Mel hetlou hon Moreh a UKLF lamkai khat kaplih, CSO hon thilse...

Mel hetlou hon Moreh a UKLF lamkai khat kaplih, CSO hon thilse bolho nikhat sung’a akiphon diuva seiyu; Nidan 24 bandh kikou Moreh, July 13(ET): Mel hetlou thal choi hon Saturday sun a Moreh a UKLF thingnoi lamkai khat akaplih uvin ahi. Thulhut dungjuiya vangsetna toh a kum 34 vel a upa Lalthang John Gangte hi Lonpi Khunou Sugnu, Chandel district a cheng ahi’in, Moreh town commander ahi’in chule meichang 8 in akhah ahi. Mission Veng Moreh Ward No 2 leh Ngamkhai Veng, Moreh Ward No 8 kikah a John Gangte thilong kimu ahi. Police hon thusoh ajah jah un Binoy Chongtham, SDPO Moreh lamkaina a police hon thilso namun adel lut uvin ahi. Police team hon gari nei (N-Torq) khat leh cartridge phabep amun a amudoh uvin chule thilong post mortem bol dinga Moreh District Hospital a akoi tauvin ahi. Ipijeh a kithat ham, ahilouleh koiyin atha ham ti kiphonna umlou lai ahi. Alangkhat a Moreh town a um civil society organization hon toltha demna a bandh akou uvn, nidan 24 sunga themmona nei hon kiphonna anei diuvin CSO hon ngehna jong anei uvin ahi. Moreh khopi sunga civil society phabep in John Gangte kitha na chunga deilou vetsah na in Moreh khopi sung nidan 24 bandh akou uvin ahi. Hill Tribal Council(HTC), Kuki Women Union & Human Rights(KWU&HR), Kuki Students’ Organisation le Moreh Youth Club ho in Ngamkhai Veng a sunkim nidan 12:20 vel a John Gangte kithana demna thuphon ahin nei uvin ahi. Kiloikhomna ho in thuso ahin neina uva Ngamkhai Veng hi khopi sung mipi ho in ajot pa jing na u mun khat ahin hilai mun a hitabang natoh na kinei hi deilou um tah ahi tin kiloikhomna ho akon thuso kimu chun asei in ahi. Hiche thilsoh deilou na vetsah na a kiloikhomna ho in tuni nilhah nidan 5 akon nidan 24 Moreh khopi sung bandh akou dan u jong hetsah na ahin nei uvin ahi. Kiloikhomna ho in nidan 24 sunga abol ho in ajeh toh ahin peh uva kiphon na ahin nei ding uvin jong hetsah na ahin nei uvin ahi. Molnoi Area Welfare Council in Molnoi lhang a CSO toh kitho in KNO ho hidia ginmo um phabep in Moreh mun a John Gangte atha na chunga uva deilou na vetsah na intujan akon Imphal-Moreh Highway bandh akou uvin ahi. Hitobang na toh na hi deilou um tah ahin akisaipi vai po ho in agan na thei pen a mona nei ho amat doh ding uvin jong council in hetsah na ahin nei uvin ahi.

277
0
SHARE

Mel hetlou hon Moreh a UKLF lamkai khat kaplih, CSO hon thilse bolho nikhat sung’a akiphon diuva seiyu; Nidan 24 bandh kikou

Moreh, July 13(ET): Mel hetlou thal choi hon Saturday sun a Moreh a UKLF thingnoi lamkai khat akaplih uvin ahi.

Thulhut dungjuiya vangsetna toh a kum 34 vel a upa Lalthang John Gangte hi Lonpi Khunou Sugnu, Chandel district a cheng ahi’in, Moreh town commander ahi’in chule meichang 8 in akhah ahi. Mission Veng Moreh Ward No 2 leh Ngamkhai Veng, Moreh Ward No 8 kikah a John Gangte thilong kimu ahi. Police hon thusoh ajah jah un Binoy Chongtham, SDPO Moreh lamkaina a police hon thilso namun adel lut uvin ahi.

Police team hon gari nei (N-Torq) khat leh cartridge phabep amun a amudoh uvin chule thilong post mortem bol dinga Moreh District Hospital a akoi tauvin ahi.

Ipijeh a kithat ham, ahilouleh koiyin atha ham ti kiphonna umlou lai ahi.

Alangkhat a Moreh town a um civil society organization hon toltha demna a bandh akou uvn, nidan 24 sunga themmona nei hon kiphonna anei diuvin CSO hon ngehna jong anei uvin ahi.

Moreh khopi sunga civil society phabep in John Gangte kitha na chunga deilou vetsah na in Moreh khopi sung nidan 24 bandh akou uvin ahi. Hill Tribal Council(HTC), Kuki Women Union & Human Rights(KWU&HR), Kuki Students’ Organisation le Moreh Youth Club ho in Ngamkhai Veng a sunkim nidan 12:20 vel a John Gangte kithana demna thuphon ahin nei uvin ahi. Kiloikhomna ho in thuso ahin neina uva Ngamkhai Veng hi khopi sung mipi ho in ajot pa jing na u mun khat ahin hilai mun a hitabang natoh na kinei hi deilou um tah ahi tin kiloikhomna ho akon thuso kimu chun asei in ahi. Hiche thilsoh deilou na vetsah na a kiloikhomna ho in tuni nilhah nidan 5 akon nidan 24 Moreh khopi sung bandh akou dan u jong hetsah na ahin nei uvin ahi. Kiloikhomna ho in nidan 24 sunga abol ho in ajeh toh ahin peh uva kiphon na ahin nei ding uvin jong hetsah na ahin nei uvin ahi.

Molnoi Area Welfare Council in Molnoi lhang a CSO toh kitho in KNO ho hidia ginmo um phabep in Moreh mun a John Gangte atha na chunga uva deilou na vetsah na intujan akon  Imphal-Moreh Highway bandh akou uvin ahi.  Hitobang na toh na hi deilou um tah ahin akisaipi vai po ho in agan na thei pen a mona nei ho amat doh ding uvin jong council in hetsah na ahin nei uvin ahi.