Meh ding leh thaneina kihopdom’a pha ahi

Meh ding leh thaneina kihopdom’a pha ahi

234
0
SHARE

  Delhi govt a Parliamentary Secretary 21 kikoi Delhi High Court in hitheiponte tia akahlhah chu Manipur BJP hon pha asalheh un, Manipur’a Parliamentary Secretary 5 kikoi jong kahlhah ahung hinadi kinepna anei jeh ahi. Ahin Manipur leh State neo neo ho tah tah-a Cabinet Minister tamtah tah ana umjeh-a ‘Downsizing’ kiti hung umdoh, hiche’a kon Parliamentary Secretary kiti hung umdohbe ahi. Manipur BJP hojong hin Ministry hinsem khaleu amahotah Parliamentary Secretary tamkoipen jong hung hithei u ahi. Downsizing kiti hung umdoh a Cabinet Minister leh Minister of State (MoS) jat hatah a ahung lhom jouva Parliamentary Secretary umdoh ahin, hichea pat kiniel baotamna ana umdoh peh anahi-e. 10th Schedule nuoiya Ministry Downsizing hi BJP/NDA sorkar in Centre anapoh masatlai, 1999-2000 lang’a ana boldoh lah a athupi khat ahi. Hiche Downsizing doi thupipen chu Centre leh State govt a ‘Jumbo Ministry’ kiti, mi tamtah Minister hina Ministry umjeh a govt sum le pai tamtah mohseh-a kisuhmang deilouna jeh ahi. Ruling Party a MLA jouse tobang Minister ngen hina State ana um’a hichu Ministry detna beh hileh phadi, Portfolio adei mulou jeh a boina siem’a suhchop touchop tho ngen anahikih nahlai jeh-a Ministry det theina dia hiche Downsizing to kilhon’a ‘Anti-Defection Law’ jong anakiboltha ahi. Manipur a MLA 60 umna a Cabinet Minister 30 lang ana umbang chu hiche Downsizing daan in abolchah got hochu anahi-e. 10th Schedule umdoh phatchomna mutheitah ahina chu MLA ho suhchop touchop aumthei tahlou jeh-a Ministry ho hung det ahi. Hinlah Cabinet chang MLA holeh Chief Minister ho Hitler tobang’a thunei le thanei hung hidoh, Ruling party a kon MLA hojeng jong CM leh Cabinet Minister ho kom’a khutdo tobang bep hung hidoh kit ahi. Hiche jeh-a hi Minister tamsahbe dila ahitheilou jeh-a Parliamentary Secretary kiti post hi State phabep in ahinboldoh-a Minister of State to kibang dinmun hung kipeu ahi.

  North East a Parliamentary Secretary hinbolpan masaloi hi Nagaland anahi, Nagaland injong aboltheileh tia Manipur injong ahinpat ahi. Aam Aadmi Party (AAP) hon jong Delhi govt ahinpoh uapat MLA phabep suhlunglhaina dia Constitution’a umlou hiche Parliamentary Secretary hi ahinkoi u anahi-e. Parliamentary Secretary hi MoS toh dinmun kibang’a akisei vang’a Cabinet minister hon Power akihopilou jeh uva alunglhai umlouvin akiseiye. Ahin Parliamentary Secreatary hohin MLA maimai sang’a Office, Office Staff, Security Escort, gari ho anei u ban’a lhalo (allowance) tamjep jong amu u ahi. Dihtah-a power akipeh uleh Downsizing kitilo umkitloudi ahi. AAP ho hasei khat hi VIP Culture suhmangdi ti ahin Parliamentary Secretary hi VIP tamjepna jong ahijeh in akikalna um ahi. Manipur’a diavang mi 12 inbou govt thaneina achoi sang’a MoS hihen Parliamentary Secretary hileh aum’a power akihop ujongleh Democracy umdohna khat hidi ahi. Mi themkhat inbou aneh sang’a mi tamjep in anehleh phajo tei ahi.

SHARE
Previous articleSept. 10, 2016 Local news
Next articleLetlenchung Lupho