NDIA SUNGA JAT LE NAM LENHO – By Helun Elson Haokip (Dec....

NDIA SUNGA JAT LE NAM LENHO – By Helun Elson Haokip (Dec. 4, 2015)

268
0
SHARE

India hi vannoija mi tamnapen gam ani channa (second most populous country – China bantah a) ahin, agam let (Area) langa vang hin asagi channa (seventh largest country) in apang in ahi. India sanga area lenjo gamho chu – Russia (Russian Federation), Canada, China, United States of America (USA), Brazil chuleh Australia ho hi ahiuve. Hiche in avetsah chu India gam’a hi mi tamval (chengphival) behseh ahitai tina ahi. Hijeh chun kum 10 jou seha mi hung kisimna jong akivet leh mihem nasa tah in apung tan ahi. India gam’a misimna nunungpen kibolna 2011 kum a mijat chu 1.21 billion (121 crore) alhing tan, hiche dungjuija chu tupet tichu 2015 kum’a dia estimate akibol leh mihem 1.26 billion (126 crore) tivel hiding tina ahitai. Hiche laha Jat/Nam lenpen leh min ahathopen pao chu Hindi hi ahin, 2015 estimate dungjuijin Hindi pao mother tongue a nei mihem hi 400 million tivel ahitai. Hiche in avetsah chu India gam’a mihem hop thum a hop khat hin Hindi hi ama paova aman u tina ahi. India sunglanga Hindi pao hachena ho chu adeha North India langa ‘Hindi Heart-land’ state ho – Uttar Pradesh, Madhya Pradesh, Bihar, Rajasthan, Haryana, Delhi, Uttarkhand ho hi ahiuvin, chuleh adang phabep a jong Hindi ama paova mang mihem tamtah aum uvin ahi. Arunachal Pradesh khu Hindi jatmi aumlou vang in, agamsunga common language khat aumthei lou jeh in Hindi pao hi state Official Language in amang un ahi. Chuban in state dangho laha Maharashtra, West Bengal, Jharkhand, Chhattisgarh, Goa, Gujarat, Himachal Pradesh, etc. ho a jong Hindi hi pao kimangpen khat ahijou vin ahi. Pao popular dangho leh akihathona state ho chu – Bengali or Bangla (West Bengal, Bangladesh, Tripura and Andaman & Nicobar Islands), Telegu (Andhra Pradesh & Telengana), Marathi (Maharashtra, Goa, Dadra and Nagar Haveli & Daman and Diu), Tamil ( Tamil Nadu, North Eastern Sri Lanka, Puducherry & Andaman & Nicobar Islands), Urdu (Pakistan, Andhra Pradesh, Delhi, Jammu & Kashmir, Uttar Pradesh and Bihar), Gujarati (Gujarat, Daman and Diu and Dadra & Nagar Haveli), Kannada (Karnataka), Malayalam (Kerala and Lakshadweep Islands), Odia or Oriya (Odisha or Orissa), Punjabi (Punjab, Haryana, Delhi, Chandigarh Union Territory and Pakistan), Assamese or Asom/Asomiya (Assam), Maithili (Bihar), Santhali (Santhal tribals of the Chhota Nagpur Plateau, comprising the states of Bihar, Chhattisgarh, Jharkhand and Odisha), Kashmiri (Jammu & Kashmir), Nepali (Nepal, Bhutan, Sikkim, north eastern part of West Bengal and scattered in small numbers in different parts of the North Eastern States), Sindhi (Sindhi community in different parts of western India), Konkani (Goa, Karnataka, Maharashtra and Kerala), Dogri (Jammu & Kashmir), Meitei or Manipuri ( Manipur, pockets of settlements in Assam and Tripura), Bodo (north western part of Assam) ahiuvin, chuleh Sanskrit vang hi India te classical language khat ahin, tuhin Sanskrit pao thothei mihem 15,000 (sangsom le sang-nga) tivel bou ahitan, chuleh English vang hi India sung mun chom chom ah akihaman lheh in, hiche pao mother tongue a nei Sapte jat Anglo-Indian ho jong mi phabep acheng jing un ahi. Hiche ho sese hi 8th Scheduled of the Constitution of India a kipansah pao ho chu ahiuve. Hiche ho banna jat le nam lenpen ho chu tupet a amijat toh estimate kibol chu noija bang hi ahije: Khandeshi (2.64 million), Khasi (1.62 million), Mundari (1.15 million), Ho (1.12 million), Kui/Kuy/Kuinga (1.08 million), Garo (9.32 Lakh), Kokborok (9.10 Lakh), Mizo (8.62 Lakh), Halabi (6.50 Lakh), Korku (6.22 Lakh), Munda (5.60 Lakh), Mishing (4.82 Lakh), Karbi or Mikir (4.36 Lakh), Saurashtra (3.68 Lakh), Savara (3.28 Lakh), Koya (3.16 Lakh), Kharia (3.04 Lakh), Khond or Kondh (2.52 Lakh), Thado or Thadou (2.28 Lakh), English (2.18 Lakh), Nishi (2.14 Lakh), Ao (2.12 Lakh), Sema (2.05 Lakh), Kisan (1.93 Lakh), Adi (1.76 Lakh), Rabha (1.62 Lakh), Konyak (1.56 Lakh), Malto (1.25 Lakh), Tangkhul (1.24 Lakh) chuleh adangho chu – Dimasa (Kachari), Bhili, Gondi, Tulu, Kurukh, Angami, Halbi, Pali, etc. ho hi ahiuve. Hiche ho jouse ban in jat le nam neo chacha tamtah jong aum in ahi. Thadou te hi year book khat a chun 2001 census dungjuijin, mijat 190,000 val jep aum in, chuleh Kuki kiti hi 1991 census dungjuijin India sunga hin 45,000 tobang bou anahije. Ahin Manipur state a Any Kuki athahbeha recognize ahung kibol phat a tua Manipur leh sah solam India sunga tribe dia Kuki kisut ho jat estimate chu 85,000 tobang hintin, hichu Manipur, Assam leh Nagaland state hoa hin acheng un ahi. Hinlah Year Book chom chom ho leh lekhabu dangho a population kipeh dan akibang pon, Thadou-Kukite hihen lang nam dangho hijong leh hijat mong ahiuve tia sei ding ahahsatna aum in ahi. India sunga hin Thadou leh Kuki hi atum tum’a akisim vang in, pao khat tho ahijeh un, Thadou-Kuki tia akigopkhom leh mijat hi lakh thum (3 Lakh) valjep hiding in estimate akibol in, hichea hi Myanmar a Kuki ho kisimtha loulai ahije. Hijeh chun Thadou-Kuki hi India sunga major tribal community khat a seithei chu ahithouvin ahi.