MLA election a lamkai pha akilhendoh theina dia Kpi sung Christian kiloikhom...

MLA election a lamkai pha akilhendoh theina dia Kpi sung Christian kiloikhom hon An-ngol taona nei’u

513
0
SHARE

Kaybie Chongloi,
Kangpokpi, Feb.27: Ahunglhung ding MLA election a mipi kinepna banga’a lamkai pha aumtheina ding’in tuni (Feb. 27) chun Kangpokpi Town Churches Fellowship lamkaina’n Kangpokpi DHQ sung’a um Christian kiloikhomna hon lunggil tah in an-ngol in taona ana anamang uvin ahi. Rev. K. Hangshing, Pastor TBA Kangpokpi, Rev. Siehpao Hangshing, Pastor KIBC chule Rev. J. Lunkim, Pastor KCC (KTCF Chairman) ho vaihopna noiya kibol taona kin chu jingkah nidan 7:00 KCC a kibol ahin session 3 in akihom khen’in ahi. An-ngol taona a chun sum le pai donkhom hilouvin taona mang ding’a hunghon anehsih u joh ahin kichoikhom uvin ahi.
Rev. K. Hangshing in first session alamkai toh kilhon in ‘Peaceful and ethical voting on the part of the voters’ kiti thupi noiyin ahung kikhom khom ho ahettohsah in thudih petchah jing ding’in mipi ang’ah ahoulim in ahi.
Second Session chu Rev. Siehpao Hangshing in alamkai ahin ‘For true shepherds/leaders and good governance’ kiti thupi in houlimna aneiyin ahi. Akilhengdoh lamkai khatchun amachang phatchomna seh gel louvin amipite leh agamsung khantouna leh chamna aumjing theina ding joh akhohsah ding dan ho’n houlimna aneiyin ahi. Hiche keu hilouvin gamsung mipite adeh’a Kukite eilamkai diu leh midang toh ikigol khat theina diu gelkhoh lamkai akingaichat dan hojong aseiyin ahi.
Session thumna chu Rev. J. Lunkim in alamkai toh kilhon’in ‘God’s blessing for Kangpokpi DHQs and peaceful ways of the life in the town’ kiti thupi mangcha’n houlimna aneiyin ahi. Gamsung leh mipite khantousah ding lampang gelkhoh lamkai akilhendoh theina ding’a dan dihtah jui pum’a vote lhahding in aseiyin ahi.