Mehbooba Mufti in toukhomna neiding’a kouna nei

Mehbooba Mufti in toukhomna neiding’a kouna nei

130
0
SHARE

 

Srinagar, Jan 17 (Zeenews): PDP chief Mehbooba Mufti in Sunday nikho’a kiloikhompi Bharatiya Janata Party (BJP) hotoh khonung ding thu seikhomna ding’a toukhomna akou toh kilhon’a tohgon hi Jammu and Kashmir gam’a sorkar kisemdoh theilou jeh’a boina suhlhap nading’a pan kilahna in akimu in ahi.
Toukhomna’a senior party lamkai holeh Parliament member ho pang diu ahi. National Conference (NC) in gamsung’a sorkar semdoh nading’a BJP tosot ding’a asei uvin ahi. Party chief Farooq Abdullah in, “Temna aumleh National Conference in sorkar sem ding’a BJP tosot din angaito ding ahi. National Conference working committee hotoh toukhomna kineiya athu kiseiding ahi”, ati.
NC lamkai in party tenin in ngaidan aseidoh’a chule phat vaigei sang sah talouva gamsung sorkar asem diuvin aseiyin ahi. Gamsung’a tu dinmun’a boina um chungchang’a NC lamkai pa’n Jammu and Kashmir gam’a boina jouse suhlhap nading hi National Conference ahi, tin aseiye. Alangkhat’a, Mehbooba injong PDP hon Sunday nikho’a ama inmun’a toukhomna anei ding’in kouna aneiyin ahi. Jammu and Kashmir gamsung hi achesa Janaury nisim 9 nikho’a hetman louva chief minister Syeed Mohammad Mufti athi jouva kon Governor’s Rule noiya um ahitai.