Naonei khat in thina atojeh a JNIMS a boina um; Doctor nu...

Naonei khat in thina atojeh a JNIMS a boina um; Doctor nu suspend kibol, license kah peh dinga JAC in thumna nei Framework Agreement lolhin na ding agamlha tapoi tia Rh Raising in sei

975
0
SHARE

Naonei khat in thina atojeh a JNIMS a boina um; Doctor nu suspend kibol, license kah peh dinga JAC in thumna nei

Imphal Aug 14(ET): Damlou khat athi jeh a lunghang damlou nung hinjui hon consultant doctor suspend bol dinga thumna anei uvin, JNIMS hospital anokhum uvin ahi.

Lunghang tah a kikhom mipi ho amun a um police hon tear gas amang uvin ano uvin mi 8 jong ana kisukhan ahi. Tuni jinhkah thilsoh ahi’in, Sekta Makha Leikai a cheng Wakambam Ongbi Devita (24), w/o W Johnson athi jeh a boina soh ahi. Achesa July nisim 8 nikho a Devita hospital a admit ahi’in, July nisim 10 nikho a lolhingtah a operation abol uva ahivanga ajunthah aboi jeh a July 12 nikho a ICU a akoiyu ahi.

Alel cheh cheh jeh a MS office mun a Dr Memi, Medical Superintendent, Director, HOD, Gynecology toh local club member hon meeting ananeiyu ahi. W Devita thi thu a kisemdoh JAC Executive Hidam Suresh in Dr Memi anatohna a kon nodoh ding chule hitobang thilsoh khonung a aumkit louna dinga licence suhmang (cancel) peh dinga thumna anei uvin ahi. Chule government hospital a natong doctor hon private hospital a na atohthei louna ding sorkar in dan asem dinga jong thumna aneibe uvin ahi.

JAC in thumna anei hou abulhit kahse uva Devita thilong lahlou dinga kilolna anei uvin ahi. Thumna anei hou leh memorandum Chief Minister henga apelut tauvin ahi.

Alangkhat a Link Commissioner, Health & Family Welfare, Manipur sorkar in order asodoh na’a Dr Tensubam Nimmi, Senior Resident (Obst & Gynae) JNIMS suspend abol uvin ahi. Athi numeinu hi Dr Nimmi vetkolna noiya JNIMS hospital a admit abol u ahi. Dr Memi in anajen Sekta a damlou khat jong achesa May 13 nikho a athi jeh a hiche thu a court a kihehna aneijing lai ahi.

Framework Agreement lolhin na ding agamlha tapoi tia Rh Raising in sei

Dimapur, Aug 14:  NSCN-IM in Hebron camp’a, 73 channa Naga Independence Day aman toh lhon in, NSCN-IM Steering Committee, convenor Rh Raising in Framework Agreement lolhin na ding hi, among bou avat tai tia asei in ahi. Rh Raising in, hahsat na tamtah aki thoh jou nunga Framework Agreement hi lolhing ding kon cha ahitan, agei ahilouleh among themkhat bou suhtup ding vat ahitan tuhin nasatah in velvet na akinei laitah ahi, ati. Naga ten chanvou anei holeh security aum thei na dia pan kila ahin,  India leh Naga ho kikah’a gam kikeh so louva boina, emacha umlouding, kivaipohna achom’a umding, hijongleh chamna le lungmon na joh in vai ahop ding ahi, Framework Agreement  a konna hi Naga le India hi chengkhom thei ahin, NSCN-IM leh Government of India in ‘unique history of the Nagas’ jalla kihouna umpan ahin, Naga khanglui thusim hi jat chombeh ahin, Naga te kipumkhat na ding hi amite khutna kingam ahi,tin jong aseibei.

Jin gun na pang NSCN-IM Chairman, Q Tuccu in Naga ho hi Indo-Naga political issue suhlhap na dia achaina geiya kipumkhatna pan kila ding ahi tin aseiye. Aman, achesa Kum 72  masanga chun, August nisim 14, 1947, nikho hi  epu-pa teo vin Naga national independence nikho in anit uvin,  hinla kum 1951 a konna hi kivai pohna hung kikhel kha ahin, hijongle Naga nam mite vang achen na mun cheh a lungtup khat nei pum’a cheng soh kei ahiuve ati.

Kin na chun, nam laam leh pu la pala jatchom chom avetsah un, Naga Hoho, Naga Students’ Federation (NSF), Naga Mothers’ Assciation (NMA), Eastern Naga People’s Organisation (ENPO) leh kiloilhoma chom chom’a konna lamkai hon pan ala uvin ahi.