MU VC AP Pandey apanmun a kon akilahdoh nadinga MHRD in President...

MU VC AP Pandey apanmun a kon akilahdoh nadinga MHRD in President phatsahna thum Dec 2020 kah a Secretariat complex kisachai ding ahi: Th. Biswajit Police hon bandh bolho atosot e, tia ngohna CM in pomlou Act East Policy abulhin nadinga khantou machalna project chom chom kichepi ahi tia Chief Minster N Biren in sei Sorkar in ROP chepi nadinga thumna asan loule JAC-AMASEO in thi chan geiya kiphinna bol dinga gihna nei CDPSA Secretary tha ding’a kigih nachung’a Feb. 21 akon Private School jouse khah ding Arjuna award anasang leh National Hockey team Captaion Waikhom Surjalata in ajipa chung’a hehna sem Horticulture department in Delhi a joh ding thing thot; Dubai khopi a um company henga thing thot dinga kigotna neiyu Ccpur a Doctor khat demand kibol toh kisaiya LTT Cadre khat kimankit CoHSEM in Class XI exam vohai ta Education department in COVID-19 thu’a simlai ho hetsah ding a thupeh nei

193
0
SHARE

MU VC AP Pandey apanmun a kon akilahdoh nadinga MHRD in President phatsahna thum

Imphal, Feb 19(ET): Ministry of Human Resource Development in adihlou bol a kingoh Vice-Chancellor Prof. Adya Prasad Pandey lahdoh dinga phalna athum toh kilhon a Manipur University a full-time Vice Chancellor umthei ding dinmun a aumtai, tin athu he a government official hon asei uvin ahi.

Manipur University hi achesa October nisim 11, 2018 a kon Administrator kivaipoh na noiya Manipur High Court thutanna dungjuiya kipo ahi. Prof Pandey chungchang thu akikhol a suspension a akikoi jouva Administrator a kipo pan ahi.

Amandeep Shukla in in Hindustan Times a report ajihna a, Union Human Resource Development (HRD) Ministry in President Ram Nath Kovind henga MU Vice Chancellor Adya Prasad Pandey lahdoh dinga phatsahna thumna lekha apeh ahi, tia asei ahi. Member ni panna ‘inquiry committee’ in achesa 2016 kum a kon Central University luboh a pang Pandey douna a kisem hehna ho thu akhol jou ahi.

“HRD Ministry in hiche thu a President henga lekhathot ape’e, ajeh chu Central varsity chancellor hi ahi. Vice Chancellor pa lahdoh dinga Ministry in asei ahi”, tin amin seidoh ding nomlouva senior ministry official khat in aseiyin ahi. Pandey hi phat sottah tah University a aumpon chule Registrar leh Controller of Examination kiti panmun khoh tah tah ho lahna dinga phat asumang e, tia achunga ngohna kisem ahi.

Pandey in Vice Chancellor panmun atuh sunga campus sunga jilkung chule simlai ho kiphinna jong um ahi. September 2018 kum a HRD Ministry in campus a ‘law and order’ aboi jeh a Pandey suspend anabol a chule University vaipohna hi Manipur chief secretary anahi Jarnail Singh pehdohna anei ahi. Singh hi Imphal khopi a um varsity official website a vice-chancellor a list kibol ahi.

Pandey in ama kilahdoh nading a ministry in tohgon anei ahet phah lou na thu aseiyin ahi. “Hiche thu kahepon, hiche jeh a ima kasei louding ahi”, tin athu adoh u adonbut in ahi. Tu masnaga atoson a political party neiya Pandey hi simlai chule jilkung hon adouna a kiphinna sangtah abol ahi.

2016 kum a jong Pondicherry University a Vice Chancellor anahi Chandra Krishnamurthy hi mi tohgon gu a akingoh (plagiarism) jeh a apan mun a kon kiladoh ahi. Lha masa a Allahabad University Vice Chancellor RL Hangloo chunga adih lou bol a ngohna thu akisei jouva apanmun a kon haina anei ahi.

Tu naicha a jong Tripura Vice Chancellor Vijay Dharurkar in sum akilahna video akisodoh jouva apanmun a kon haina anei ahi. Hemvati Nandan Bahuguna Garhwal University a Vice Chancellor JL Kaul jong 2016 kum a adih lou bol a akingoh jeh a apanmun a kon kiladoh ahi.

Dec 2020 kah a Secretariat complex kisachai ding ahi: Th. Biswajit

Imphal, Feb 19(ET): Capitol project thum lah a jao Civil secretariat chu December 2020 kah a sahchai teiding kigo ding ahi tin Works Minister Th Biswajit in Assembly achun ana sei in ahi. Adang teni chu Manipur Assembly Complex le Manipur High Court complex ahi. Hiche thu hi Sugnu MLA K Ranjit in thudoh abolna a Biswajit in a donbut ahi in hiche Capitol project kibol pat lai chun MLA K Ranjit hin Works Minister hina ana tuh ahi. Biswajit in aseibena achun Simplex project Limited a Show cause notice avel vel a akipeh jouvin  2018 kum chun terminate akibol in tuhin State Level Emmpowered Committee pansan in natoh chailou 25% tobang tongding in tender notice akisoh in Dec 2020 kah a kichai theng ding ahi ati.

Imphal-Kangchup-Tamenglong lampi siemna a Asian Development Bank (ADB) in fund apeh nachung a K Ranjit in aseina achun ADB in fund abolsa ho natoh anongkai jeh uva fund apeh sau ahin nunglah kit diu atijat thu asei in chule lampi siemna a inmun kitongkha ho compensation kipehlou jeh ho a fund kilahdoh kit khah ding aseina ah Biswajit in adonbutna achun ADB hotoh kisai jouse chaitheng soh ahitan hiche natoh hi April 2022 kah a kichai ding ahithu asei in ahi.

MLA Th Lokeshwor thusei donbutna abolkitna achun Sawombung-Sagolmang-Keibi lampi jong semphat dingdol ho kisempha ding ahi ati.

Sagolband MLA RK Imo in aseina achun gojuh phatseh leh Sagolband lampi a tui kiveiden thu asei in gojuh lha kipat masang a nala ho sempha ding in asei in Biswajit in jong akinthei pen a vetlhah ding thu asei in ahi.

Ukhrul MLA Alfred Kanngam Arthur in aseina achun MLA ho heng a amau mopohna noiya constituency umho vetsui nading a sum kipe ho akininglhin lou thu asei in chule thinglhang a MLA ho a tamsah jep ding in asei in chule reserved forest tih louva adang jouse khantou machalna ding a thil kigong jouse Hill Area Committee ho phalna lahding in asei in chule CM pa in ahin donbutna achun government in hiche chungthu hi kingaito ding ahi atipeh in ahi.

Khangabol MLA O Surajkumar in aseina achun gamdong ho akivet leh chehtang (Brick) lampi a apha jeh uvin alampi ujong lhou in apang sot in hiche tobang in Manipur gamsung ajong manding in asei in chule Imphal-moreh lampi a road divider ahiloule kol a lhailhah jeng theilou nading a crash barrier ho koiding in asei in ahi.

Police hon bandh bolho atosot e, tia ngohna CM in pomlou

Imphal, Feb 19(ET): Opposition MLA Khumukcham Joykishan in Yumnam Patlou Bridge kisah thu a Imphal-Saikul lamlen bandh akibol sunga Manipur Police hon Peace Development and Coordinating Committee (PDCC), Khundrakpam atosot e, tin Wednesday nikhon ngohna thu aseiyin ahi.

MLA pa thusei Home Portfolio jong tuh a CM Biren in adonbutna a, lamlen kikha hi kiphal lou ahi’in, IPC, NH Act, Criminal law (Amendment) Act leh adang dang dan noiya lamlen khah a kiphinna bol ho chunga action kila ding ahi, tin aseiyin chule 2019-20 kum sunga hitia kiphinna bol a bandh bol ho chunga case 10 val kijihlut ahitai, ati.

CM in donbutna anei jouva MLA Joykishan in Babysana thi thu a kiphinna aum sunga kiphinna bol ho police hon mock bomb, tear gas amang in ano uvin, JAC member ho jail chan a akoi uvin, ahivanga tu naicha Imphal-Saikul lamlen a PDCC in bandh abol nauva police hon bandh bol ho atosot uvin, anomang nadinga hunam ima amang pouvin, itidan a dan juiya police hon kiphinna bol ho atosot ham, tin thudoh aneiyin ahi.

CM injong police hon bandh bol ho atosot uve ti thu kamu poi, tin aseiyin, chule police hohin kiphinna bol hohin lamlen pam a kiphinna bol ho asol a, che le vah le ho asol u hiding ahi. Sorkar in athu avetding, themmona nei police aumle action alah ding ahi, ati.

Manipur Trade & Expo, Lamboi Khongnangkhong, Imphal in November lha kum seh a Sangai Festival host abol ahi, tin CM in gamsunga natoh chom chom umho thu jong aseiyin ahi. M/s National Highway Infrastructure Development Corporation Limited (NHIDCL) in Moreh Gate No 1 a kon GP lang Lalkaibeng chan ‘Diversion road’ asah hi EPC mode a khonung a traffic aboi jing suhlhap nading ahi, ati.

District sagi a Industrial Estate kisa a, EPC mode a November 29, 2017 kum a Tamu-Kyigone-Kalewa road section (0.00 a kon 149.70) Trilateral Highway, Myanmar chan lei 69 kisa hi Court case aumjeh a chal lou ahi’in, November 23, 2020 kah a kijou ding ahi, tin jong aseiyin ahi. February 14, 2020 ni a Shwe Mandalar, Express Company Limited, Yangoon leh M/s Seven Sisters Holiday, Imphal in lhathum sung gamsung teni kah a lhai ding Bus service pat dinga MoU soi akai ahi’in, seat 27 umna AC Coach hi kal a lhai ding ahi.

Myanmar leh India (Mnaipur) in Cultural Exchange Programme tosotna a Friendly Woman Football Exhibition Match 2017 kum a apat a tuchan a chejom jing ahi. M/s AIR KB Ltd, Myanmar noiya Passenger Chartered Mandalay-Imphal Flight Service November 23, 2019 ni a hondohna um ahi’in, December 7, 2019 chan bou phalna amu ahi. UDAN Scheme noiya hiche sector jong kikoi ahitai, tin CM in aseibe in ahi.

Act East Policy abulhin nadinga khantou machalna project chom chom kichepi ahi tia Chief Minster N Biren in sei

Imphal, Feb 19(ET): 11th Manipur Legislative Assembly 10th session ni-li channi a Chief Minister N Biren Singh in Act East Policy bulhing set a akichepi nadinga state leh centre sorkar in achesa 2014 kum a kon khantou machal nading natoh leh project chom chom abol ahi, tin House a aseiyin ahi.

MLA Surjakumar Okram in Question Hour a thudoh anei CM in adonbutna’a, ‘Integrated Check Post (ICP), Moreh hi police noiya kisa a Prime Minister Narendra Modi in January nisim 4, 2019 kum a hondohna aneiya tua hi phatah a kimangcha ahi, ati. India sorkar leh Myanmar sorkar in gamgi jui km 1640 sunga agama gam a kisem thil ho kilheh to thei nadinga Border Haats 9 hondoh dinga kinoptona anei ahi’in, hiche lah a Border Haats ni hi Manipur gam a ahi. Ukhrul leh Kamjong district a jong Border Haats ni hondoh be dinga jong kisei ahi, ati.

Lamlen leh adang dang thu a CM in Tamu-Kyigone-Kalewa lamlen panna a lei 69 sah nadinga natoh November 29, 2017 a kipan ahitan, tukum November 23 kah a jo dinga tohgon um ahi, ati. Chule August nisim 8, 2018 kum a Myanmar gam toh ‘land border crossing agreement’ kisem ahi. Myanmar leh India gam a Business leh workshop chom chom kibol ahitan, chule gamsung teni kikah a lhaiding Bus Service akipat nadinga February 14, 2020 ni a MoU soi kaina um ahi.

Ministry of Civil Aviation in International UDAN Scheme noiya Imphal-Mandalay Sector apansah ahi, tin Imphal-Mandalay flight service chungchang a aseiyin chule operator kilhenna hi March 2020 kah a ‘bidding’ a kisuchen ding ahi, ati. Hiche masanga Surjakumar in Act East Police hi trade, business leh transportation a mipi phatchomna ahi thei ding lolhin sah nadinga sorkar in pan alah dinga ngehna anei ahi.

2019-2020 kum sung (Feb 16, 2020 chan) a district chom chom a lamlen khah a kiphinna bol ho chunga case 10 akijihlut e, tin CM in MLA Kh Joykishan Singh thudoh donbutna aneiyin ahi. Lamlen kikha hi kiphinna vetsahna dinga kiphal lou ahijeh a dan noiya amaho chunga action kila ahi, ati. Minor Irrigation Department in-charge jong hi a CM in House henga State Plan noiya Department ho work program hi 2017 kum a kon published kibol ahi, tin aseiyin chule Lilong Atoukhong Mini Dam sahna natoh chelha jing’a, 1st phase a dinga dangka 70,76,289 kipe ahitai, tin MLA Md. Abdul Nasir thudoh adonbut in ahi.

Kh Joykishan Singh in thudoh achom anei CM in adonbutna a, Cheiraoching, Thangmeiband a Imphal View Point kisahna natoh achelhah jing lai ahi’in, kijou vahding ahitai, ati. Natohna a dan ho khoutah a kijuiya chule Environment Ministry a kon a jong ‘clearance’ kila ahi, tin aseibe in ahi.

Agriculture Minister V Hangkhanlian in gamsunga twi hah na dinmun tobang aumjeh a kum sunga phailei soh sangtah a nemsuh ahi, tin MLA AK Mirabai thudoh adonbut in ahi. Gam leiset hectare 99,153 a len hi twi hah jeh a phailei bol na a kimang theilou ahi, tin aseiyin chule gam leiset 95,947 hectare a phailei akibolna a lousoh 2,57,154 MT soh ahi in, hiche hi angaina a kila jat toh tekah dinga akeh khat bou hi ahi, ati.

Twi hah jeh chule go alhom jeh a gamsunga twi lhasam ahi’in, hiche jeh a State Cabinet in ‘drought’ phondoh dinga kihoulhahna aneiya, August 31, 2019 ni a department in phondohna anei ahi. Hiche dungjuiya Relief and Disaster Management Department a report kipelut a, Inter Ministerial Central Team hon October 11-17, 2019 sunga amun vetlhahna leh kholna aneiyu ahi. Twi hahna gamkai ho a State Fund a kon muchi chom chom lahna dinga dangka 6,02,93,000 sanction kibol ahi, tin aseibe in ahi.

MLA K Ranjit Singh thudoh chom Minister pa in adonbut na’a, twi hahna mun ho a manchah dinga water pump 100 kila a, beneficiary ho kihom ahi, tin aseiyin chule Pum beneficiary holeh District Agriculture Officer in pump kipe hi mopohna nei Office ho henga anungpeh nading uva MoU soi akaiyu ahi. District Agriculture Officer jousen beneficiary ho a kon pump anung chom kit dinga thuhilna um ahi, tin aseibe in ahi.

Social Welfare Minister Nemcha Kipgen in achesa kum ni sunga Anganwadi Center 779 kisa jou ahi, tin MLA Awangbow Newmai thudoh donbutna aneiyin ahi. Tamei Assembly constituency a achesa kum ni sunga Anganwadi Centre li kisa ahi, ati.

Chule Fisheries Minister N Kayisii in gamsunga kimu nga chom chom ho amanthah louna dinga pan akila e, tin MLA K Ranjit Singh thudoh adonbut in ahi. Gamsunga kimu nga jat chom chom phabep amangthah dinga aum jeh a hiche ho huhna dinga National Fishery Development Board, Hyderabad noiya Murrel  Hatcheries 10 kihongdoh ahi’in chule BIO FLOC akichepi toh kilhon a nga vah na technology thah um ahitan, gamsung nga ho alhing a kipe jouding ahi, tin aseibe in ahi.

Sorkar in ROP chepi nadinga thumna asan loule JAC-AMASEO in thi chan geiya kiphinna bol dinga gihna nei

Imphal, Feb 19(UNA): Join Administrative Council-All Manipur Government Aided School Employees Organization (JAC-AMASEO) in February 25, 2020 kah a Revision of Pay (ROP) chepi dinga thumna aneiyu state sorkar in ‘order’ apeh louva ahileh ‘suicide agitation’ kipan ding ahi, tin gihna anei uvin ahi.

Manipur Press Club mun a Wednesday nikho a spokesperson, JAC-AMASEO Thokchom Koireng in thuso miho akihoupi na’a, Cabinet Assembly in achesa Septemebr nisim 15, 2019 kum a aided primary teacher ho hahsatna ahetpeh a ROP order phatsahna aneiya hi ‘Aided school’ a jilkung hon kipana sangtah anei ahi’in, ahivanga sorkar in tuchan a anatoh a apohdoh lou phat a kinepna mang ahitai, tin aseiyin ahi. 2010 kum a kon jilkung hon ROP athum ahitan, state sorkar leh mopohna nei authority hon tuchan a athipsan hi vangset umtah ahi, ati.

CM Biren in January nisim 15, 2020 ni a ‘Meeyam Gi Numit’ hi a bulhing set a chepi dinga avel a kitepna anei ahi’in, JAC in aganna thei pen a ROP chepi dinga ngehna anei ahi. Aided school a jilkung hon insung vahna dinga hahsatna tamtah atoh uvin, chule achesa October 2019 a kon lha lo jong kimu loulai ahi, tin aseibe in ahi.

JAC-AMASEO in midang, adeh a niseh a ahinna dinga sum hol ho asuhboi nomlou jeh a eima hinkho kilah a kiphinna bol dinga tohgon anei ahi, tin jong aseiyin ahi. Gamsunga thinglhang leh phaicham a aided school 584 um a chule aided teacher hi 1,699 um ahi.

Hitobang dinmun ache jom a ahileh aided teacher ho hinsung mite ho jilkung adang ho toh tekah dinga sum atam mulou ahijeh a ahin lo u umlou ding ahi, tin JAC-AMASEO Secretary Mutum Jiten in aseibe in ahi.

CDPSA Secretary tha ding’a kigih nachung’a Feb. 21 akon Private School jouse khah ding

B.Lalboi Gangte

CCpur. Feb 19 (ET) : Churachandpur District Private Schools’ Association (CDPSA) noi’a Information and Publicity Department in tunin themmo channa leh demna thuso aneina’a achesa Feb. nisim 15 nikho’a CDPSA ding’a Secretary chung’a kiloikhom na khat in amu mu nao mun’a kaplih ding’a gihna anei naochung’a demna nasatah in akinei in ahi. Chuleh CDPSA  Secretary chung’a gihna nei hon anung lahdoh ding uvin atahlang in ahi.

Hiche toh lhon’a themjil natoh kisai’a chol tih neilou va simlai ho ding’a pan la jing ho chung’a hitobang thil lhung hi akipom theipon chuleh hiche chung chan thu hi gelkhoh lou theilou ahi. Chuleh CDPSA in hiche kigih natoh kisai’a lungkim lou vetsah na’a CCpur District sung’a um CDPSA noi’a School um jouse in ahung lhung ding Feb. nisim 21 akon School akhacheh ding uvin hetsahna jong anei uvin ahi.

Arjuna award anasang leh National Hockey team Captaion Waikhom Surjalata in ajipa chung’a hehna sem

Imphal, Feb 19: Arjuna Award ana sang le Indian National Hockey team a captain ana hi  Waikhom Surjalata in a inneipu in abolgimna chung’a Heingang Police station a FIR anabol tin ahi. January a chu Heingang PS a hehna kanasem ahin Rail Coach Factory a tournament ajao laitah ahijeh chun case chu Sultanpur Lodhi khutna transferred kibol ahi.

Surjalata in thuso miho toh akihoulimna a thilken hinki pohlou jeh  a ajipan avoh jing dan le asuh genthei jing dan phondoh na ananei in ahi.  Manipur Press Club a Surjalata in thuso miho akimupi na ah ajipa Kshetrimayum Shantakumar (45) S/o Kshetrimayum Dhanabir, Singjamei Wangma Kshetri Leikai akon ahin akichen hon ni jaan akon thilken akipoh lou jeh a ajipan avohjing dan thu anaseiyin ahi.

Ajipa in ahin voh jing vang a kum 15 lam ahin thoh a ahung kikhel ding a nga jing dan hetsah na ananei toh lhon in hitih chan a akikhel tah loutoh lhon a adou jou lou phat a phondoh na ahin nei ahi dan jong hetsah na ana nei in ahi.

Achung a thohgim na ahin peh jing toh lhon a mipin ajipa chung a gotna apeh ding uvin Surjalata in temna ahin nei in ahi.

Surajlata penna nu  Waikhom Subhadhani in achanu jipa kisah na chunga lung nopmo na anei dan le Shantakumar hi nei le gou bou khol a mi ngai lu lou ahi dan phondoh na ana nei in ahi.

Horticulture department in Delhi a joh ding thing thot; Dubai khopi a um company henga thing thot dinga kigotna neiyu

Imphal, Feb 19(ET): Manipur Organic Mission Agency (MOMA) in Horticulture and Soil Conservation Department noiya Pherzawl district a lou (har) beiya loubol mi 1,000 in thing lei abol na a thing ho Nature and Cure kiti Dubai khopi a um company henga tukum thot dinga kigotna anei ahi.

Register kibol ‘Organic farmer’ ho phatchomna dinga mission ahi’in, Horticulture and Soil Conservaion Minister Thounaojam Shyamkumar in tunin Sinlung Organic Farmers Producers Company (FPC), Pherzawl a thing 3.5 metric tonne (MT) soldoh na aneiyin, thil hi Revanta Foods Pvt.Ltd, New Delhi a apeh diu ahi. FPC hi MOMA noiya register ahi’in chule Sinlung Organic FPC, Pherzawl a thing kila akithot doh masapen ahi.

Horticulture and Soil Conservation Department office, Sanjenthong a Minister Th Shyamkumar in thuso miho akimupi na’a, MOMA agency toh Mission Organic Value Chain Development for North East Region (MOVCDNER) noiya lou beiya phailei bol loubol miho phatchomna dinga kitah tah a na kitong ahi, tin aseiyin ahi. MOVCDNER hi Ministry of Agriculture and Farmers’ Welfare central scheme ahi.

Department official hon tomngai tah a pan alah ahi, tin aseiyin chule Parbung leh Pherzawl district kimvel a loubol mihon alei abol thing ho joh nadinga New Delhi a um company kijoh ahi, ati. Department official ho jouse apachatna thu aseiyin chule tomngai tah a na atoh jom diuvin tilkhouna thu jong aseiyin ahi.

Department official ho leh loubol miho pot tho na le kitahna jeh a gamsung soh thil ho gamdang a kithot doh thei ahi, tin aseibe in ahi. Debadutta Sharma, Project Director, MOMA in loubol miho phatchomna dinga gamsunga ‘organic’ thil atam so ding hi department in akhohsah ahi, tin aseiyin chule Chief Minister N Biren Singh leh Horticulture and Soil Conservation Minister in Pherzawl district a thing lei bol ho khohsahna apeh jouva department in phatah a pan alah a, kitilkhouna anei ahi, ati. Kum masa a Pherzawl district a thing lei bol a 1,000 ho certification process kipan ahitai, tin jong aseiyin ahi.

Department in ‘organic’ thil tamtah Dubai khopi a um company henga thot dinga kigotna anei ahi’in, hiche hi Pherzawl district a certify kibol ‘organic’ hi a thing lei bol a loubol mi tamtah in aphatchompi teiding ahi, ati. Kum masa a MOMA in thing 4,000 MT hi gamdang a athot doh jou ahi’in, loubol mihon dangka crore 12 chunglang aphatchompi ahi, tin aseibe in ahi.

Ccpur a Doctor khat demand kibol toh kisaiya LTT Cadre khat kimankit

Ccpur, Feb 19(ET): Achesa nikho phabep masanga Non-SoO group Liberation Tiger of Tribals (LTT) hon Nazareth Nursing Home leh JP Selection neipa demand abolnao thu’a kholchilna aneijing utoh lhon in tunin Ccpur police hon Kangpokpi police makainan LTT cadre khat amandoh uvin ahi.

Akimandoh cader pa chu Ngamhao Khongsai @Obed (23) S/o Paosat Khongsai, PT Leikeh Dima Hasao, NC Hills Assam akon ahin tu tua Saikut Sub division noiya Maojang kho a pansa ahi.

Hetthei khat chu jani nikho a jong Ccpur police hon demand letter pe a pang Kamkholal Haokip anamat u ahi. Chule Ccpur police in athu aban kholchilna aneibe jing uvin ahi.

CoHSEM in Class XI exam vohai ta

Imphal, Feb 19: Council of Higher Secondary Education Manipur (CoHSEM) noiya class XI exam achelhah lai ahi’in, exam kibolna a adihlou aum’e tia akisei jouva exam avohai tauvin ahi.

February nisim 19 nikho a Examination Committee hon Emergency Meeting abol nauva CoHSEM in February nisim 21 a kon May nisim 26 sunga umding Class XI exam avat nalai ho vohhai dinga thulhuhna anei ahi.

Akisei exam ho akibol nading phat hi ol a hetsahna umding ahi, tin CoHSEM in aseibe in ahi. Mopohna nei Principal/Head of Institution hon akibol loulai subject ho a Confidential Paper (Question Paper) ho February nisim 24 sun nidan 1 kah a anungpeh diuvin jong CoHSEM in hetsahna anei ahitai.

Education department in COVID-19 thu’a simlai ho hetsah ding a thupeh nei

Imphal, Feb 19(ET): Director of Education (S) Th Kirankumar in thuso abolna achun District jouse a Zonal Educaton officer ho heng ah amau jo jurisdiction noiya school umho ah tulai a kithang natna COVID-19 tia kihe hi simlai chapang ho heng ah kichehtah a ahetsah uva chule simlai chapang koi hile khosih, hitang aum leh suti apeh uva akinthei pena hospital a kivetsah ding a seipeh ding un jong thuphon abol in chule chief medical officer office noiya um district surveillance officer ho jong thuchen hetbe nading a doh jingthei ahi dan jong asei in ahi. Hiche natna hi avei khat chil ahilou le naptui apat jong kilason thei ahi jeh a hiche tobang dammo na khosih ahilou le luchangna ho simlai ho aum leh umlou jong kholchil ding in jong thupeh anei in ahi.