MP gam’a Muslim nupa 2 bongsa po’a ginmo jeh’a anavo-u

MP gam’a Muslim nupa 2 bongsa po’a ginmo jeh’a anavo-u

153
0
SHARE

 

Bhopal, Jan 15 (Zeenews): Train’a kholjin Muslim nupa ni right wing member hon bongsa po’a ginmona aneijeh uvin hunam in anabol uvin, Madhya Pradesh gamsung Harda district’a um Khirkiya railway station’a lhung thilsoh ahi in, Gauraksha Samiti member hon Thursday nikho’a nupa teni von kholding agot-u ajahda jou nung thilsoh ahi.
Police hon asei nauva chun, activist hon nupa teni von pohna’a konin bongsa amudoh uvin, ahin, laboratory test abol jouvun bongsa hilouva loi-sa joh ahi, tihi hetdohna um ahi, ati. India Express thuso in thilsoh toh kisaiyin police hon mi 2- Hemant Rajput leh Santosh aman tauve, ati.
Vangsetna toh kum 43 ‘a upa Mohammed Hussain leh ainneipi hi Harda district’a achenna mun lhon’a akile nalhon lampi’a thilsoh atolhon ahi. “Kel-sa bou kane uve. India gam’a cheng kahiuvin, thilse leh thilpha kahekhen uve. Sa kipohna pot vom hi keini’a ahipoi. Ka-inneipi avo uvin, police constable khat in eihuhdoh-u ahi”, tin Mohammed Hussain in aseiye. Akiman teni songkul’a asol tauvin chule samiti member midang nga ho matna ding’a kholna achelha jing nalaiyin ahi.