Nampi Taona Nikho’

Nampi Taona Nikho’

476
0
SHARE

Imphal, Sept. 19 (ET): Kuki Inpi Manipur’a kuon thuphon kimu’n aseina’ah, achesa date 17th September 2016 (Saturday) nikho in Kuki Inpi Manipur (KIM) lamkaiho le Hou kiloikhomna chom chom lamkai ho (church leaders) kihoukhomna Kuki Inn ah akineiyin, 2017 a pat in kum seh leh April lhasung’a Sunday (Pathenni) anu khahpen nikho hi ‘Kuki Nampi Taona Nikho’ in Houbung jouse in kimang cheh hen tin lungkhat tah in kiphatsahna akinei tan ahi. Ahung lhung ding Assembly Election 2017 hi mipin ama deicheh kilhen hen chuleh ‘Free and Fair’ election umna ding in Kuki Inpi Manipur (KIM), All Manipur Christian Organisation (AMCO) & Kuki Christian Leaders Fellowship (KCLF) lamkai hon pan lahkhom din kiphatsahna jong aki neitan ahi. Chuleh, Hou lamkai jousen ama ama houbung cheh a jong Christian chondan toh kitoh’a “Free & Fair” election umthei nading a houbung member jouse kom’a alhangsap cheh ding uvin jong phatsah na akineitai, ti’n Shokholun Mate, Lhangsam, KIM a kuon lekhathot kimu’n aseiye.