Narendra Modi in Cabinet semphatna aneiding tahsan um; Arun Jaitley in defence...

Narendra Modi in Cabinet semphatna aneiding tahsan um; Arun Jaitley in defence tuh maithei

159
0
SHARE

 

New Delhi, Jan 22 (Reuters): Prime Minister Narendra Modi in economic semphat nading leh critics ho suh lunglhai nading’a ama lamkaina noiya mopohna ho akhel maithei ding’in senior government ho’a kon kimu thulhut in aseiyin ahi.
Sorkar in economic lampang’a khantou machalna lentah aneiyin, ahin, tax leh land reform chungchang thu’a lolhinna aneilou ahi. Ahunglhung ding 2017 kum leh Uttar Pradesh gam’a Bharatiya Janata Party (BJP) ding’a thupi tah gamsung election umding ahi in, 2019 kum’a thunei vaihomna tuhding adeiya ahileh Uttar Pradesh election’a goljona aneiyu ngaiya ahi. “Modi in thepna thah thah aholdoh’a sorkar sung’a kikhelna apohlut angaiye. Tu’a hi aboldoh joulouva ahileh vaigei ding ahi”, tin newspaper editor leh commentator Shekhar Gupta in aseiyin ahi.
Uttar Pradesh gam’a goljo ding deisah najal’a Modi in BJP president ding’a Amit Shah tuhjom sah ding’a lunggel anei ahi, tin thulhut chun aseiye. Ahin, Modi thuthot (message) ho vannoi gamdang dang’a um investor ho heng’a polhung’a Finance Minister Arun Jaitley panmun hi defence’a kikhel maithei ahi in, February lha kichaiya budget apeh jouteng tohmun kikhel ding’in thulhut in aseiyin ahi. Jaitley (63) in tax reform chungchang’a lolhinna leh tha anei joulou jeh’a India gamsung’a um USD 2 trillion economy chung’a avaihom na’a critics hon themmo achan nau mun phabep um ahi. India economy hi sangtah in amachal vang’a, lhing joulou lai ahi.