Naga hon Christmas tilpeh in CAA imuvin, New Year thilpeh in AFSPA...

Naga hon Christmas tilpeh in CAA imuvin, New Year thilpeh in AFSPA imuve tia Nagaland CM lui TR Zeliang in sei

184
0
SHARE

Naga hon Christmas tilpeh in CAA imuvin, New Year thilpeh in AFSPA imuve tia TR Zeliang in sei

 

Dimapur, Jan 4: Opposition lamkai le chief minister lui TR Zeliang in Naga hon peace accord khel in  Christmas thilpeh in Citizenship (Amendment) Act, 2019 imu uvin tuhin kumthah thilpeh in AFSPA lha 6 sung kikoibe imu kit tauve, ati.

Centre in Nagaland gamsung a Armed Forces (Special Powers) Act lha 6 sung a dia akoibe tolhon in mipi le political party lunggel nasatah in asuh noh phah tan ahi.  Centre in Nagaland gam a AFSPA hi December 30 nia lha 6 chan koibe dia thuso abol ahi.

Hetding chu AFSPA dannoi a hi hetsah masat umlou a anopna mun a security hon ginmo anei taphot chu amat a akholthei ahi.  Hitia lha 6 sung koibe ahitolhon in Naga Hoho, Naga Mothers Association (NMA), Naga Students’ Federation (NSF) le Nagaland Tribes Council (NTC) hon alunglhai lou nao jong aphondoh ahitai.

Opposition lamkai le chief minister lui TR Zeliang in Naga hon peace accord khel in  Christmas thilpeh in Citizenship (Amendment) Act, 2019 imu uvin tuhin kumthah thilpeh in AFSPA lha 6 sung kikoibe imu kit tauve, ati.

Naga Hoho general secretary K Elu Ndang in tu khang a dia AFSPA dan hi manchah thei ahitapoi, hiche dan hi kho hephalou ho suh kichatna joh a manchah khat in apang jo in, vannoi a democracy gam lenpen a kihe India umding dol a aum ngai ahi, ati.

NMA president Abei-u Meru in asei na ah Nagaland a AFSPA kikoibe hi security force ho lunghol na tilou adang sei mat pi ding kahe poi, ati.

Chuleh NSF media cell in jong AFSPA kikoibe chung chang demna thuphon abol ban in vannoi in chamdel a khosa a ahet Nagaland gam hi centre tohgon a kon gam boina mun asohdoh in, dan le thupeh suhtup nading hilou in Naga mipi kinepna suh molphou nading a kikoi ahi in chule state boipi ding thil a centre akikumlut jong hilchen ding in ngehna jong aneiye. Mihem thaneina suse AFSPA dan hi agangthei pen a centre in avelvet angai e tin NSF chun aseiye.

NTC general secretary Nribemo Ngullie in centre thilbol le tohgon hin mihem lunggel akicholsah thei tapon mipi sugenthei lou a GoI in AFSPA hi asem toh loi  angai e, ati.

_Eimi Times_

@Copyright