MLA Election a dia kigotna: Gamsung mun phabep’a Flag hondohna kingon kibol

MLA Election a dia kigotna: Gamsung mun phabep’a Flag hondohna kingon kibol

561
0
SHARE

B.Lalboi Gangte
CCpur, Feb 8 (ET): 11th Manipur Legislative Assembly Election 2017, March 2017 lhabul sung’a kilhen na chelha ding toh kilhon’a Churachandpur district sung’a Constituency 6 um na mipi natong ding’a kipedoh Candidate hon Vote holna aneijingutoh kilhon in tuni jinglam nidan 11:30 in B.Vengnom Community hall ah 57-Henglep (ST) AC Intending Candidate Mr. Letzamang Haokip in Public Meet -cum – Campaign Flag Off abol in ahi. Henglep gam mipi kisuhkhomna kin’a agam kai gamkai akon in Letzamang Haokip nungjui mi-1000 val akisu khom uvin, chuleh kho housa mi-120 hiche kisuhkhom na kin’a apanguvin ahi. Pastor. Henkhosei Lecturers DTS in Pathen heng’a Letzamang Haokip a ding in vangthum peh na aneijin ahi.
Mr. Letzamang Haokip in ahoulim na a chun, politics hi kum 10 lang kahung kingaito jou’a kigel lhah na kaneitoh kilhon’a tuchung’a gamsung mipi ngaichat ho suhbulhit ding’a hung kipedoh’a Election tetding’a hung kipan doh kahi ati. BJP a Enrolment mitam tah akibol nachungchon’a Primary number nei soh kei tamtah akium in Active number Identity Card nei mi-40 akium in hiche jouse tuni’a BJP akon’a reign akibol tan chuleh State BJP heng’a jihtho’a lekha kipethoding ahi ati.
Henglep (ST) AC sung’a tuchung hin Campaingner team 50 akisem in amahohin kho tin’a inn suon achotl diu ahi, chuleh campaign kibol na kho’a Candidate dang hotoh jong kiki suto na munjong um in hiche phatteng leh koima toh kisuh boi di lunggel lungthim neilou ah lamdih’a cheding hi keiho chepi ahi. Mitoh kina lou’a chamdel’a Vote kiholdi ahi, chuleh gamsung mipi ho vilna phat hoi’a lamkah tuikah’a boina toh aum khah’a jong leh kithopi joh ding hi keima chepi leh kalunggel khat ahidan tuni nikho’a alhangkai jouse’a japi tamtam tah hiche kin’a hungjao thei hi pathen vangpeh ichan nau ahi ati.
Letzamang Haokip Voters hungkhom hon aseinao va Party ticket ah Election kikai ahipo’n, agam mipi ho Vote ah Candidate kai ahin hijeh chun Voters ho deisah nabang tah’a nang man National party nang ma in Party dangtoh kisam kaikhom peding Party ven lang Ticket kilah tan tin Voters hon vailhahna aneiyuvin ahi.
Tuni kingon a chun Paotinlal, Chairman Henglep Area Chief Asst., Thangkhomang Haokip Ex-MDC, Kamlen Chief of C.Munpi, Bronson Chairman, Charoi Khulen, Seikholen Singson Secretary BJP Henglep Mandel, D.Siema Gangte Santing Area, Kaikhohao Gangte Secretary KSDC leh Kh. Thienna Vaiphei hon ahung kikhom Voters hoheng’a houlim na aneiuvin, Vote manlutah mimal in anei cheh hou Letzamang apecheh diu vin ngeh na anei vin ahi. Kin kichai lam chun Candidate pu in bong 1 leh Vohcha 3 ah ankoung asem in, aki khom mipi hojouse toh ankuong sokhom na kin aneiyin ahi.
Alangkhat ah Tuni (Feb. 8) chun Yaiskul Assembly Constituency a tetding Congress Candidate Elangbam Chand a ding’in Flag hoisting ceremony anakibol in ahi. Hiche kingon chu Wangkhei Yonglan Leirak, Imphal East a ama chenna inn a kibol ahi. Hiche kin a chun Congress Ministers, MLAs chule worker hojong apang uvin ahi.
Alangkhat ah Khurai BJP Mandal in Khurai Sharjo Leikai ah BJP Candidate , L Susildro @ Yaima a ding’in flag hoisting kingon khatjong anamang uvin ahi. Hiche kin a chun BJP President K. Bhabananda leh BJP Manipur Pradesh lamkai tampi jong apang uvin ahi. BJP Manipur Pradesh Spokesperson, N Biren in ahoulimna ah thinglhangmi holeh phaicham miho ahung kilungkhat tengle bou gamsung’a chamna le khantouna umbep ding ahi ati. Manipur sung’a cheng community jousen thakhat tah’a khantouna aneidiu ahi. State government injong gamsung boina ho ima gelkhoh louva aum hi gamsung mite kinepna alung lhahdai sah ahi ati. Tulai highway ho’a economic bandh kibol jong lahdoh ding chule gamsung khantouna ding lampi hojong angaito poi tin Biren chun aseikit in ahi. Candidate kineppi umtah ho Congress leh BJP ticket mujoulou hon National People’s Party (NPP) ajop uvin ahi.

SHARE
Previous articlePDF a dingin hilai hi click in
Next article