Nikhotha lo 2 kitha toh kisaiya kiphinna um; police special cell chom...

Nikhotha lo 2 kitha toh kisaiya kiphinna um; police special cell chom agon diuva thumna um

207
0
SHARE

Imphal, Jan 31: Suspension of Operation sorkar toh sem’a thingnoimi ho kikaptona’a natong mi nit hi jeh in gamsung’a natong ho (working class) ho sangtah in alunghang uvin, Khwairamband Keithel, Imphal khopi’a toumun kiphinna abol uvin ahi.
Maoist Communist Party Manipur panna’a natong community chom chom in natong ho kigimbol’a kitha thu jeh in gihna thuso phabep anei uvin, kiloikhomna thum- KEDO, Workers’ Union, Manipur leh LOUSALin Khwairamband Keithel Samu Makhong mun’a toumun kiphinna abol uvin, natong ho venna apeh diuvin thumna anei uvin ahi.
Vice-president, Workers Union Manipur, Dr Laishram Joyprakash Singh in thuso miho heng’a state sorkar in natong ho kikaimang na, sorkar natong ho sum thumna ding’a thal-choi hon akaimang thu’a state police force special cell asem diuvin ngehna aneiyin chule natong akithat ahilouleh akikaimang thu’a society tamtah thipbeh’a aumhi lunglhai umlou tah ahi, tin aseiye.
“Simlai, sorkar natong ahilouleh civil scoeity member khat tou akikaimang’a ahileh kiphinna phabep aumin, ahin, natong (worker) neo ho akitha ahilouleh akipuimang’a ahileh demna thu seiding jeng injong koima kiloikhomna in pan alapoi”, tin Joyprakash in aseibe in ahi. CSO ho tuchung thipbeh’a aumlou nading uvin ngehna aneiyin chule Moulsohoi kho, Ukhrul district’a achesa January nisim 28 nikho’a natong (nikhotha lo) mi ni kitha thu’a kisemdoh JAC in pan alah na jouse atosot diuvin kouna aneibe uvin ahi.