi, tin MoHFW in aseiyin ahi. Delhi, Mumbai le Chennai khopi hi India gam a natna kisei khohna pen khopi ho hijing nalai ahi.

Indian Council of Medical Research (ICMR) in asei dungjuiya, June nisim 26 nikho chan a agom a sample 79,96,707 test kibol ahitan, June nisim 26 nikho a bou test kibol doh jat sample hi 2,20,479 ahi. Union Health Minister Dr Harsh Vardhan in Saturday nikho a Covid 19 recovery rate jong akal in, 58 percent aval tan chule mi lakh 3 val natna a kon kijen dam a, hospital a kon discharged kibol ahitai, tin aseiyin ahi.

“Recovery rate jong 58 percent chunglang a akal tan, natna nei mi lakh 5 holah a lakh 3 vel hi natna a kon damdoh ahitai. Adang hojong dam ding dinmun chule inn kile thei dinga um ahi”, tin Dr Harsh Vardhan in aseiyin ahi. “Natna nei 85 percent hi state le union territory 8 a kon ahi in, chule natna jeh a thi hop 87 jong hi akisei gam 8 a kon hiu ahi”, ati.

“Natna jeh a thi (mortality rate) hi 3 percent anaiyin, hiche hi lhomcha bou hi ahi. Doubling rate jong kemsuh ahi”, tin Dr. Harsh Vardhan in aseiyin ahi. Testing facility jong tam cheh cheh a, phatsahna kipe lab 1,026 a Friday nikho a bou agom a test 2,30,000 val kibol ahi, tin aseibe in ahi.

 

State sorkar in December 2019 a kon ahop doh loulai anchang le thil dang dang ho apehdoh dinga Manipur High Court in thuhilna pe

Imphal, June 27(ET): State sorkar in National Food Security Act 2013 (NFSA) le Supplementary Rules 2017 noiya kipe ho ajui ding chule December 2019 a kon anchang le thil dang dang hop ding ahop loulai uho aganna thei pen a apehdoh diuvin Manipur High Court in thuhilna aneiyin ahi.

Chief Justice Ramalingam Sudhakar le Justice Ahanthem Bimol panna Double bench in Central government scheme ho state sorkar in abulhit poi, tia Kwakeithel, Imphal a cheng Thokchom Premlata Devi in PIL asem thu angailhahna a asei ahi.

Petitioner in survey abol Anganwadi centre 25 in naovop numei, nao vah lai nupi chule chapang 14 noilang ho panna a achang ding lom beneficiary ho peh dinga kitepna neh leh chah chule nutrition supplement ho ape pon chule state sorkar in December 2019 a kon hiche centre ho a pehding ‘quota’ ape poi, tia asei ahi.

State sorkar in beneficiary ho apeh ding dol apeh joulou vanga ‘no food security allowance’ apeh lou ahi, ati. The Ministry of Women & Child Development, India government in nisim 30.03.2020 ni a state hon Covid 19 boi sunga jong Anganwadi centre ho a guidelines jouse jui pum a beneficiary ho peh ding dol ho apeh diuva Principal secretary/secretary ho thuhilna lekhathot apeh jong Court in hetpehna aneiyin ahi.

Court in thutanna anei na a, state sorkar in December 2019 a kon peh ding dol akipe loulai ho aganna thei pen a order asodoh ding, ahiloule apeh jou tah louva ahi jong le ‘no food security allowance’ apeh dinga asei ahi.

 

Khamnathei a kivei mi 3 Commando hon mandoh

Imphal, June 27 (ET): Kakching Commando in tunin Tengnoupal District hopsung Kambang Khounou akon (L) Koinai Maring chapa Ch Leithil Maring (35) loinu tu leh tu’a Pallel Lai Chingthokpham a cheng Charaga Shangkhu (32) leh Langkham Maring loinu Marim Tete Maring (29) inn mun’a brown sugar 63 gram leh khamnathei ajoh na sum Dk. 63,700 toh tunin anamat tha uvin ahi. Hiche toh lhon’a mat’a um teni chu Tengnoupal PS mun’a kholchil na nei ding in anapelut tauvin ahi.

Alangkhat’a achesa June nisim 28 nikho nilhah lam nidan 5:00 vel in Thoubal Commando hon Ningombam Laxmi Bazar akon SM Islaoddin chapa Singamayum Amirkhan (27) heng’a Heroin powder 10.65 gram anakiman doh in ahi tin PRO Cell Police Department akon thulhut kimu chun aseiyin ahi. Chuleh matdoh’a um pa achung thu kholchil na nei ding in Thoubal PS heng’a analut tauvin ahi.

 

QC a umhon Social distancing dan kituptah a ajui diu ahi: Minister Nemcha Kipgen

Kpi, June 27 (UNA): Kangpokpi district sung a Institutional Quarantine Centre chom chom a umho Covid-19 natna bailah tah a akilahson utoh lhon in tuni chun Social Welfare and Cooperation Minister Nemcha Kipgen panlahna in review meeting anei uvin hiche kin achun DM/DC Kangpokpi, Somorjit Salam, IAS; Vice Chairman, ADC Sadar Hills, Thangjakam Misao; ADM/ADC Kangpokpi Lalramsang Infimate, MCS; AC to DC Kangpokpi, Kaigoulal Kipgen, MCS; CMO Kangpokpi, Dr. Nilakanta Singh; Addl.SP (Ops), Kangpokpi, Lalminlen Misao, MPS; SDOs, District Hospital a Medical Superintendent chule MOs, DSO, RRT official ho PHED, MSPDCL, PWD leh DLO hon pan ala uvin ahi. Meeting na achun QC sung a umhon bailam tah a natna akilahson uhi ipilo a phaham ti ngaidan atohkhom uvin seikhomna anei uvin ahi.

Minister nu in aseina achun alampi tamtah umjong leh ahithei chan a social distancing dan ajui uhi athupi pen ahi ati. Aseibe na achun mun chom a QC aumho vetsui theitah  seikham aum uvin amauhon social distancing kitup tah in ajui uvin amau a ding a asun ajan a natong ho asugenthei puouve ati. Hiche tobang inmate ho chu kipapi umtah ahiuvin ama ama natoh ding kihet a chule hiche natna hi gelkhoh a eima kiventup dan thepding hi athupipen ahi ati. Asung a umhon IQC guideline ho ajuilou ule lhakhat lang chan jong umthei ahiuvin hiche ho boina jouse umlou nading a chu dan kipe ho kituptah a juiding ahi ati.

Aseibena achun munchom akon hunglut thah ho Institutional Quarantine Centre a numei le pasal kikoi khom talou ding chule Saikul leh Saitu area a IQC kibol ho jong kilahdoh ding in asei in chule District Headquarter leh akimlah umhon bou abol ding hiche hi kitup jo leh phasel a vetkol theina ding a kibol ahi ati. Ahinlah Saitu area a um EMRS Gamnom Saparmaina chu vanleng a hung ho ding a reserved kibol ding ahi in chule apoimo leh Saikul leh Saitu sung a ho jong kithah hon kitding ahi ati. District Headquarters a kailhang a juiding dan akisemtup phatleh district police hon kituptah a avetsui ding u ahi ati.

Haosa le lamkai ho chung’a demand kibol UZO in demna nei

Ccpur,  June 27: Achesa June nisim 26 nikho a ZRA cadre Kaisuan le aloi hon V Bethel mun a Haosapu le United Zou Organisation lamkai ho  don le kai thu a gihna ana neina chung uva  UZO in hatah in demna anei uvin ahi.

Kiloikhomna in UZO lamkai ho le haosa hochung a kaile don thu a achesa April nisim 4 nikho a thuso ana nei u ahitah dan jong tahlang na ahin nei uvin ahi.  Tuibong a achesa Febuary nisim 29 nikho a kihou na dungjui a UZO hi koima toh kijop na nei lou chuleh general headquarter Zoveng hetpeh na lou a koiman don le kai abol thei louding a kilolna anakinei ahitan ahi.  Hitobang thuso kinei nahsah lou a hitobang natoh ho lamkai hochung a ahung kinei jing le UZO in mipi toh kitho a kiphinna anei ding dan jong hetsah na ahin nei uvin ahi.